អ្នកខ្លះអង្គុយកើតទុក្ខពេលឃើញពួកម៉ាកការចោលអស់ ហើយខ្លួនឯងនៅលីវម្នាក់ឯង។ ប៉ុន្តែប្រហែលអ្នកមិនទាន់ដឹងពីផលប្រយោជន៍របស់ភាពនៅលីវនេះទេមើលទៅ។ ថ្ងៃនេះ កញ្ញាចង់បង្ហាញបណ្ដុំរូបភាពមួយចំនួនដែលបង្ហាញពីធាតុពិតដែលអ្នក Single តែងតែធ្វើ និងក្ដីសុខក្នុងនាម Single កម្រិតណានោះ៖
ញ៉ាំអីម្នាក់ឯង ក៏មិនបាច់ខ្លាចអ្នកណាមកដណ្ដើម ឬរអ៊ូថាខ្លាចយើងធាត់
ពេលអផ្សុក លេងជាមួយកូនឆ្កែដ៏គួរឱ្យស្រលាញ់ដូចកូនបង្កើតក៏បាន
ពេលមើលរឿងរបស់ idol ដល់ឈុតកម្សត់ ចង់យំខ្លាំងយ៉ាងណាក៏បាន មិនបាច់ខ្លាចខ្មាសអ្នកណាមើល
ព្រឹកឡើងមិនបាច់ក្រោករូតរះងើបពីព្រលឹមទៅធ្វើការងារផ្ទះ ឬធ្វើម្ហូបទុកក៏បាន មានពេលផឹកតែក្ដៅៗស្រូបពន្លឺព្រះអាទិត្យ ស្រស់ស្រាយសឹងអី
អានព័ត៌មាននៅតាមផ្លូវទៅធ្វើការ អាចដឹងអ្វីថ្មីៗ និងកើនចំណេះផង មិនបាច់ទៅជជែកផ្អែមល្ហែមនាំតែខះកទេ
មកដល់ផ្ទះវិញក៏អត់ភ័យរឿងឯកោអីដែរ មានកូនឆ្កែនៅចាំផ្លូវ ហក់មកទទួលស្និទ្ធស្នាលសឹងអី
យប់ឡើងក៏អ៊ីចឹង ប្រឡែងជាមួយគីគីមិនចូលគេង ហើយគ្រែក៏ទូលាយ គ្មានអ្នកណាមកដណ្ដើមផង
ថ្ងៃឈប់ម្ដងៗ កាន់សៀវភៅ ដាក់អាហារតាមខ្លួន អង្គុយអានបណ្ដើរ ញ៉ាំបណ្ដើរ ស្ដាប់សំឡេងចាបយំបណ្ដើរ មានក្ដីសុខណាស់ទៅហើយ
សន្សំលុយដើរលេងជុំវិញពិភពលោកម្នាក់ឯងយ៉ាងរំភើយ
ពេលមេឃភ្លៀងម្ដងៗ អង្គុយមើលទឹកភ្លៀងម្នាក់ឯងមានអីមិនល្អ
តែពេលខ្លះក៏លួចគិតថាចង់មានគ្នានឹងគេដែរ ហិហិ
តែភាពទុក្ខសោកនោះក៏រលាយបាត់វិញ ក្រោយពេលបានញ៉ាំអីដែលខ្លួនចូលចិត្ត
អ្នកស្និទ្ធស្នាលជាងគេ មានតែឆ្កែ និងឆ្មាហ្នឹងឯង
ពេលខ្លះនៅម្នាក់ឯងយូរពេក ធ្លាប់លួចកាត់រូបបេះដូងចងព្យួរពេញផ្ទះ ធ្វើមើលតែឯងមានអ្នក Care
ពេលណាជួបបញ្ហាច្រើនពេក បរាជ័យច្រើនដងពេកក៏បានត្រឹមយំម្នាក់ឯង
តែហោចណាស់ក៏អាចចែករំលែកអារម្មណ៍ទុក្ខសោកនេះជាមួយពួកម៉ាកល្អម្នាក់ដែរ
តែក្រោយពីយំរួច នាងអាចក្រោកឈរធ្វើខ្លួនកាន់តែរឹងមាំជាងមុន
ជួនកាល Single យូរពេក ពេលជួបមនុស្សប្រុសបែរជាអស់អារម្មណ៍អីទៅវិញ ហ៊ឹម...