ព្រះនាង Meghan ចាប់ផ្ដើមមានអារម្មណ៍ធុញទ្រាន់នឹងបទបញ្ជាស្លៀកពាក់ប្លែកៗក្នុងរាជវាំង

2018-08-02 02:53:38
ចំនួនមតិ 0 | ចំនួនចែករំលែក 0

មហេសីរបស់ព្រះអង្គម្ចាស់ Harry នៃចក្រភពអង់គ្លេស ដែលទើបរៀបអភិសេកនៅពាក់កណ្ដាលខែឧសភា ព្រះនាង Meghan Markle ត្រូវបានគេរាយការណ៍ថា ចាប់ផ្ដើមមានអារម្មណ៍ធុញទ្រាន់ខ្លាំងនឹងបទបញ្ជាប្លែកៗក្នុងរាជវាំងទាក់ទងនឹងការស្លៀកពាក់។ ព្រះនាងរូបនេះ ជាអតីតតារាសម្ដែង HollyWood ដែលមានឈ្មោះបោះសំឡេង និងជាអ្នកគាំទ្រចលនាស្ត្រីនិយមម្នាក់ ធ្លាប់រស់នៅពោរពេញដោយសេរីភាព ហាក់មិនទាន់ទម្លាប់នឹងការបត់បែនរស់នៅតាមបែបបទរាជ្យវង្សអង់គ្លេស ដែលផ្ទុយទាំងស្រុងពីជីវិតដែលនាងធ្លាប់រស់នៅ។

បើទោះបីជាបានដឹងឮ និងបានហ្វឹកហាត់សម្របខ្លួនមុនរៀបអភិសេកក្ដី ព្រះនាង Meghan ជារឿយៗមិនយល់អំពីបទបញ្ចាទាំងអស់នោះ ហើយតែងតែចោទជាសំណួរទៅកាន់ព្រះស្វាមី ព្រះអង្គម្ចាស់ Harry ថាហេតុអ្វីត្រូវតែមានបទបញ្ចាប្លែកៗបែបនេះក្នុងរាជវាំង? ដែលសំណួរនេះធ្វើឲ្យប្រជារាស្ត្រជាអ្នកគាំទ្រខ្សែរាជវង្សអង់គ្លេស សម្ដែងការមិនសប្បាយចិត្ត។ ព្រះនាង Meghan មានអារម្មណ៍មិនសូវពេញចិត្តនឹងបទបញ្ជានៃការស្លៀកពាក់ដូចជា៖

១. ព្រះនាងមិនយល់សោះ ហេតុអ្វីបានជាម្ចាស់ក្សត្រី Elizabeth ដែលត្រូវជាព្រះអយ្យការតម្រូវឲ្យមនុស្សស្រីក្នុងរាជវាំងស្លៀកសំពត់ជាជាងស្លៀកខោ? ព្រោះព្រះនាងយល់ថា មនុស្សស្រីគួរស្លៀកពាក់អ្វីដែលនាងចង់ស្លៀក ឲ្យតែសមរម្យគឺទទួលយកបានហើយ។

២. ច្បាប់រាជវាំងតម្រូវឲ្យសែស្រឡាយជានារីស្លៀកពាក់ជិតៗ មិនអាចបញ្ចេញសាច់ខ្លាំងបានទេ។ តែព្រះនាង Megan បានស្លៀករ៉ូបសំយេះស្មា ចេញសាច់ស្មាខ្លាំង នៅពេលចូលរួមកម្មវិធីរាជវង្សជាមួយព្រះស្វាមី។

ដោយសារតែការមិនសូវពេញចិត្ត និងគិតថាខុសទើបធ្វើឲ្យព្រះនាងចង់ជម្នះ ដោយធ្វើឲ្យមានកំហុសឆ្គងនៅក្នុងបទបញ្ជាខ្លះៗ។ ទោះយ៉ាងនេះក្ដី ក៏ព្រះអង្គម្ចាស់ Harryនៅតែឈរខាងនាង និងបត់បែនតាមព្រះនាងជានិច្ច៕

ចុចអាន៖ត្រចៀកកាំ បាត់លុយរាប់លានដុល្លារដោយសាររឿងអាស្រូវរបស់ Fan Bingbing

ប្រភព៖ viralmotion ប្រែសម្រួល៖ Pencharm