៥ វិធីកាត់ចិត្តពីស្នេហ៍ក្បត់បានរហ័ស លែងនឹកគេទៀត

2019-07-11 09:30:00
ចំនួនមតិ 0 | ចំនួនចែករំលែក 0

បើជ្រុលតែគេចង់ចាកចេញទៅហើយ យើងក៏កុំចង់ឃាត់ឃាំងគេទុកធ្វើអ្វី វាមានតែធ្វើឲ្យយើងឈឺចិត្តស្អិតទ្រូងឥតប្រយោជន៏នោះទេ។ ងាកមកមើលខ្លួនឯងកាលពីមុនពេលដែលមិនទាន់ស្គាល់គេជីវិតយើងមានក្តីសុខប៉ុណ្ណា យើងបានប្រើជិវិតនេះបែបណាខ្លះ។ឈប់នឹកគិតពីគេទៀត ហើយលើកទឹកចិត្តខ្លួនឯងជាថ្មីដោយសាកល្បងគន្លឹះទាំងប៉ុន្មាននេះ៖

១. យកពេលមើលថែខ្លួនឯង

ត្រូវផ្ដល់ពេលវេលាឲ្យខ្លួនឯង ថែសុខភាពឲ្យបានខ្ជាប់ខ្ជួនត្រូវបរិភោគអាហារសុខភាព។ ឈប់ឃាំងខ្លួនក្នុងបន្ទប់ដោយចេញមកខាងក្រៅលំហែរកាយជាមួយមិត្តភក្តិឲ្យបានញឹកញាប់ ដូចជាទៅមើលភាពយន្តឬដើរផ្សារជាដើម។ ពេលទៅណាមកណា តុបតែងខ្លួនឲ្យបានស្អាតដើម្បីធ្វើឲ្យមានភាពជឿជាក់លើខ្លួនឯងពេលចេញទៅក្រៅ។

២. រកចំណុចអវិជ្ជមានរបស់គេឲ្យបានច្រើន

ត្រង់ចំណុចនេះពិតជាមានសារៈសំខាន់ព្រោះធ្វើឲ្យយើងដឹងខ្លួនឯងថាគេមិនបានស្មោះត្រង់នឹងយើងនោះទេ កន្លងមកគ្រាន់តែជាការសម្ដែងមួយពេលៗរបស់គេប៉ុណ្ណោះ។

៣. ផ្ដាច់ចំណងទំនាក់ទំនងជាមួយគេ

លុបចោលអ្វីគ្រប់យ៉ាងដែលជារបស់គេឲ្យអស់មិនថារូបថតឬឆាត រួមទាំងបោះចោលឲ្យអស់រាល់វត្ថុអនុស្សាវរីយ៍ដែលគេឲ្យកន្លងមក ។ ជាពិសេសមិនគួរទៅកន្លែងណាដែលធ្លាប់ទៅជាមួយគេនោះទេ។

៤. ឈប់រំលឹកពីគេ

កុំចង់ដឹងឬលឺអ្វីពីគេ មិនត្រូវបន្តនិយាយពីអ្វីដែលទាក់ទងនឹងគេទៀតនោះទេ វាគ្មានបានប្រយោជន៍អ្វី ក្រៅធ្វើឲ្យខ្លួនឯងខាតពេលវេលា ពិបាកចិត្តព្រមទាំងខូចអារម្មណ៍ទៀត។

៥. ដៅគោលការណ៍អនាគតខ្លួនឯង

រៀបចំផែនការជីវិតសម្រាប់ខ្លួនឯងដើម្បីការពារហានិភ័យទៅថ្ងៃមុខហើយត្រូវសួរខ្លួនឯងថាចង់បានអ្វី។ បន្ទាប់មកដៅទិសអ្វីដែលខ្លួនចង់បានដោយដាក់ទាំងកម្លាំងកាយនិងកម្លាំងចិត្តក្នុងការធ្វើវា៕

ចុចអាន៖ សញ្ញាទាំង៧បញ្ជាក់ថា crush មិនបានស្រលាញ់អ្នកវិញទេ

អត្ថបទ៖ ង៉ាន់ សុគុន