អត្ថប្រយោជន៍នៃការស្ប៉ា ដែលអ្នកគួរដឹងបន្ថែម

2019-05-09 03:50:00
ចំនួនមតិ 0 | ចំនួនចែករំលែក 0

ពេលរាងកាយហត់នឿយ ឬស្មុគស្មាញខ្លាំង មនុស្សជាច្រើនបានទៅស្ប៉ា ព្រោះជឿជាក់ថា អាចធ្វើឲ្យសុខភាពមានភាពល្អ។ ពិសេស ស្ប៉ា ត្រូវបានគេយល់ថា អាចជួយសម្រួលឲ្យមានភាពល្អប្រសើរឡើង ចំពោះអ្នកមានស្រ្តេស ដែលងាយរងនឹងសម្ពាធការងារច្រើនផងដែរ។

អ្នកស្រី វ៉ាន់ លូស៊ី ជា Area Management នៃក្រុមហ៊ុន Bodia Spa ប្រាប់ថា ការស្ប៉ា ពិតជាផ្ដល់នូវអត្ថប្រយោជន៍ច្រើនដល់សុខភាពខ្លាំងណាស់។ តាមការសិក្សា បើអ្នកមានស្រេ្តសទុកយូរ អាចវិវត្តឲ្យក្លាយជាជំងឺផ្សេងៗ ជំងឺ Stroke ដាច់សរសៃឈាម ញ័រដៃ ឬស្រ្តេស កម្រិតខ្ពស់ ជាដើម។ លើសពីនេះ ពេលរាងកាយធ្វើការងារច្រើន ចលនាសរសៃឈាមក៏រត់មិនបានល្អ ជាហេតុធ្វើឲ្យរាងកាយទាំងមូល ប្រឈមនឹងបញ្ហាផ្សេងៗដូចជា ចុករោយ ស្ពឹកស្រពន់ មិនរហ័សរហួនថែមទៀត។

ដូច្នេះហើយ ព្យាបាលសុខភាពតាមរយៈការស្ប៉ា អាចជួយឲ្យអ្នកបានធូរស្រាល ពីសម្ពាធការងារ និងកាត់បន្ថយស្រ្តេសបានយ៉ាងល្អប្រសើរ។ ដើម្បីទទួលបានប្រសិទ្ធភាព អ្នកជំនាញរូបនេះ បានផ្តល់អនុសាសន៍ថា ការស្ប៉ា អាចធ្វើឡើង មួយដង ក្នុងមួយអាទិត្យ ។ យ៉ាងណា ការស្ប៉ា ញឹកញាប់ពេក មិនសូវផ្តល់ផលល្អទៅវិញនោះទេ។

ប៉ុន្តែ សម្រាប់អ្នកដែលឈឺក្បាលខ្លាំង គួរមកស្ប៉ា ២ថ្ងៃម្ដង ដើម្បីបញ្ចេញភាពតានតឹងឲ្យបានឆាប់រហ័ស ដោយឲ្យគាត់សម្រាក មិនស្ប៉ាដោយកម្លាំងធ្ងន់ឡើយ។ ក្រោយពីមើលឃើញថា សុខភាពរបស់គាត់មានភាពល្អប្រសើរហើយ អ្នកជំនាញរូបនេះក៏ឲ្យយោបល់ថា មិនបន្តធ្វើបែបនេះទៀតទេ តែបើគាត់ចូលចិត្ត នោះអាចស្ប៉ាបាន តែក្នុងវិធីផ្សេងមួយទៀត ដូចជា អប់ស្បែក ខាត់ស្បែក ជាដើម។ ម្យ៉ាងទៀត ដើម្បីធានាសុខភាពនិងអនាម័យ នៅពេលស្ប៉ា គេគប្បីធ្វើដាច់ដោយឡែកពីគ្នា គឺមិនគួរឲ្យភ្ញៀវ ស្ទីម ឬ សូណាជាមួយគ្នានោះទេ ព្រោះញើសរបស់មនុស្សម្នាក់ៗ មានមេរោគផ្សេងៗ អាចឆ្លងបាន។

លើសពីនេះ អ្នកស្រី លុយ ស៊ីវ៉ាន់ បន្ថែមថា សូម្បីនារីមានផ្ទៃពោះ (ចាប់ពី៤ខែឡើង) ក៏អាចមកស្ប៉ាបានដែរ ដើម្បីឲ្យមានសុខភាពល្អ។ ហាង Bodia Spa សាខាបឹងកេងកង ផ្ដល់សេវាកម្មស្ប៉ា ដែលមានក្បាច់ទាំង៦ប្រទេសចូលគ្នា និងមានផលិតផលធម្មជាតិក្នុងស្រុកជាង២០០មុខសម្រាប់អតិថិជន ឲ្យទទួលបានអារម្មណ៍ល្អ និងសុខភាពប្រសើរ៕

ចុចអាន៖ ធ្វើរឿងទាំងនេះឱ្យបានមុនម៉ោង៩ព្រឹក ជីវិតនឹងពេញដោយសុភមង្គល រស់ក៏បានយូរ

អត្ថបទ៖ លឹម សុនា