មនុស្សប្រុសប៉ុន្មានប្រភេទនេះហាមស្រីៗយកខ្លួនក្បែរដាច់ខាត
- 2019-03-05 03:00:00
- ចំនួនមតិ 0 | ចំនួនចែករំលែក 0
មនុស្សប្រុសប៉ុន្មានប្រភេទនេះហាមស្រីៗយកខ្លួនក្បែរដាច់ខាត
ស្រីៗមិនមែនសុទ្ធតែទាមទារចង់បានសង្សារល្អគ្រប់ ១០ នោះទេ។ ប៉ុន្តែសម្រាប់មនុស្សប្រុសប្រភេទនេះស្រីៗគួរតែនៅឲ្យឆ្ងាយ បើមិនចឹងទេពួកគេនឹងនៅវិលវល់ដូចវិញ្ញាណខ្មោចនៅចាំលងបន្លាចអ្នកគ្រប់ពេលចឹង។
១. ប្រច័ណ្ឌជ្រុល
មនុស្សប្រុសប្រភេទនេះតែងតែសួរថា «គេជាអ្នកណា?» «តើអ្នកនៅទីណា កំពុងធ្វើអ្វី ជាមួយអ្នកណា?» «នឹងទៅណាបន្តទៀត?» មិនចាំបាច់វិភាគច្រើនលើមនុស្សបែបនេះទេ គ្រាន់តែគិតដល់ជីវិតមួយដែលត្រូវបានគេគ្រប់គ្រង់យ៉ាងតឹងតែង ទៅណាមកណាត្រូវរាយការណ៍គ្រប់ពេល។ វាល្អហើយដែលគេចេះប្រច័ណ្ឌបែបនេះ ប៉ុន្តែវាហាក់ដូចជាមនុស្សប្រុសទាំងអស់សុទ្ធតែជាសត្រូវជាមួយគេ។
២. និយាយតែពីខ្លួនឯង និងការងារ
មនុស្សប្រុសដែលឆ្លាតគេតែងតែចេះគ្រប់គ្រងពេលវេលារបស់គេឲ្យបានល្អ។ យកចិត្តទុកដាក់លើរឿងការងារបុរសណាក៏ត្រូវតែធ្វើដែរ។ ប៉ុន្តែគេមិនដែលយកពេលការងារទៅលាយឡំគ្នាជាមួយពេលសម្រាក និងពេលណាត់ជួបជាមួយមនុស្សដែលគេស្រលាញ់ឡើយ។ គ្មានមនុស្សស្រីណាចូលចិត្តទៅក្រៅជាមួយមនុស្សប្រុសដែលមានតែការងារជាប់ខ្លួនរហូតនោះទេ។ មានមនុស្សប្រុសជាច្រើនគិតថាគាត់កាន់តែព្យាយាមបង្ហាញចំពោះមុខនាងថាគាត់ស្រលាញ់ការងារគាត់ប៉ុណ្ណា នោះគាត់អាចយកឈ្នះចិត្តនាងបាន។ សូមទោសអ្នកកំពុងតែយល់ខុសហើយ។
៣. សន្សំសំចៃខ្លាំងពេក
ទោះបីជាសង្គមមានការផ្លាស់ប្ដូរដោយបើកចំហសម្រាប់អ្នកចេះផ្ដួចផ្ដើមគំនិតក៏ដោយ។ ក្នុងរឿងខ្លះមនុស្សប្រុសត្រូវតែដាស់តឿនខ្លួនឯងជាមួយនឹងសកម្មភាពខ្លះ។ មនុស្សស្រីគ្មានភាពសប្បាយរីករាយទេពេលចេញក្រៅជាមួយមនុស្សប្រុសដែលតែងតែស្ងាត់ មិនចេះនិយាយអី ចេះតែអង្គុយមើលមុខនាង និងស្ដាប់នាងនិយាយនោះទេ។ នៅក្នុងខ្សែភាពយន្តបុរសដែលមានចិត្តរឹង តែងតែទាក់ទាញមនុស្សស្រី ប៉ុន្តែនៅពេលជួបគ្នានៅក្រៅមែនទែនវាគួរឲ្យធុញនឹងខាតពេលចោលទទេៗជាមួយមនុស្សប្រុសបែបហ្នឹង។
៤. ល្អខ្លាំងណាស់ ប៉ុន្តែតែងខ្លួនជាងស្រីទៀត
គាត់អាចជាមនុស្សម្នាក់ដែលអាចកំដរអ្នកដើរទិញសម្លៀកបំពាក់ និងគ្រឿងសម្អាងរាប់ម៉ោងដោយមិននឿយហត់សូម្បីតែបន្តិច។ បើសិនជាអ្នកចំណាយពេល១ម៉ោងលើការឆ្លុះកញ្ចក់រាល់ថ្ងៃ គាត់ក៏ចំណាយពេល ៥៥ នាទីធ្វើដូចគ្នាដែរ។ មុនពេលណាត់ជួបគ្នាម្ដងៗ មិនមានអ្នកណារងចាំអ្នកណាទេ ព្រោះគាត់ត្រូវការពេលតែងខ្លួនគាត់ឲ្យមើលទៅសង្ហាបំផុតពេលចេញទៅខាងក្រៅ។ គាត់នឹងទទួលបានការចាប់អារម្មណ៍ច្រើនជាងអ្នក និយាយឲ្យខ្លីទៅគាត់ខ្លាចអ្នកស្អាតជាងគាត់។
៥. ស្ដាប់តាមម្ដាយគេគ្រប់រឿង
