ទាំងនេះបញ្ជាក់ថាមនុស្សស្រីលែងចង់ទាក់ទងអ្នកទៀតហើយ ទោះក្នុងឋានៈអ្វីក៏ដោយ

2019-07-29 03:50:00
ចំនួនមតិ 0 | ចំនួនចែករំលែក 0

ក្នុងទំនាក់ទំនងស្នេហា មនុស្សស្រីតែងតែខ្វល់និងយកចិត្តទុកដាក់លើមនុស្សនាងស្រលាញ់ណាស់។ នាងចំណាយពេលជាច្រើនដើម្បីបានក្បែរអ្នក និងចង់ដឹងចង់លឺពីអ្នកគ្រប់យ៉ាង។ ប៉ុន្តែបើស្ងាត់ៗ ស្រាប់តែអ្នកទៅចោលនាង លែងអើពើនឹងនាងទៀត នាងក៏អាចបញ្ចប់ទំនាក់ទំនងនេះដោយគ្មានលក្ខខណ្ឌនោះដែរ។ សញ្ញាប៉ុន្មាននេះ បញ្ជាក់ថានាងលែងត្រូវការអ្នកទៀតហើយ៖

១ មិនងាយឆ្លើយតបនឹងសារអ្នក

នៅពេលនាងឃើញសារអ្នក នាងទុកវាចោលក្នុងរយៈពេលយូរ ទើបនាងឆ្លើយតបទៅអ្នកវិញ។ ទោះបីឆ្លើយ ក៏សារនោះមិនសូវផ្អែមល្ហែមដូចមុនដែរ។

២ លែងសូវនិយាយស្ដីដូចមុន

ពេលនៅជាមួយអ្នក នាងលែងចង់ដឹងចង់សូរអ្វីពីអ្នកទៀត ។ ក្នុងពេលនិយាយគ្នាទៀតសោត នាងក៏មិនមានស្នាមញញឹមដូចនាងមានកន្លងមកដែរ វាហាក់ដូចជាពោរពេញដោយភាពសោះកក្រោះ និង ស្ងៀមស្ងាត់ជាខ្លាំង។

៣ លែងគិតគូរពីអ្នក

ចង់ធ្វើអ្វី សម្រេចចិត្តធ្វើអ្វីនោះ នាងតាមតែចិត្តអ្នក នាងមិនបញ្ចេញយោបល់អ្វីទេ។

៤ លែងផ្ញើរសារនិងទាក់ទងទៅអ្នកមុន

នាងមិនទូរស័ព្ទទៅអ្នកដូចរាល់ដង មិនផ្ញើរសារ មិនសួរពីអ្នកថាយ៉ាងម៉េចហើយនោះទេ។ បើអ្នកសូរនាងមួយម៉ាត់ នាងក៏ឆ្លើយមួយម៉ាត់ ហើយពេលខ្លះនាងមិននិយាយអ្វីផង ។

៥ លែងប្រាប់ពីកន្លែងដែលនាងទៅ

ទៅណាមកណា នាងមិនចង់ឲ្យអ្នកដឹងលឺនោះទេ។ នាងចាប់ផ្តើមរស់នៅដោយលែងមានវត្តមានរបស់អ្នក ហើយសម្របខ្លួនជាមួយជីវិតថ្មី។

៦ ដើរកំសាន្តតែជាមួយមិត្តភក្តិ

នាងមានអារម្មណ៍ខ្លាចអ្នក នាងមិនចង់ទៅណាមកណាជាមួយអ្នកទេ។ ពេលក្បែរអ្នក នាងគ្មានភាពរំភើបឡើយ អីច៊ឹងហើយ នាងតែងតែចំណាយពេលជាមួយមិត្តស្និទស្នាលនាងតែប៉ុណ្ណោះ។

៧ មានលេសស្ទើរគ្រប់រឿង

អ្នកអាចសង្កេតពីនាងបានពីសកម្មភាពនាងរាល់ថ្ងៃ។ នាងចាប់ផ្ដើមដោះសារគ្រប់ចំណុច មានលេសមិនចេះចប់ រវល់នេះរវល់នោះរហូត ទោះការពិតនាងទំនេរក៏ដោយ។ ហេតុផលតែម៉្យាង នាងមិនចង់ទាក់ទងអ្នកទៀត វាអាចទៅរួចដែរ ដែលមនុស្សស្រលាញ់គ្នា គ្មានពេលឲ្យគ្នាសោះ សូម្បីតែតបសារនោះ ហើយរវល់គ្មានចន្លោះបែបនេះអ៊ីចឹងនោះ។ បើនាងស្រលាញ់អ្នក នាងត្រូវការអ្នកណាស់ មិនមែនទុកអ្នកចោលនោះទេ។

បើអ្នកសង្កេតឃើញ ប៉ុន្មានចំណុចនេះហើយ កុំស្ទាក់ស្ទើរអីទៀត សួរពីចិត្តនាងឲ្យច្បាស់ថានាងនៅស្រលាញ់ នៅចង់បន្តទំនាក់ទំនងនេះទៀតឬអត់។ ដូច្នេះអ្នកគួរស្វែងរកឬសគល់នៃទំនាក់ទំនងរបស់អ្នកទាំងពីរ ជួនកាលអ្នក អាចកំហុស រហូដដល់នាងឆ្អែតចិត្ត ព្រមដើរចេញពីអ្នកដោយខ្លួនឯង៕

ចុចអានបន្ត៖ចំណុចតូចតាច ៤ យ៉ាង មនុស្សស្រីមិនបានដឹងថាខ្លួនធ្លាប់ឆ្លងកាត់ពីមុនមក

អត្ថបទ៖ ង៉ាន់ សុគុន