ទម្លាប់អាក្រក់៩យ៉ាងគួរតែបោះចោល បើចង់រក្សាចានឆ្នាំងឲ្យនៅល្អបានយូរ
- 2019-01-16 06:29:36
- ចំនួនមតិ 0 | ចំនួនចែករំលែក 0
ទម្លាប់អាក្រក់៩យ៉ាងគួរតែបោះចោល បើចង់រក្សាចានឆ្នាំងឲ្យនៅល្អបានយូរ
របស់ប្រើប្រាស់ក្នុងផ្ទះបាយ ដូចជា ចាន ឆ្នាំង ជ្រញ់ និងរបស់របរផ្សេងទៀតត្រូវការក្បួនថែរក្សាត្រឹមត្រូវមួយដែលមនុស្សភាគច្រើនមិនបានដឹង។ បើអ្នកមិនចង់ចំណាយលុយច្រើនទៅលើរបស់ប្រើប្រាស់ទាំងនោះ គួរមកដឹងពីគន្លឹះសំខាន់ៗដូចខាងក្រោម ហើយនេះជាកំហុសទាំង៩យ៉ាងដែលអ្នកធ្វើរៀងរាល់ថ្ងៃ៖
១. ប្រើប្រាស់សីតុណ្ហភាពមិនស៊ីគ្នា
អ្នកប្រហែលគិតថាគម្របឆ្នាំងកញ្ចក់នេះបែកដោយសារតែហេតុផលជាច្រើនផ្សេងៗគ្នា ប៉ុន្តែមានរឿងមួយដែលមនុស្សជាច្រើនតែងតែធ្វើ ហើយបណ្ដាលឲ្យវាបែកគឺមកពីអ្នកលាងគម្របឆ្នាំងជាមួយទឹកត្រជាក់ ហើយយកទៅគ្របលើឆ្នាំងឬខ្ទះដែលក្ដៅ។
ធម្មតាឆ្នាំងនិងខ្ទះ (និងគម្រប) នឹងមានប្រតិកម្ម ពេលសីតុណ្ហភាពរបស់វាផ្ទុយគ្នា។ ទាំងនេះជាទម្លាប់ដែលតែងតែធ្វើឲ្យឆ្នាំង ខ្ទះ និងគម្របរបស់វាបែក៖
-ចាក់ទឹកត្រជាក់ចូលក្នុងខ្ទះក្ដៅ
-ចម្អិនអាហារដែលយកចេញពីទូរទឹកកកភ្លាមៗ
-លាងចានជាមួយមួយទឹកត្រជាក់
២.ប្រើភ្លើងខ្លាំងជ្រុល
ការចម្អិនដោយប្រើកម្ដៅជ្រុលពេក វាធ្វើឲ្យប៉ះពាល់ដល់សម្ភារៈដូចជា៖
-ឆ្នាំងប្រភេទដែកអ៊ីណុកនឹងមានស្នាមដូចឥន្ទធនូ ប៉ុន្តែនៅប្រើការបាន
-ផ្ទៃឆ្នាំងដែលមានប្រើសារធាតុមិនធ្វើឲ្យជាប់មិនអាចប្រើប្រាស់បានទៀតទេ បន្ទាប់ពីមានបំណែកតូចៗរបកចេញមក
៣.ប្រើរបស់របរខុស
ការចេះកែច្នៃនៅក្នុងផ្ទះបាយជារឿងដែលល្អមួយ តែមិនមែនសុទ្ធតែត្រូវគ្រប់យ៉ាងនោះទេ។ មានច្បាប់មួយចំនួនដែលអ្នកមិនគួរធ្វើខុស៖
-កូនកាំបិតមិនអាចយកមកធ្វើជារបស់គាស់គម្របកំប៉ុងទេ
-ប្រអប់ជ័រប្រើសម្រាប់ទុកម្ហូបដែលបានចម្អិនហើយក្នុងមីក្រូវ៉េវតែប៉ុណ្ណោះ
-ជ្រញ់មិនគួរប្រើធ្វើជាគម្របដូចរូបខាងលើនេះទេ
៤.ជ្រញ់ថ្ម
ជ្រញ់ដែលធ្វើពីថ្មគឺមាំល្អហើយ ប៉ុន្តែមិនវាមិនល្អចំពោះកាំបិតទេ។ មិនចាំបាច់ប្ដូរជ្រញ់ទេ ប៉ុន្តែត្រូវប្ដូរកាំបិតឲ្យបានញឹកបន្តិច។
៥.ទុកនិងសម្ងួតចានឆ្នាំងច្រើនគរលើគ្នា
សម្ងួតចានដូចក្នុងរូបខាងលើនេះមិនមែនជាគំនិតល្អទេ។ ជ្រញ់ឈើនឹងមិនស្ងួតល្អទេ បើដាក់វានៅជាមួយរបស់សើមផ្សេងទៀត ហើយនៅពេលដែលយើងព្យាយាមដាក់ចានគរលើគ្នា នោះវាងាយស្រួលធ្លាក់បែកណាស់។
៦.ក្លិនមិនល្អ
-ផ្ទះបាយនឹងធុំក្លិនស្អុយ បើគ្មានខ្យល់ចេញចូលល្អ ដូចនេះត្រូវទុករបស់របរនៅកន្លែងមានខ្យល់ចេញចូល ជាពិសេសចានសេរ៉ាមិច ព្រោះវាងាយស្រូបយកក្លិនណាស់ ហើយកុំទុករបស់របរឲ្យស្ងួតនៅលើកន្សែង
-ត្រូវឧស្សាហ៍ប្ដូរអេប៉ុងនិងក្រណាត់ជូត
-កុំទុកម្ហូបសល់ចោលក្នុងចានយូរពេក
៧.លាងរបស់របរធ្វើពីដែកមិនបានត្រឹមត្រូវ
ខ្ទះដែកមិនធន់នឹងទឹកនោះទេ អ៊ីចឹងហើយត្រាំទឹកវាយូរពេក និងមិនត្រូវដុសវាខ្លាំងៗទេ ព្រោះវាអាចច្រែះ ហើយខូចស្រទាប់ការពារខាងក្នុង។
៨.ត្រាំជ្រញ់ចោលក្នុងទឹក
ពេលយើងត្រាំជ្រញ់ឈើចោលក្នុងទឹកយូរពេក វានឹងមានស្នាមប្រេះបែកនៅគែមៗ។
៩.អាស៊ីដ
ទឹក + ទឹកខ្មេះ =ដំណោះស្រាយបំបាត់ស្នឹមដ៏ល្អ។ តែតាមពិតវាមានផលប៉ះពាល់ណាស់ ព្រោះវាអាចបំផ្លាញសារធាតុរលោង បើយើងទុកវាយូរពេក៕