និស្សិតស្រីម្នាក់ប្រាប់គុណសម្បត្តិរៀនជំនាញដែលខ្លួនស្រលាញ់ ទោះក្នុងថ្នាក់មានស្រីតែម្នាក់ក៏ដោយ

2019-08-27 08:05:00
ចំនួនមតិ 0 | ចំនួនចែករំលែក 0

ក្រោយបញ្ចប់ថ្នាក់មធ្យមសិក្សា និស្សិតភាគច្រើនត្រូវបន្តមុខជំនាញនៅថ្នាក់មហាវិទ្យាល័យ។ ការរើសជំនាញសិក្សានៅថ្នាក់មហាវិទ្យាល័យពិតជាមិនងាយស្រួលឡើយ។ ដោយឡែក និស្សិតមួយចំនួនរើសជំនាញសិក្សាដោយខ្លួនស្រលាញ់ ហើយមួយចំនួនទៀតរើសជំនាញសិក្សាតាមឪពុកម្តាយ។

កញ្ញា មិន តាំងលីវ ជានិស្សិតស្រីមួយរូបមកពីខេត្តត្បូងឃ្មុំ សព្វថ្ងៃកំពុងសិក្សាជំនាញអគ្គិសនីនិងថាមពលផ្នែកអគ្គិសនីនិងស្វ័យប្រវត្តិកម្មនៃវិទ្យាស្ថានបច្ចេកវិទ្យាឆ្នាំទី ៤។

អ្វីដែលគួរឲ្យស្ងើចសរសើរចំពោះនិស្សិតស្រីរូបនេះ គឺដោយសារ តាំងលីវ ជាសិស្សស្រីតែមួយរូបបានជ្រើសរើសរៀនជំនាញអគ្គិសនីនិងស្វ័យប្រវត្តិកម្មមកសិក្សាក្នុងថ្នាក់បរិញ្ញាបត្ររបស់ខ្លួន។ ជាសិស្សស្រីតែម្នាក់នៅក្នុងថ្នាក់រៀន លើសពីនេះកញ្ញាក៏ជាសិស្សពូកែមួយរូប ព្យាយាម តស៊ូអំណត់ក្នុងការសិក្សាមុខជំនាញអគ្គិសនីផងដែរ។

ទោះបីជាមានការជំទាស់បន្តិចបន្តួចពីសំណាក់គ្រួសាររបស់កញ្ញាពេលរើសជំនាញអគ្គិសនីក៏កញ្ញារូបនេះព្យាយាមពន្យល់និងជម្នះតស៊ូរៀនឲ្យទាល់តែបានដោយហេតុតែខ្លួនស្រលាញ់និងចាប់អារម្មណ៍ខ្លាំង។ នៅក្នុងថ្នាក់រៀនទៀតសោត ថ្វីត្បិតតែមានស្រីតែម្នាក់ឯងក៏ពិតមែន និស្សិតរូបនេះមិនដែលអាក់អន់ស្រពន់ចិត្តឡើយ ព្រោះជាមុខជំនាញដែលខ្លួនចង់ចេះចង់ដឹង។

ស្តែងចេញឲ្យឃើញអំឡុងពេលសិក្សាជំនាញអគ្គិសនី តាំងលីវ ក៏បានធ្លាប់ចូលខ្លួនប្រឡូកក្នុងការប្រកួតរ៉ូបូតថ្នាក់ជាតិបានចំនួនពីរដងរួមមកហើយ។ តាមរយៈកិច្ចសម្ភាសន៍ កញ្ញាបានប្រាប់ឲ្យដឹងថា លើកទី១ ក្រុមរបស់ខ្លួនទទួលបានជយលាភីលេខ ១ ដោយបានទៅប្រកួតបន្តនៅប្រទេសវៀតណាមកាលពីខែ ឧសភា ឆ្នាំ ២០១៨ និងលើកទី ២ ក្រុមរបស់ខ្លួនមិនបានទទួលបានជយលាភីក៏ពិតមែនតែក៏ទទួលបានពានរង្វាន់ខាងរចនារ៉ូបូតស្អាតក្នុងការប្រកួតនាឆ្នាំ ២០១៩នេះ។

ចុចមើលវីដេអូសម្ភាស៖