បើចង់ក្លាយជាអ្នកមានក្នុងរយៈពេល ៥ឆ្នាំខាងមុខ ១០ចំណុចនេះសូមកុំធ្វើឲ្យសោះ
- 2018-10-01 08:33:02
- ចំនួនមតិ 0 | ចំនួនចែករំលែក 0
បើចង់ក្លាយជាអ្នកមានក្នុងរយៈពេល ៥ឆ្នាំខាងមុខ ១០ចំណុចនេះសូមកុំធ្វើឲ្យសោះ
ខាងក្រោមនេះ កញ្ញាសូមចែករំលែកអំពីវិធីខ្លះដើម្បីឆ្ពោះទៅរកភាពជោគជ័យ ឬក្លាយជាអ្នកមាន តាមរយៈការចៀសវាងទង្វើចំនួន ១០៖
១. កុំរវើរវាយ
អ្នកមិនបានចង់បានវាពិតនោះទេ គឺអ្នកគ្រាន់តែនិយាយចោលពីមួយថ្ងៃទៅមួយថ្ងៃ ថាអ្នកចង់មាននេះមាននោះ ចង់ក្លាយជានេះជានោះ ចង់ធ្វើនេះចង់ធ្វើនោះ ប៉ុន្តែមិនដែលធ្វើអ្វីឡើយ។ ចាំទុក “ចង់បាន” និង “ត្រូវតែបាន” មិនដូចគ្នាទេ។ ពាក្យថា “ចង់បាន” គឺគ្រាន់តែជាអារម្មណ៍មួយឆាវ ប៉ុន្តែ “ត្រូវតែបាន” គឺមានគោលដៅ ផែនការ និងការបញ្ចេញសកម្មភាព ក្នុងនោះ។
២. កុំប្រញាប់ចង់បានផល
អ្នកគិតថាអ្នកធ្វើល្អបំផុតហើយ គិតថាវាត្រូវតែជោគជ័យ ប៉ុន្តែការពិតវាមិនអីចឹង។ ភាពជោគជ័យមិនមែនបានមកពីការធ្វើល្អបំផុតតែម្ដងនោះទេ ប៉ុន្តែវាអាចមកពី ១ក្នុងចំណោម ១០ដង ឬ១០០ដង ដែលអ្នកធ្វើបានល្អបំផុតទៅវិញទេ។
**៣. កុំឲ្យបាត់បង់ភាពជាខ្លួនឯង**
អ្នកព្យាយាមយកចិត្តមនុស្សគ្រប់គ្នា ធ្វើតម្រូវចិត្តមនុស្សគ្រប់គ្នា ឲ្យគ្រប់គ្នាទទួលស្គាល់ រហូតលែងជាខ្លួនឯង។ ត្រូវចាំទុកថា អ្នកគ្មានផ្លូវធ្វើគ្រប់យ៉ាងឲ្យត្រូវចិត្តមនុស្សគ្រប់គ្នាបាននោះទេ ដូច្នេះហើយត្រូវហ៊ានធ្វើអ្វីដែលជាធម្មជាតិ និងត្រូវតាមបេះដូងរបស់ខ្លួនឯង។
៤. កុំភ្លេចគិតអនាគត
អ្នកមានតែ “ការងារ” ក្នុងខួរក្បាល ប៉ុន្តែគ្មាន “ផែនការ” សម្រាប់អនាគតដែលល្អជាងនេះក្នុងខួរក្បាលឡើយ ដូច្នេះអ្នកក៏នឹងគ្មានអនាគតល្អជាងនេះបានដែរ។ ចាំទុក អ្នកនឹងត្រាំត្រែងក្នុងការងារបច្ចុប្បន្នរហូត ឬអាចនឹងកាន់តែដុនដាប បើសិនអ្នកគ្មានផែនការទៅថ្ងៃមុខ។
៥. កុំព្រមចុះចាញ់
បើអ្នកចេះតែទទួលយកអ្វីដែលកើតឡើង អ្នកគ្មានគំនិតក្រោកតស៊ូ ដើម្បីបានអ្វីដែលខ្លួនចង់បាន នោះអ្នកក៏គ្មានថ្ងៃនឹងបានវាមកដែរ។
