មកមើលគំនិតច្នៃម៉ូដរបស់កូនខ្មែរ កាន់តែលេចធ្លោមិនចាញ់បរទេស
- 2019-03-06 07:55:13
- ចំនួនមតិ 0 | ចំនួនចែករំលែក 0
មកមើលគំនិតច្នៃម៉ូដរបស់កូនខ្មែរ កាន់តែលេចធ្លោមិនចាញ់បរទេស
ពិធីតាំងពិព័រណ៍ម៉ូដសម្លៀកបំពាក់ ក្រោមផ្នត់គំនិតដែលមានឈ្មោះថា "The Mineralogical” បានប្រព្រឹត្តឡើង កាលពីថ្ងៃទី ៤-៥ ខែកុម្ភៈ ឆ្នាំ២០១៩ ក្នុងបរិវេណសាកលវិទ្យាល័យ Limkokwing។
កម្មវិធីនេះ គឺជាគំនិតផ្ដួចផ្ដើមរៀបចំដោយនិស្សិតឆ្នាំទី៣មួយក្រុម នៃសាកលវិទ្យាល័យ Limkokwing មានឈ្មោះថា "The Mexart” ។ សមាជិកទាំង២៣រូបរបស់ក្រុម The Mexart បានខិតខំប្រឹងប្រែង សាមគ្គីគ្នាយ៉ាងសស្រាក់សស្រាំក្នុងការច្នៃម៉ូដសម្លៀកបំពាក់់ ប្រកបដោយគំនិតច្នៃប្រឌិតប្លែកៗនេះឡើង ដើម្បីលើកស្ទួយវិស័យច្នៃម៉ូដនៅកម្ពុជាឲ្យកាន់តែមានភាពរីកចម្រើនជឿនលឿនដូចប្រទេសដទៃ។
ក្រុម The Mexart បានរៀបរាប់ប្រាប់មកកាន់វិបសាយ "កញ្ញា" ថា "ក្រៅពីការដាក់តាំងបង្ហាញនៅក្នុងស្រុក ពួកខ្ញុំនឹងខិតខំពង្រឹងសមត្ថភាព និងមានគម្រោងបង្កើតស្នាដៃថ្មីៗ ដើម្បីអាចប្រកួតប្រជែងជាមួយនឹងទីផ្សារអន្តរជាតិទៅថ្ងៃមុខ”។
ក្រុមនិស្សិតច្នៃម៉ូដវ័យក្មេងបានបន្តទៀតថា "សម្លៀកបំពាក់ទាំង៣០ឈុត ដែលបង្ហាញដោយម៉ូឌែលក្នុងពិព័រណ៍នេះ ចំណាយរយៈពេលសរុបប្រមាណ១ខែកន្លះ ដើម្បីធ្វើការសិក្សាស្រាវជ្រាវ និងបញ្ចប់រួចរាល់"។
ចំណែកឯវត្ថុធាតុដើមវិញ មានច្រើនប្រភេទយកមកដាក់បញ្ចូលគ្នាដូចជា ខ្សែ ក្រដាសអាលុយមីញ៉ូម ប្លាស្ទិក....ហើយក្នុងមួយឈុតៗចំណាយថវិកាអស់ខ្ទង់១០០ដុល្លារឬលើសពីហ្នឹង។
ចង់ដឹងថាស្នាដៃនិងគំនិតច្នៃប្រឌិតរបស់កូនខ្មែរ មានភាពលេចធ្លោនិងប៉ិនប្រសប់កម្រិតណា ទៅតាមដានរូបភាពខាងក្រោមទាំងអស់គ្នា៕
ចុចអានបន្ត៖ គួរឲ្យសរសើរ! និសិត្សខ្មែរមួយក្រុមរួមដៃគ្នាបង្កើតម៉ូដសម្លៀកបំពាក់ដោយគំនិតច្នៃប្រឌិតខ្ពស់