រឿងទាំងឡាយដែលមនុស្សស្រីគិតថាគួរឲ្យស្រលាញ់ តែមនុស្សប្រុសស្អប់ខ្លាំង
- 2018-12-29 03:25:00
- ចំនួនមតិ 0 | ចំនួនចែករំលែក 0
រឿងទាំងឡាយដែលមនុស្សស្រីគិតថាគួរឲ្យស្រលាញ់ តែមនុស្សប្រុសស្អប់ខ្លាំង
មានរឿងមួយចំនួន មតិរបស់មនុស្សស្រី និងមនុស្សប្រុសគឺស្របគ្នា។ យ៉ាងណាក្ដី ក្នុងរឿងជាច្រើននៅក្នុងមនោសញ្ចេតនា ដែលមតិពួកគេខុសគ្នា ដោយរឿងខ្លះមនុស្សស្រីគិតថាបុរសចូលចិត្ត តែតាមការពិតគឺពួកគេស្អប់ដល់ឆ្អឹង។ ខាងក្រោមនេះគឺជាសកម្មភាពមួយចំនួនដែលមនុស្សស្រីឧស្សាហ៍យល់ច្រឡំថាមនុស្សប្រុសចូលចិត្ត តែការពិតគឺផ្ទុយមកវិញ។ ១. ធ្វើសំឡេងម្ញែកៗដូចកូនក្មេង សកម្មភាពខំប្រឹងធ្វើឲ្យគួរស្រលាញ់ហួសហេតុដូចជា ធ្វើម្ញិម្ញក់ ឬធ្វើសំឡេងដូចកូនក្មេងបែបក្ងួរៗ នឹងធ្វើឲ្យគេធុញទ្រាន់ វាយតម្លៃយើងថាចរិតអាឡិអាឡក់ មិនចាស់ទុំ។ សកម្មភាពនេះយូរៗនឹងធ្វើឲ្យគេនឿយហត់ ព្រោះហាក់ដូចកំពុងស្ថិតនៅក្នុងមនោសញ្ចេតនាជាមួយក្មេងម្នាក់។ ២. ប្រចណ្ឌគ្មានទិសតំបន់ ការប្រចណ្ឌដឹងខុសដឹងត្រូវនឹងធ្វើឲ្យមនុស្សប្រុសសប្បាយចិត្ត ព្រោះគេដឹងថាយើងស្រលាញ់ និងយកចិត្តនឹងគេទើបប្រចណ្ឌបែបនេះ។ តែបើអ្នកប្រចណ្ឌងប់ងល់លែងដឹងអ្វីនោះនឹងធ្វើឲ្យហត់ចិត្តខ្លាំង។ ព្រោះគ្មានអ្នកមានកម្លាំង និងពេលវេលាអង្គុយបកស្រាយរាល់ការប្រចណ្ឌរបស់អ្នកនោះទេ។ យូរៗទៅ គេនឹងព្រលែងអ្នកចោល ហើយលែងខ្វល់ជាមិនខាន។ ៣. ផាត់មុខដូចហ៊ីចិន មនុស្សស្រីមួយចំនួនតែងភ័យខ្លាចក្នុងការបង្ហាញមុខពិតរបស់ខ្លួនពេលណាត់ជួបម្ដងៗ ដូចនេះហើយ ពួកគេតែងចំណាយពេលរាប់ម៉ោងដើម្បីផាត់មុខមុនចេញក្រៅ។ យ៉ាងណាក្ដី អ្នកមិនដឹងឡើយថា ស្ដាយផាត់មុខធម្មជាតិ ឬគ្រាន់តែលាបក្រែមបន្តិច គឺទាក់ទាញសម្រាប់មនុស្សហើយ កុំបំពកមុខស ភ្នែកខៀវ ហើយមាត់ក្រហមឆេះឲ្យសោះ ប្រយ័ត្នគេដាក់មេប្រូច។ ៤. ងូតទឹកអប់ ក្លិនក្រអូបបន្តិចបន្តួច នឹងធ្វើឲ្យអ្នកដទៃចង់នៅក្បែរយើង។ តែបើផ្ទុយមកវិញ អ្នកបាញ់ទឹកអប់ ដូចងូតនោះ គេនឹងខ្ទប់ច្រមុះពេលនៅជិតអ្នក។ ក្លិនទឹកអប់ឆួលខ្លាំង នឹងធ្វើឲ្យគេក្រពល់មុខ មិនចង់នៅជិត។ ដូចនេះគួរប្រើទឹកអប់ក្លិនប្រសើរ និងបាញ់ស្រាលៗគឺគ្រប់គ្រាន់ហើយ។ ៥. អត់ព្រមធ្វើខ្លួនសោះ ផ្ទុយពីខាងលើ ដែលមនុស្សស្រីផាត់មុខក្រាស់ពេកអាចធ្វើឲ្យគេខ្លាចនោះ មនុស្សស្រីដែលមិនចេះ ឬមិនព្រមធ្វើខ្លួនសោះក៏ធ្វើឲ្យសង្សារស្រងាកចិត្តដូចគ្នា។ ត្បិតពេលចេញទៅណាមកណា មនុស្សស្រីដែលមិនមែនក្រែម ឬចិញ្ចើមបន្តិចនោះ នឹងមើលទៅស្លេកដូចសព។ ទោះមិនចេះធ្វើខ្លួនខ្លាំងក៏ដោយ ក៏អ្នកគួររៀនពីជំហានមូលដ្ឋានដូចស្លៀកពាក់យ៉ាងម៉េចឲ្យសម ក៏ដូចផាត់មុខបែបធម្មជាតិដែរ រាល់ពេលចេញក្រៅម្ដង៕