ត្រូវគេបង្អាប់ថាមុខអាក្រក់ដូចថតរឿងខ្មោច ចៀវៃបង្ហោះសារតបទៅវិញ

2018-06-22 03:40:00
ចំនួនមតិ 0 | ចំនួនចែករំលែក 0

ក្រោយពេលកម្រងរូបភាពអាក្រក់ៗរបស់ខ្លួនត្រូវបានចុះផ្សាយ តារាសម្ដែងស្រីជួរមុខតៃវ៉ាន់ Ruby Lin បានចេញមុខបកស្រាយ។

កាលពីថ្ងៃទី១៩ខែមិថុនាកន្លងទៅនេះ តារាសម្ដែងស្រីចាស់វស្សា Ruby Lin បានមានវត្តមាននៅកោះ Qing Dao ប្រទេសចិនដើម្បីចូលរួមកម្មវិធីមហោស្រពភាពយន្តមួយ។ នៅក្នុងឈុតប្រពៃណីចិន សំលៀកបំពាក់របស់អ្នកម្ដាយកូន១ត្រូវបានគេសរសើរថាត្រូវសម្រិតសម្រាំងឡើងយ៉ាងពិសេស។

យ៉ាងណាក្ដី អ្វីដែលធ្វើឲ្យគេចាប់អារម្មណ៍ខ្លាំងជាងគេនោះ គឺមុខរបស់ស្រីស្អាតវ័យ៤២ឆ្នាំទៅវិញ។ ដោយហេតុផលណាមួយ គេសង្កេតឃើញថាមុខរបស់ចៀវៃ មើលទៅរឹង មិនធម្មជាតិ រហូតដល់ថ្នាក់អ្នកខ្លះបានលាន់មាត់ថានាងអាចថតរឿងខ្មោចបានដោយមិនចាំបាច់តុបតែងមុខទៀតផង។ បន្ថែមពីនេះ ទស្សនិកជនបានរិះគន់ក្រុមហ៊ុនតំណាងរបស់ Ruby Lin ថាមិនចេះការពារតារារបស់ខ្លួន ត្បិតក្រុមហ៊ុនគ្រប់គ្រងសិល្បករចិនទាំងអស់សុទ្ធតែមានលទ្ធភាពបំបាត់រូបភាពអាក្រក់ៗរបស់តារាខ្លួន។

ឆ្លើយតបនឹងការរិះគន់នេះ ប្រពន្ធតារាសម្ដែង Wallace Huo បានសរសេរនៅលើបណ្ដាញសង្គមរបស់ខ្លួនថា៖ “គ្រប់គ្នាធ្វើការហត់នឿយណាស់ហើយ គួរយោគយល់ដល់ពួកគេផង”។ ភ្ជាប់ជាមួយសារនេះគឺជារូបរបស់នាងនៅក្នុងកម្មវិធីដដែល តែស្អាតជាងរូបដែលត្រូវគេបង្ហោះ៕