មាន សូនីតា បង្កើតសហគមន៍តម្បាញស្រលាញ់ ជួយផ្ដល់ការងារបន្ថែមដល់ស្រ្តីខ្មែរ (វីដេអូ )
- 2019-07-23 08:30:00
- ចំនួនមតិ 0 | ចំនួនចែករំលែក 0
មាន សូនីតា បង្កើតសហគមន៍តម្បាញស្រលាញ់ ជួយផ្ដល់ការងារបន្ថែមដល់ស្រ្តីខ្មែរ (វីដេអូ )
សហគមន៍តម្បាញស្រលាញ់មានអាយុកាលជាងបីឆ្នាំមកហើយ ក្នុងនោះមាន កញ្ញា មាន សូនីតា ជាមួយនឹងសមាជិកត្រឹមតែ១៨នាក់ប៉ុណ្ណោះដោយពួកគាត់បានដាក់ទាំងកម្លាំងកាយនិងកម្លាំងចិត្តក្នុងការត្បាញ យកចិត្តទុកដាក់ធ្វើការក្រុមជាមួយគ្នាយ៉ាងពេញទំហឹងដើម្បីឲ្យតម្បាញស្រលាញ់មានការអភិវឌ្ឍ។
សហគមន៍តម្បាញមួយនេះ ជាកន្លែងផលិតក្រមាដែលជាវត្ថុធាតុដើម ដើម្បីគាំទ្រហាងសំលៀកបំពាក់ « ផ្ទះស្រលាញ់» របស់ កញ្ញា មាន សូនីតា។
ពិតណាស់ សហគមន៍តម្បាញស្រលាញ់ អាចដំណើរការទៅមុខបានក៏ដោយសារតែមាន «ផ្ទះស្រលាញ់» ផងដែរ។ ផ្ទះស្រលាញ់ជាកន្លែងដ៏សំខាន់ក្នុងការយកសមិទ្ធផលតម្បាញទាំងនោះទៅកែច្នៃជាសំលៀកបំពាក់ ក្រមាខ្មែរ និងគ្រឿងលម្អរាងកាយជាច្រើនទៀត ហើយសព្វថ្ងៃកំពុងតែទទូលបានចំណាប់អារម្មណ៍យ៉ាងខ្លាំងពីមហាជន។
ទាំងអស់នេះ សុទ្ធសឹងតែតារាសម្តែងរូបនេះខិតខំប្រឹងប្រឺងបង្កើតឡើង ដោយគោលបំណងចម្បងមួយដើម្បីជួយក្រុមស្ត្រីសហគមន៍កាត់បន្ថយការចំណាកស្រុក ទទួលបានប្រាក់កម្រៃ អាចផ្គត់ផ្គងជីវភាពគ្រួសារ និងមានលទ្ធភាពបញ្ចូនកូនៗទៅសាលារៀន ជាពិសេសមានឱកាសរស់នៅជួបជុំគ្រួសារយ៉ាងរីករាយ។
ទឹកមុខពោរពេញដោយភាពញញឹម លី នេត អាយុ ៣៨ឆ្នាំ សមាជិកសហគន៍តម្បាញ និយាយថា « ដោយសារតែតម្បាញនេះហើយទើបអាចឲ្យកូនខ្ញុំរៀនបាន តម្បាញជួយឲ្យគ្រួសារខ្ញុំមានភាពរីកចម្រើន» ។
ការជួយគាំទ្រផលិតផលក្រមារខ្មែរ ប្រៀបដូចជួយលើកកម្ពស់ដល់ក្រុមស្រ្តីសហគមន៍តម្បាញស្រលាញ់និងផ្ទះស្រលាញ់ ដើម្បីជួយឲ្យពួកគាត់កាន់តែមានជីវភាពល្អប្រសើរជាងមុន ថែមទាំងធ្វើឲ្យពួកគាត់មានកម្លាំងចិត្តកាន់ខ្លាំងក្នុងវិស័យតម្បាញមួយនេះ៕
ចុចអានបន្ត៖របៀបធ្វើឲ្យអ្នកក្លាយជាមនុស្សស្រីដែលខ្លាំងក្លាម្នាក់ក្នុងសង្គមសព្វថ្ងៃ