វិធីសាស្រ្តជួយបន្តឹងស្បែកមិនឲ្យយារធ្លាក់ ក្រោយស្រកទម្ងន់
- 2019-01-14 03:16:19
- ចំនួនមតិ 0 | ចំនួនចែករំលែក 0
វិធីសាស្រ្តជួយបន្តឹងស្បែកមិនឲ្យយារធ្លាក់ ក្រោយស្រកទម្ងន់
ចង់ស្រកគីឡូលឿន ពេលឃើញលទ្ធផលដូចបំណងហើយ នៅមានរឿងមួយទៀតដែលអ្នកបារម្ភជាងគេនោះគឺ ស្បែកយារធ្លាក់មិនតឹងណែនដូចមុន។ នេះដោយសារតែអ្នក មិនបានប្រើប្រាស់វិធីសាស្រ្តត្រឹមត្រូវក្នុងការបញ្ចុះទម្ងន់។ ទោះយ៉ាងណា គ្មានអ្វីត្រូវព្រួយច្រើនឡើយ ព្រោះខាងក្រោមនេះ ជាវិធីសាស្រ្តងាយៗ ដើម្បីជួយឲ្យស្បែកស្រស់ស្អាត តឹងណែនដូចសភាពដើមវិញ។
១. ផឹកទឹកក្រូចឆ្មា
ផឹកទឹកក្រូចឆ្មា យ៉ាងហោចណាស់ឲ្យបាន៥កែវក្នុងមួយថ្ងៃ ដើម្បីការពារស្បែកមិនឲ្យបាត់បង់សំណើម។ បន្ថែមវីតាមីន C ចូលទៅក្នុងទឹកក្រូចឆ្មា នោះស្បែករបស់អ្នកកាន់តែស្រស់ថ្លាភ្លឺពីខាងក្នុង។
២. គ្រប់គ្រងរបបអាហារ
ត្រូវញ៉ាំឲ្យឆ្អែតល្មម ជៀសវាងអាហារបំពង ផ្អែម និងប្រៃពេក។ គួរញ៉ាំបាយអង្ករសម្រូប បន្លែ ផ្លែឈើឲ្យបានច្រើន។ ដាច់ខាតកុំញ៉ាំអាហារដែលមានផ្ទុកជាតិខ្លាញ់ខ្ពស់ បើអ្នកមិនចង់ស្បែកកាន់តែយារធ្លាក់។
៣. ផ្តល់សំណើមដល់ស្បែក
ស្បែកត្រូវការសំណើមខ្លាំងបំផុត ដូច្នេះគួរប្រើឡេដែលជួយធ្វើឲ្យស្បែកមានសំណើមនិងផឹកទឹកឲ្យបានច្រើន ដើម្បីឲ្យស្បែកទន់រលោងមានសុខភាពល្អ។
៤. ធ្វើលំហាត់ប្រាណ
គួរជ្រើសរើសលំហាត់ប្រាណដែលអាចជួយបន្តឹងស្បែក ដូចជាការហាត់ក្បាច់ Cardio យ៉ាងហោចណាស់ឲ្យបាន ពី១៥-៣០នាទីក្នុងមួយថ្ងៃ។ ក្បាច់ហាត់ប្រាណមួយនេះ ក៏មានប្រយោជន៍ច្រើនទៀតសម្រាប់រាងកាយ ដូចជាជំនួយដល់ការបង្កើតខូឡាជែន ធ្វើឲ្យស្បែកមានសុខភាពល្អ និងប្រសើរជាងមុន។
៥. ស៉្ពាស្បែក
ការស៉្ពាស្បែកអាចជួយឲ្យស្បែកធូរស្រាលនិងតឹងឡើងវិញ។ គួរបន្ថែមជាមួយអំបិល ប្រេងដូង ១-២ដំណក់ ដើម្បីធ្វើឲ្យស្បែកទន់រលាស់។
៦. ប្រើប្រាស់គ្រីមបន្តឹងស្បែក
ប្រសិនបើអ្នកមិនចង់ឲ្យស្បែកយារស្តាក មើលទៅចាស់ជាងវ័យ គួរប្រើប្រាស់គ្រីមដែលមានគុណភាពខ្ពស់ មានវីតាមីនA C និង E ទើបអាចជួយបន្តឹងស្បែកយ៉ាងមានប្រសិទ្ធភាព៕
ចុចអានបន្ត៖ ទម្លាប់៤យ៉ាង គួរអនុវត្តដើម្បីបានសុខភាពល្អ និងរាងស្អាតតាមប្រាថ្នា