គេងយល់សប្ដិឃើញរបស់ទាំងនេះ អ្នកនឹងជួបលាភសំណាងឆាប់ៗ

2019-06-17 09:05:00
ចំនួនមតិ 0 | ចំនួនចែករំលែក 0

សកម្មភាពដែលអ្នកបានធ្វើនៅពេលថ្ងៃ អាចមានទំនាក់ទំនងជាមួយសុបិននៅពេលយប់។ យ៉ាងណាក៏ដោយ យោងតាមអប្បិយជំនឿតាំងពីបុរាណមក បញ្ជាក់ថាបើអ្នកគេងយល់សបិ្តឃើញរបស់ទាំងនេះ មានន័យថា អ្នកនឹងជួបលាភសំណាង មានលុយហូរចូល ក្នុងពេលឆាប់ៗ។

១. យល់សប្តិរាប់លុយ

នេះជាសញ្ញាបង្ហាញថា អ្នកនឹងទទួលបានភាពជោគជ័យ លើកិច្ចការដែលត្រៀមនឹងធ្វើបន្ទាប់។ ប្រសិនបើអ្នកនៅលីវ មានន័យថាអ្នកនឹងជួបគូជីវិតដែលស័ក្តិសមបំផុត។ បើអ្នករៀបការហើយវិញ នឹងមានទ្រព្យស្តុកស្ដម្ភមិនខានទេ។

២. យល់សប្តិឃើញឈាម

មានន័យថា សំណាងនឹងចូលមកក្នុងគ្រួសាររបស់អ្នក។ បើឈាមហូរមិនឈប់ នោះលុយនឹងហូរចូលមកក្នុងផ្ទះ មិនដាច់ឡើយ។

៣. យល់សប្តិឃើញពស់ច្រើនក្បាល

បើអ្នកសុបិនឃើញពស់ជាច្រើនក្បាល នៅក្នុងផ្ទះ មានន័យថាទ្រព្យសម្បត្តិនឹងកើនឡើងជាដរាប។ បើជាអ្នករកស៊ី មុខរបរនឹងដើរទៅមុខយ៉ាងរលូន។

៤. យល់សប្តិឃើញព្រះពុទ្ធ

សុបិនមួយនេះ តំណាងឲ្យសន្តិភាពនិងសុភមង្គលក្នុងជីវិត។ អ្នកនឹងជួបលាភសំណាងនាពេលអនាគត។ សម្រាប់អ្នកមានជំនួញជួញដូរផ្សេងៗ ក៏មានឱកាសល្អច្រើនផងដែរ។

៥. យល់សប្តិស្ទូចត្រី

ស្ទូចត្រី ត្រូវការភាពអត់ធ្មត់ខ្លាំងណាស់។ សុបិនបែបនេះដែរ បញ្ជាក់ថាអ្នកនឹងមានលុយរួមទាំងភាពល្បីល្បាញទៅថ្ងៃមុខ។ បើអ្នកជាមនុស្សប្រុស គង់តែបានជួយមនុស្សស្រីដែលខ្លួនប្រាថ្នាឆាប់ៗនេះ។ បើជាមនុស្សស្រីវិញ អាចនឹងមានកូន ឬជោគជ័យលើរបរការងារកំពុងធ្វើសព្វថ្ងៃ។