កូនៗរៀនពូកែដោយសារមានម្ដាយធ្វើរឿង ៦ យ៉ាងនេះ

2018-12-16 06:00:00
ចំនួនមតិ 0 | ចំនួនចែករំលែក 0

កូនៗរៀនពូកែមិនមែនពឹងផ្អែកលើគ្រូបង្រៀននៅសាលាតែមួយមុខទេ ប៉ុន្តែគឺមានកត្តាចូលរួមពីម្ដាយផងដែរ ទើបជួយជំរុញកូនឲ្យឆ្លាតបាន។ ដូចនេះបើចង់ឲ្យកូនរៀនចេះ ម្ដាយៗគួរតែធ្វើរឿង ៦ យ៉ាងនេះ៖

១.ចូលរួមជាមួយកូននៅសាលា

ក្មេងៗធ្វើបានល្អប្រសើរនៅសាលារៀននៅពេលដែលឪពុកម្ដាយចូលរួមក្នុងជីវិតសិក្សារបស់ពួកគេ។ ការបង្ហាញខ្លួននៅសាលាជាមួយកូនៗ គឺជាវិធីដ៏ល្អមួយ ដើម្បីស្គាល់គ្រូ និងដឹងការរំពឹងទុករបស់កូនអ្នក។ អ្នកគ្រប់គ្រងសាលារៀនអាចពិភាក្សាអំពីកម្មវិធី និងគោលនយោបាយទូទៅរបស់សាលា។

រូបតំណាង

**២.ទស្សនាសាលារៀន**

ការដឹងអំពីប្លង់រូបរាងនៃអាគារសាលារៀន និងបរិវេណអាចជួយអ្នកភ្ជាប់ជាមួយកូននៅពេលអ្នកនិយាយអំពីការសិក្សា។ វាជាការប្រសើរដែលដឹងពីទីតាំងរបស់ការិយាល័យធំៗ គិលានុបដ្ឋាយិកា សាលារៀន កន្លែងហាត់ប្រាណ កន្លែងលេងកីឡា កន្លែងលេង សាលប្រជុំ និងថ្នាក់ពិសេស។

៣.ជួយធ្វើកិច្ចការផ្ទះ

ម្ដាយគ្រប់រូបគួរតែនៅជិតកូន និងជួយជាយោបល់ពេលកូនៗធ្វើលំហាត់ ឬកិច្ចការផ្ទះរៀងរាល់ថ្ងៃ។ ការដែលមានម្ដាយចាំជួយជាកម្លាំងចិត្ត និងចាំកំដរ ធ្វើឲ្យកូនមានកម្លាំងចិត្ត និងខិតខំប្រឹងប្រែងធ្វើ។

៤.ធ្វើអាហារពេលព្រឹកឲ្យកូនញ៉ាំដោយខ្លួនឯង

អាហារពេលព្រឹកមានជីវជាតិនឹងជួយឲ្យក្មេងៗត្រៀមខ្លួនសម្រាប់ការសិក្សាបានពេញមួយថ្ងៃ។ ជាទូទៅកុមារដែលញ៉ាំអាហារពេលព្រឹកមានថាមពលច្រើន ហើយធ្វើបានល្អប្រសើរនៅសាលារៀន។ កុមារញ៉ាំអាហារពេលព្រឹកក៏ហាក់ដូចជាមិនសូវអវត្តមានដែរ ហើយមិនសូវមានបញ្ហាសុខភាពដូចក្មេងដែលញ៉ាំអាហារគេលក់។ អ្នកអាចជួយបង្កើនការចងចាំរបស់កូនតាមរយៈការផ្តល់អាហារពេលព្រឹកដែលសម្បូរទៅដោយធញ្ញជាតិ ជាតិសរសៃ និងប្រូតេអ៊ីនក៏ដូចជាការបន្ថែមស្ករ រួមទាំងផ្លែឈើស្រស់ ឬទឹកដោះគោ។

៥.បង្រៀនជំនាញ

សូមពិនិត្យមើលសៀវភៅ និងលំហាត់របស់កូនអ្នករៀងរាល់យប់ និងបង្រៀនកូនពីការរៀបចំទុកដាក់សម្ភារៈផ្សេងៗ ដើម្បីឲ្យកូនៗមានរបៀបរៀបរយ។ មួយវិញទៀតគួរតែបង្រៀនកូននូវជំនាញណាមួយដូចជាកីឡាទាត់បាល់ បាល់បោះ និងការងារហត្ថកម្មផ្សេងៗទៀត។

៦.បង្រៀនពីវិន័យផ្សេងៗ

តាមធម្មតាសាលារៀនដកស្រង់បានបង្រៀនវិន័យរបស់សាលាទៅកូនសិស្សហើយ។ ប៉ុន្តែក្នុងនាមអ្នកជាម្ដាយត្រូវបង្ហាត់បង្រៀនកូនៗនូវវិន័យ ក៏ដូចជាក្រមសីលធម៌ផ្សេងៗ ដើម្បីឲ្យគេក្លាយជាពលរដ្ឋល្អ៕