៣ ភាពទាក់ទាញខ្លាំងរបស់មនុស្សស្រីដែលមិនមែនជានារីសំពត់ក្នុងផ្នត់

2019-08-20 02:55:00
ចំនួនមតិ 0 | ចំនួនចែករំលែក 0

គេថាមនុស្សស្រីសុភាពរម្យទម តែងតែបានចិត្តមនុស្សប្រុសជាងមនុស្សស្រីដែលឆ្មើងឆ្មៃ។ យ៉ាងណាក្ដី មិនប្រាកដថាមនុស្សស្រីដែលមានចិត្តខ្លាំងមិនទាក់ទាញនោះឡើយ។

សង្គមបានកំណត់ថា មនុស្សស្រីត្រូវតែដើរតាមគន្លងដែលចាស់បុរាណបានបន្សល់។ យ៉ាងណាក្ដី នៅក្នុងកែវភ្នែកមួយចំនួន មនុស្សស្រីដែលមិនមែនសំពត់ក្នុងផ្នត់គឺមានភាពទាក់ទាញជាទីបំផុត នៅកណ្ដាលហ្វូងមនុស្សស្រីដែលសុទ្ធតែជាអ្នកសុភាព។

១. ពួកគេមិនទ្រអ្នកណាទាំងអស់

ពួកគេតែងតែដឹងច្បាស់ថាពេលណាត្រូវទន់ និងរឹងច្បាស់លាស់បំផុត។ ពួកគេនឹងមើលតាមកាលៈទេសៈដើម្បីរៀបឫករបស់ខ្លួន ឲ្យស័ក្ដិសម។ តែមានរឿងដែលធ្វើឲ្យគេលេចធ្លោជាងអ្នកដទៃនោះគឺ គេនឹងមិនដោយសារតែស្នេហាហើយទ្រអ្នកណាមួយឡើយ ព្រោះគេធ្វើមិនកើត។ ដោយសារតែអត្តចរិតឆ្មើងឆ្មៃបែបនេះហើយ ដែលធ្វើឲ្យមនុស្សប្រុសលង់នឹងគេខ្លាំង។

២. មនុស្សត្រង់ដូចដើមឫស្សី

មនុស្សស្រីដែលសុភាពរមទម្យខ្លាំង ទោះបីជាមានចំណុចមួយចំនួនដែលមិនត្រូវនឹងចិត្តខ្លួន ក៏មិនហ៊ាននិយាយត្រង់ចេញមកដែរបានត្រឹមបញ្ឆិតបញ្ឆៀងតែប៉ុណ្ណោះ ឬខ្លះទៀតគឺមិនហ៊ាននិយាយចេញតែម្ដង ព្រោះខ្លាចធ្វើឲ្យដៃគូទាស់ចិត្ត។ ផ្ទុយមកវិញ ចំពោះមនុស្សមិនត្រង់ដូចនេះ គឺគ្មានអ្វីដែលនាងមិនហ៊ានហារស្ដីឡើយ បើនាងមិនខុស ដែលធ្វើឲ្យសម្ដីរបស់នាងរឹតតែមានទម្ងន់។

៣. មិនឲ្យអ្នកណាគៀបសង្កត់ខ្លួនទាំងអស់

មនុស្សស្រីមិនសុភាពនឹងយកខ្លួនឯងជាឥទ្ធិភាពទី១នៅក្នុងជម្រើសទាំងអស់ ទោះបីជាក្នុងជីវិត ឬស្នេហាក៏ដោយ ព្រោះពួកគេដឹងច្បាស់ដូចថ្ងៃថា មានតែខ្លួនឯងប៉ុណ្ណោះដែលមិនក្បត់ខ្លួនឯង។ គ្រប់មនុស្សផ្សេងសុទ្ធតែមិនអាចជឿជាក់១០០%បាន។ ដូចនេះបើអ្នកគិតថាស្រលាញ់នាងហើយ អាចបង្វិលនាងបាននោះ គឺអ្នកគិតខុសធ្ងន់ហើយ៕

ចុចអាន៖ បកអាក្រាតការពិត ពីមនុស្សមិនសូវចេះមាត់ក និងមនុស្សពូកែសម្តី

ប្រភព៖ Guu ប្រែសម្រួល៖ Caramel