ម្ដាយតែងតែជាមនុស្សស្រីទីមួយសម្រាប់បុរសទាំងអស់។ ស្រីៗដឹងច្បាស់ថាប្រុសៗស្រលាញ់ និងមើលថែម្ដាយរបស់គេរបៀបណា។ ប៉ុន្តែនាងក៏គួរតែខ្លាចជាមនុស្សស្រីទី២ ដែលមនុស្សប្រុសស្រលាញ់ និងមើលថែបែបនោះដែរ។ បែបនេះហើយស្រីៗនៅពេលដែលស្វែងរកដៃគូអនាគត គួរតែមើលលើទៅទំនាក់ទំនងរបស់បុរសជាមួយម្ដាយរបស់គេ។ បើម្ដាយគេតែងតែចេញមុខមកពេលណាកន្លែងណា តែងតែធ្វើឲ្យប៉ះពាល់ដល់ការសម្រេចចិត្តរបស់អ្នកទាំងពីរគ្រប់រឿង។ សូមចូលរួមសោកស្ដាយអ្នកកំពុងតែណាត់ជួបមនុស្សម្នាក់ដែលស្ដាប់ម្ដាយគេខ្លាំងហើយ។ នៅពេលរៀបការហើយម្ដាយរបស់គេនឹងនាំតែបញ្ហាឲ្យអ្នកទាំងពីរមិនចេះចប់។
៦. និយាយដដែលៗពីរឿងពេលរៀបការហើយ
ពេលជួបគ្នាប្រុសៗចូលចិត្តនិយាយពីរឿងរៀបការ ហើយសួរអ្នកចំៗថា «តើចង់រៀបការពេលណា? ចង់ទៅក្រេបទឹកឃ្មុំនៅណា? ចង់បានកូនប្រុសឬស្រី?.... » និងពាក្យច្រើនទៀតដែលស្តាប់ទៅគួរឲ្យខ្មាស និងអាចគិតថាឈ្លើយក៏ថាបាន។ មនុស្សប្រុសបែបនេះប្រហែលជាគេរស់នៅម្នាក់ឯងយូរពេកហើយ ចឹងហើយទើបគេរំភើបខ្លាំងពេលនិយាយពីរឿងរៀបការ។ ត្រូវតែប្រយ័ត្នជាមួយមនុស្សប្រុសបែបនេះ។ យកប្ដីខុសមួយគឺខុសមួយជីវិតណា។
៧. គណនាចំណាយក្នុង១ថ្ងៃម្ដង
គ្មានអ្នកណាអាចបដិសេធបានទេថាពិភពលោកគឺកំពុងតែរស់ក្នុងភាពស៊ីវីល័យ ទំនើប និងភាពស្មើគ្នា។ ចឹងហើយមនុស្សប្រុសនិងមនុស្សស្រីតែងតែមានភាពឯករាជ្យរឿងលុយស្មើគ្នា។ ប៉ុន្តែមិនមែនឲ្យតែអីតិចគិតចែកលុយគ្នាអីតិចគិតលុយ ធ្វើចឹងវាធ្វើឲ្យខូចឈ្មោះប្រុសៗអស់ ហើយក៏គ្មានអ្នកណាចង់ទៅក្រៅជាមួយមនុស្សបែបហ្នឹងដែរ។
៨. មិនគួរឲ្យទុកចិត្ត
វាជារឿងដែលអាក្រក់បំផុតនៅពេលដែលដៃគូរបស់អ្នកជាមនុស្សមិនគួរឲ្យទុកចិត្ត។ ជាធម្មតាស្នូលរបស់ទំនាក់ទំនងស្នេហាគឺការទុកចិត្តគ្នានេះហើយ បើការបាត់បង់ការទុកចិត្តហើយស្នេហារបស់អ្នកគឺស្មើនឹងស្លាប់ហើយ។ គ្មានទំនាក់ទំនងស្នេហាណាដែលមានតែការកុហក ការបោកប្រាស់ច្រើនដងពេកទេ។បើអ្នកកំពុងតែជួបមនុស្សប្រុសបែបនោះមែន អ្នកគួរតែបញ្ឈប់ទំនាក់ទំនងមួយនោះទៅ។
៩. ជាមនុស្សឃោរឃៅ
ទោះបីដឹងហើយថាក្នុងទំនាក់ទំនងស្នេហាជៀសមិនផុតពីជួបភាពតានក៏ដោយ តែការលើកដៃវៃក្មេងស្រីម្នាក់ជារឿងដែលមិនគួរលើកលែងនោះទេ។ អ្នកត្រូវចាំថាបុរសដែលស្រលាញ់អ្នកពិតនឹងមិនធ្វើឲ្យអ្នកឈឺចាប់ ហើយមិនប្រើហិង្សាជាមួយអ្នកដាច់ខាត។
១០. និយាយអាក្រក់ពីសង្សារចាស់
ស្រលាញ់មនុស្សប្រុសដែលនិយាយអាក្រក់ពីសង្សារចាស់របស់គេ បង្ហាញថាអ្នកកំពុងតែស្រលាញ់មនុស្សខុស។ មនុស្សប្រុសដែលធំដឹងក្តីហើយនឹងមិនឲ្យអតីតកាលរបស់គេទៅបំផ្លាញនរណាម្នាក់នោះទេ។នៅពេលដែលមានគេសួរពីសង្សារចាស់គេតែងនិយាយល្អពីនាង ទោះបីជានាងមិនល្អក៏ដោយ។ រក្សាភាពស្ងាត់ស្ងៀមនោះអ្វីៗនឹងល្អប្រសើរ។
ចុចអាន៖ ចង់ដឹងថាសង្សារអ្នកស្រលាញ់ស្មោះឬអត់ សាកប្រើវិធី ៧ យ៉ាងនេះទៅ