ទោះអត់មានអ្នកស្រលាញ់យ៉ាងណា ក៏ស្រីៗជៀសឲ្យឆ្ងាយពីប្រុស ៧ ប្រភេទនេះ
- 2018-06-01 07:30:00
- ចំនួនមតិ 0 | ចំនួនចែករំលែក 0
ទោះអត់មានអ្នកស្រលាញ់យ៉ាងណា ក៏ស្រីៗជៀសឲ្យឆ្ងាយពីប្រុស ៧ ប្រភេទនេះ
ស្រីៗត្រូវចាំថា ទោះគ្មាននរណាស្រលាញ់យ៉ាងម៉េចក៏ដោយ ក៏កុំណាត់បុរសប៉ុន្មានប្រភេទនេះឲ្យសោះ។ ព្រោះពួកគេមិនអាចជួយឲ្យជីវិតអ្នកស្រស់ស្រាយឡើងវិញបានទេ។
១.មនុស្សប្រុសចរិតកូនក្មេង
ស្រីៗគួរជៀសវាងណាត់ជួបបុរសប្រភេទនេះ ព្រោះអាកប្បកិរិយារបស់ពួកគេនឹងធ្វើឲ្យអ្នកឈឺក្បាល។ ទោះបីជាស្ថិតនៅក្នុងវ័យជាង ២០ ឆ្នាំក៏ដោយ តែធម្មជាតិរបស់គាត់ដែលចូលចិត្តធ្វើអ្វីតាមចិត្តខ្លួនឯង មិនយល់ពីអ្នកដទៃ រឹងរូសមិនស្ដាប់ហេតុផល... អ្នកនឹងជួបបញ្ហាមិនឈប់។
**២.ព្រាននារី**
កុំដាក់ចិត្តដាក់កាយនឹងប្រុសព្រាននារីឲ្យសោះ ព្រោះអ្វីដែលអ្នកទទួលបានមកវិញ គឺមានត្រឹមទឹកភ្នែកជូតក្បាលជង្គង់ប៉ុណ្ណោះ។ បុរសប្រភេទនេះមិនដែលស្រលាញ់នារីណាស្មោះឡើយ គឺយកដើម្បីតែជាការកម្សាន្តអារម្មណ៍របស់គេ រួចក៏បោះបង់ចោលវិញ។
៣.បុរសគ្មានការងារធ្វើ
ទោះស្អាតប៉ុណ្ណាក៏កុំទាក់ទងដែរ។ បុរសប្រភេទនេះ នឹងមិនអាចចិញ្ចឹមខ្លួនឯងរស់ផង ដូចនេះបើអ្នកសេពគប់ប្រុសធន់នេះ ពេលទៅណាម្ដងៗមានតែសុំលុយម៉ែឪ ហើយពេលខ្លះបើទៅញ៉ាំអីជាមួយអ្នក នោះអ្នកត្រូវចេញលុយវិញ។
៤.ប្រុសប្រមឹក
អ្នកនឹងខូចចិត្ត បើទាក់ទងជាមួយមនុស្សប្រុសបែបនេះ ព្រោះអ្នកញនស្រា អាចនឹងបង្កហិង្សាដល់អ្នកបានគ្រប់ពេល។
៥.មនុស្សប្រុសដូចសំពត់ក្នុងផ្នត់
បុរសបែបនេះដើរមិនទាន់សង្គមឡើយ មឹះៗ រុញទុំមិនបក់។ ប្រសិនបើអ្នកទាក់ទងចំមនុស្សបែបនេះមែន ច្បាស់ជាមិនសូវសប្បាយចិត្តឡើយ ព្រោះគាត់នឹងមិនអាចចេះធ្វើអ្វីបាន បើអ្នកមិនប្រាប់។
៦.ប្រុសពូកែកុហក
ទោះស្ថិតក្នុងដំណាក់កាលជាសង្សារ ក៏អ្នកគ្មានឡើយសេចក្ដីសុខផ្លូវចិត្ត ព្រោះដៃគូចាំតែបោកប្រាស់ កុហកមិនចេះចប់។
៧.មនុស្សសម្ភារៈនិយម
មនុស្សប្រុសដែលគិតតែពីរឿងសម្ភារៈនិយម ពួកគេនឹងមិនគិតពីអ្នកឡើយ ហើយបើអ្នកមិនឡូយឆាយដូចគេ គឺជាមូលហេតុធ្វើឲ្យអ្នកទាំងពីរឈ្លោះគ្នា៕
ចុចអាន៖មិនមាត់ៗ តែបើសង្សារចេញឫកពាទាំង ៥ នេះហើយ មានន័យថាកំពុងប្រច័ណ្ឌខ្លាំង