៤ មូលហេតុដែលអ្នកនៅលីវ ជាមនុស្សមានសុភមង្គលបំផុត

2019-03-25 02:30:00
ចំនួនមតិ 0 | ចំនួនចែករំលែក 0

ចាំបាច់មានសង្សារធ្វើអីបើជីវិតនៅម្នាក់ឯងមានក្ដីសុខដល់ថ្នាក់នេះនោះ។ ខាងក្រោមនេះគឺជាឯកសិទ្ធិដែលមានតែអ្នកលីវទេទើបអាចទទួលបាន។

១. មានចំណងមនោសញ្ចេតនាមិនច្បាស់លាស់ច្រើន

អ្នកណាមិនសប្បាយចិត្តនៅពេលមនុស្សច្រើនមកស្រលាញ់នោះ? នៅពេលយើងនៅលីវ យើងអាចទទួលមនោសញ្ចេតនារបស់ច្រើនភាគីដោយមិនចាំបាច់មានអារម្មណ៍ថាខ្លួនខុស។ នេះក៏ជាឱកាសធ្វើឲ្យអ្នកស្គាល់បានមនុស្សច្រើនប្រភេទខុសៗគ្នា មុនពេលឈានដល់ដំណាក់កាលច្បាស់ការជាមួយនរណាម្នាក់ផងដែរ។

២. ជីវិតនៅវែងឆ្ងាយ

បើរកបានសង្សារត្រូវចិត្តមិនថាអីទេ តែបើថាបង្ខំចិត្តយកដោយសារសម្ពាធវិញ កុំអី។ ជីវិតនៅវែងឆ្ងាយខ្លាំងណាស់។ អ្នករកបានគូនៅអាយុ២០ អាចបែកគ្នានៅអាយុ២៥។ អ្នករកបាននៅអាយុ៣០ អាចមានសុភមង្គលមួយជីវិតក៏ថាបាន។

៣. មិនប៉ះទង្គិចផ្លូវចិត្តខ្លាំង

យុវវ័យគឺជាអាយុដែលគិតត្រិះរិះមិនទាន់បានជ្រៅជ្រះ ហើយតែងធ្វើសកម្មភាពផ្អែកលើអារម្មណ៍ជាធំ។ ហើយភាគច្រើន រឿងមនោសញ្ចេតនាគឺជាកត្តាដែលធំបំផុតធ្វើឲ្យពួកគេរងការប៉ះទង្គិចផ្លូវចិត្តខ្លាំង។ ក្រោយពេលជួបរឿងទាំងនេះ អ្នកខ្លះអាចដល់ថ្នាក់គិតខ្លីក៏មាន។

៤. មិនត្រូវគេចង

គេថាស្នេហាមិនមានភ្លើងប្រចណ្ឌ មិនកក់ក្ដៅ។ តែបើភ្លើងប្រចណ្ឌខ្លាំងពេក មិនមែនកក់ក្ដៅទេ គឺឆេះទៅវិញទេ។ បើធ្លាប់នៅម្នាក់ឯងមានសេរីភាពហើយ ហើយស្រាប់តែត្រូវបានគេចង ហាមនេះ ហាមនោះ អ្នកប្រាកដជាមិនអាចទ្រាំបានឡើយ។ យុវភាពគឺជាពេលដែលយើងត្រូវឆ្លងកាត់រឿងថ្មីៗច្រើន បើជាប់តែមួយកន្លែងនោះ នឹងបាត់បង់វ័យក្មេងដោយឥតប្រយោជន៍៕