ធ្លាប់គិតថាខ្លួនឯងអន់ទេ? ការពិត ៧យ៉ាងនេះនឹងធ្វើឱ្យអ្នកឈប់គិតបែបហ្នឹង

2018-06-06 04:41:40
ចំនួនមតិ 0 | ចំនួនចែករំលែក 0

នៅពេលដែលអ្នកកាន់តែធំ អ្នកកាន់តែយល់ច្បាស់ពីសង្គម និងរឿងរ៉ាវដែលកើតឡើងជុំវិញខ្លួន។ អ្នកតែងតែគិតថាខ្លួនមិនល្អគ្រប់គ្រាន់ក្នុងភ្នែកអ្នកដទៃ ហើយព្យាយាមកែប្រែខ្លួនឯង។ កុំព្យាយាមធ្វើល្អក្នុងភ្នែកអ្នកដទៃ។ រៀនទទួលយកការពិតទាំងនេះ ហើយអភិវឌ្ឍខ្លួនវិញប្រសើរជាង៖

១. មនុស្សមិនអាចត្រឹមត្រូវរហូតទេ

អ្នកមិនចាំបាច់ត្រឹមត្រូវពេក ឬធ្វើជាមនុស្សល្អពេកនោះទេ។ និយាយអ្វីដែលអ្នកចង់និយាយ ធ្វើអ្វីដែលអ្នកចង់ធ្វើ។ ឧទាហរណ៍ នៅពេលដែលអ្នកណាត់ជួបបុរសណាម្នាក់ បុរសនោះបញ្ចេញកាយវិការមិនសមរម្យ អ្នកមិនចាំបាច់ទ្រាំទេ។ អ្នកអាចស្រែកឱ្យគាត់ ឬថាឱ្យគាត់ចំៗតែម្តង។

២. ប្រសិនបើមានអារម្មណ៍មិនស្រួលគួរតែចាកចេញ

មិនថានៅក្នុងកាលៈទេសៈណាក៏ដោយ បើសិនអ្នកមានអារម្មណ៍មិនស្រណុកចិត្ត ឬខុសឆ្គងគួរតែចាកចេញ។ ឧទាហរណ៍ អ្នកនិងគូដណ្តឹងអ្នកមិនចុះសម្រុងនឹងគ្នាទាល់តែសោះ ប៉ុន្តែអ្នកមិនអាចធ្វើអ្វីបានក្រៅពីទ្រាំព្រោះខ្លាចខ្មាសគេ។ អ្នកគិតខុសហើយអ្នកមិនចាំបាច់ទ្រាំនោះទេ គ្មានអ្វីសំខាន់ជាងអារម្មណ៍ខ្លួនអ្នកឡើយ។

៣. ការបែកបាក់ស្នេហាមិនមែនជាចុងបញ្ចប់នៃពិភពលោកទេ

អ្នកមិនអាចចាកចេញពីភាពឈឺចាប់ទេ ហើយក៏លែងចង់មានស្នេហា។ អ្នកត្រូវចាំថា នៅពេលដែលពេលវេលាមកដល់អ្នកនឹងជួបមនុស្សដែលសក្ដិសម។ បែកបាក់ស្នេហាជារឿងធម្មតាទេ ហើយអ្វីគ្រប់យ៉ាងតែងតែមានផ្លូវចេញ។

៤. អ្នកស្អាតជាងអ្វីដែលអ្នកគិត

មនុស្សភាគច្រើនមិនស្កប់ស្កល់នូវអ្វីខ្លួនមាន។ អ្នកគិតថាអ្នកមិនស្អាត ដោយសារតែមានមុនច្រើន កម្ពស់មិនខ្ពស់ ស្បែកខ្មៅ។ល។ អ្នកគិតបែបនេះគឺខុសហើយ អ្នកគួរពេញចិត្តនូវអ្វីដែលអ្នកមាន។

៥. ឧបសគ្គជួយឱ្យអ្នកកាន់តែរឹងមាំ

អ្នកអាចនឹងគិតថាពាក្យទាំងនេះគ្រាន់តែជាការលួងលោម។ ប៉ុន្តែវាជាការពិត ពីព្រោះនៅឃើញខ្លួនឯងរីកចម្រើននៅពេលអ្នកជួបឧបសគ្គកាន់តែច្រើន។ រៀនកត់ចំណាំដោយខ្លួនឯង!

៦. មិត្តភក្តិដែលពូកែជាងអ្នកអាចនឹងមានឧបសគ្គច្រើនជាងអ្នក

ការច្រណែនគឺជារឿងដែលឥតប្រយោជន៍បំផុត។ មិនថាជីវិតពួកគេមើលទៅរស់ស្រួលយ៉ាងណាទេ ពួកគេក៏មានឧបសគ្គដែរ គ្រាន់តែឧបសគ្គនោះអាចនឹងខុសពីអ្នក។

៧. អ្នកគួរតែរៀនសម្រេចចិត្តដោយខ្លួនឯង

អ្នកប្រាកដជាមិនចូលចិត្តធ្វើការសម្រេចដោយខ្លួនឯងទេ ព្រោះអ្នកខ្លាចការសម្រេចចិត្តខុស។ តែបើធំហើយ អ្នកគួរតែរៀនសម្រេចចិត្តដោយខ្លួនឯងហើយទទួលយកលទ្ធផលនៃការសម្រេចចិត្តនោះ ៕

ចុចអាន៖

ប្រភព៖ gurl ប្រែសម្រួល៖ តាន់ ច័ន្ទលក្ខិណា