៦. កុំស្ដាប់សម្ដីអ្នកដទៃច្រើនជាងខ្លួនឯង
អ្នកជឿពាក្យសម្ដីអវិជ្ជមានដែលអ្នកដទៃនិយាយពីអ្នក ច្រើនជាងអ្វីដែលអ្នកមើលឃើញនៅក្នុងខ្លួនឯង។ នេះគឺជាអ្វីដែលអាក្រក់បំផុត និងអាចបំផ្លាញអ្វីដែលល្អបំផុតដែលអ្នកមានក្នុងខ្លួនបាន។
៧. កុំខ្ជិល
អ្នកត្រូវយល់ថា អ្នកខំប្រឹងធ្វើការដើម្បីថ្ងៃមួយមិនចាំបាច់ធ្វើការតទៅទៀត។ ត្រូវប្រាប់ខ្លួនឯងជានិច្ចថា លះបង់រយៈពេលមួយនៃជីវិត ដើម្បីបានប្រើប្រាស់ជីវិតដែលនៅសេសសល់បានយ៉ាងពេញទំហឹង ទើបជាការលះបង់ដ៏សក្ដិសម។
៨. កុំខ្លាចបរាជ័យ
អ្នកគិតថាធ្វើអ្វីមួយហើយបរាជ័យ គឺជាការខ្ជះខ្ជាយពេលវេលា ប៉ុន្តែអ្នកភ្លេចគិតថា មិនធ្វើអ្វីសោះ ទើបជាការខ្ជះខ្ជាយពេលវេលា។ សង្កេតមើលឲ្យបានល្អ អ្នកនឹងឃើញថា មនុស្សដែលមិនធ្វើអ្វីសោះ ច្រើនតែក្រ ឯមនុស្សដែលឆ្លងកាត់បរាជ័យច្រើន ច្រើនតែជាអ្នកមាន។
៩. កុំមានលេសច្រើនពេក
អ្នករវល់តែរកលេសដោះសា ប៉ុន្តែមិនព្យាយាមរកវិធីដោះស្រាយ ទាំងដែលដឹងថា បើអ្នកខំប្រឹងធ្វើ អ្នកនឹងធ្វើបានសម្រេច។ មនុស្សជោគជ័យមិនដែលរកលេសដើម្បីឈប់តស៊ូឡើយ បើហោះមិនបាន គេនឹងរត់ បើរត់មិនបាន គេនឹងដើរ រហូតដល់គោលដៅ។
១០. កុំលាក់ខ្លួន
អ្នកធ្វើខ្លួនដូចជារស់នៅតែម្នាក់ឯងក្នុងពិភពលោក មិនបើកឱកាសឲ្យខ្លួនឯងចូលសង្គម ស្គាល់គេស្គាល់ឯង។ ចាំទុក ធ្វើអ្វីម្នាក់ឯងអ្នកក៏អាចជោគជ័យបានដែរ ប៉ុន្តែបើមានទីប្រឹក្សា មានកម្លាំងជំរុញចិត្ត មានកម្លាំងគាំទ្រ អ្នកនឹងជោគជ័យកាន់តែឆាប់។
ធ្វើឲ្យបាន ១០ចំណុចនេះ ធានាថាអ្នកនឹងក្លាយជាអ្នកមាន ប៉ុន្តែថាតើចាប់ផ្ដើមយឺត ឬលឿន នោះគឺអាស្រ័យលើអ្នក ហើយកុំភ្លេច Share អត្ថបទនេះឲ្យមិត្តរបស់អ្នកបានអាននិងអនុវត្តជាមួយគ្នាផង ៕
ចុចអាន៖
មាន ១០ចំណុចនេះបញ្ជាក់ថាអ្នកជាមនុស្សមានក្ដីសុខបំផុតលើលោកម្នាក់ហើយ
ស្រីៗទោះរឹងមាំប៉ុណ្ណា ក៏ត្រូវការមនុស្ស ៦ ប្រភេទនេះនៅពីក្រោយខ្នងដែរ!