ការងារស្រីៗ១០ប្រភេទ ដែលប្រុសៗជាប់ចិត្តសរសើរមិនដាច់ពីមាត់
- 2018-10-16 06:01:00
- ចំនួនមតិ 0 | ចំនួនចែករំលែក 0
ការងារស្រីៗ១០ប្រភេទ ដែលប្រុសៗជាប់ចិត្តសរសើរមិនដាច់ពីមាត់
ក្រៅពីរូបសម្បត្តិនិងបុគ្គលិកលក្ខណៈខាងក្រៅ អាជីពការងារគឺមានសារសំខាន់ណាស់ ដើម្បីបង្កើនកិត្តយសសម្រាប់មនុស្សស្រី។ ការងារណាក៏ដោយ សុទ្ធសឹងតែមានតម្លៃ កាលណាអ្នកធ្វើវាដោយសុច្ចរិតទៀងត្រង់ និងអាចផ្តល់គុណប្រយោជន៍មកឲ្យខ្លួនឯងនិងអ្នកដទៃ។ តាមរយៈលទ្ធផលស្ទង់មតិរបស់ Tinder (បញ្ជីការងារនារី ដែលចូលរួមបោះឆ្នោតពីបុរស) មានការងារស្រីៗ១០ប្រភេទ ដែលប្រុសៗជាប់ចិត្តកោតសរសើរមិនដាច់ពីមាត់ទាល់តែសោះ។
១. អ្នកធ្វើការធនាគារ
ភាគច្រើនអ្នកធ្វើការនៅធនាគារមានរូបសម្ផស្សស្រស់សោភា មានអត្តចរិតល្អ ស្លៀកពាក់ស្អាតបាត ជាពិសេសមនុស្សប្រុសគិតថា មនុស្សស្រីដែលធ្វើការផ្នែកហិរញ្ញវត្ថុ អាចគ្រប់គ្រងលុយកាក់ ចំណូលចំណាយក្នុងគ្រួសារបានយ៉ាងល្អ។
២. ជាងធ្វើសក់
ជាងធ្វើសក់ ត្រូវបានមនុស្សប្រុសចាត់ទុកថា ជានារីទាក់ទាញភ្នែកនិងទំនុកចិត្តពីអតិថិជន។ មួយវិញទៀត ភាពប៉ិនប្រសប់ និងការច្នៃប្រឌិតម៉ូដផ្សេងៗ ធ្វើឲ្យនាងកាន់តែមានភាពទាក់ទាញទ្វេដង។
៣. អ្នកផ្សព្វផ្សាយពាណិជ្ជកម្ម
នារីផ្សព្វផ្សាយផលិតផលជាទូទៅ តែងតែមានភាពច្នៃប្រឌិតនិងទេពកោសល្យខ្ពស់។ នាងក៏ជាប្រភេទមនុស្ស ដែលមានទំនាក់ទំនងល្អជាមួយមនុស្សជុំវិញខ្លួន ចេះពីរបៀបស្លៀកពាក់តុបតែងខ្លួន និងអាចធ្វើឲ្យអ្នកនៅជិតមានអារម្មណ៍ល្អ។
៤. គណនេយ្យករ គណនេយ្យករជាការងារ ដែលមនុស្សស្រីតែងប្រាថ្នាចង់បាន។ ការងារនេះ តម្រូវឲ្យអ្នកមានភាពវ័យឆ្លាត មានទំនុកចិត្ត ភាពម៉ឺងម៉ាត់និងស្មោះត្រង់។
៥. គ្រូបង្រៀន
គ្រូបង្រៀនជាមនុស្សពោរពេញទៅដោយចំណេះដឹង និងការគោរពពីមនុស្សជុំវិញខ្លួន។ មនុស្សមើលមកអ្នក ប្រៀបបានដូចជាមនុស្សស្រីមានអំណាចមួយរូប និងអាចក្លាយជាអ្នកម្តាយដ៏ល្អ ចេះប្រៀនប្រដៅ ផ្តល់ចំណេះវិជ្ជាដល់កូនៗ នាពេលអនាគត។
៦. អ្នកសិល្បៈ
មិនថាជាពិធីករ តារាសម្តែង តារាចម្រៀង ក្នុងទូរទស្សន៍ឬវិទ្យុក៏ដោយ សុទ្ធតែជាមនុស្សដែលទាក់ទាញចិត្តប្រុសៗពេញទំហឹង ព្រោះការងារទាំងអស់នេះ សុទ្ធសឹងតែទាមទារនូវទេពកោសល្យពីកំណើត ការសិក្សាហ្វឹកហាត់បន្ថែម ភាពអត់ធ្មត់ រួសរាយរាក់ទាក់ និងភាពវ័យឆ្លាតក្នុងការពាំនាំនូវអ្វីដែលថ្មីប្លែកៗជានិច្ច។
៧. វេជ្ជបណ្ឌិត ឬ គិលានុបដ្ឋាយិកា
នរណាមិនចង់បាន មនុស្សដែលជា វេជ្ជបណ្ឌិត ឬ គិលានុបដ្ឋាយិកា ព្រោះតួនាទីរបស់នាង មិនត្រឹមតែអាចជួយអ្នកជំងឺក្នុងមន្ទីរពេទ្យប៉ុណ្ណោះទេ ថែមទាំងសាច់ញាតិក្រុមគ្រួសារផងដែរ។
៨. ប៉ូលីស ឬ ទាហាន
មានមនុស្សស្រីមិនច្រើនប៉ុន្មានទេ ដែលដាច់ចូលបម្រើការផ្នែកប៉ូលីសឬទាហាន ដូច្នេះហើយបានជាប្រុសៗគិតថា នារីបែបនេះ គឺក្លាហានរឹងមាំ អាចការពារខ្លួនបាន។ លើសពីនេះ ពេលស្រីស្លៀកពាក់ឯកសណ្ឋាន កាន់តែស្រស់ស្អាតនិងមានមន្តស្នេហ៍។
៩. បាហុនិការ (អ្នកបម្រើការលើយន្តហោះ)
អ្នកទាំងគ្នាបានដឹងហើយថា បាហុនិការ (អ្នកបម្រើការលើយន្តហោះ) គ្រប់រូបមានសម្រស់ស្រស់ស្អាត មានចំណេះដឹង និងឬកពារល្អ ហើយប្រាក់ខែក៏ច្រើនគួរសមដែរ។
១០. មេធាវី
មេធាវីស្រី ពិតជាគួរឲ្យកោតស្ញប់ស្ញែង មិនសរសើរមិនបាន ព្រោះនាងជានារីមួយរូប មានសមត្ថភាព វ័យឆ្លាត អង់អាចក្លាហាន ជាពិសេសនាងមានកែវភ្នែកមុះមុត ដែលអាចធ្វើឲ្យមនុស្សប្រុសស្លុងអារម្មណ៍ បាក់ចិត្តតែម្តង៕
ចុចអានបន្ត៖