ទម្លាប់មិនល្អ ៥របស់ស្រីៗក្នុងរឿងស្នេហា ដែលធ្វើឲ្យដៃគូធុញ ចង់តែដាច់គ្នាម្ដងៗ

2018-04-18 02:40:28
ចំនួនមតិ 0 | ចំនួនចែករំលែក 0

ស្នេហាខ្លះឆាប់ស្លាប់ក៏ដោយសារផ្ដើមចេញពីទម្លាប់នេះឯង។ ទោះដឹងថាពិបាកចោលក៏ពិតមែន តែបើចង់រក្សាមនោសញ្ចេតនារបស់ខ្លួនឲ្យគង់វង្ស ត្រូវបំបាត់ឲ្យទាល់តែបាន។ ខាងក្រោមនេះគឺជាទម្លាប់អាក្រក់ៗមួយចំនួនរបស់មនុស្សស្រីនៅពេលមានស្នេហា ដែលធ្វើឲ្យដៃគូទ្រាំមិនបាន។

១. ចូលចិត្តយករឿងចាស់មករំឭកឡើងវិញ

ជាមនុស្សស្រី សូម្បីតែរឿងតូចបំផុតក៏ចងចាំបានដែរ។ មានរឿងខ្លះ ទោះបីជាកើតឡើងយូរណាស់ទៅហើយ ក៏នាងនៅតែរំលឹកឡើងវិញ រាល់ពេលមានរឿងឈ្លោះប្រកែកគ្នាម្ដង ជាពិសេសគឺកំហុសរបស់សង្សារក្នុងអតីតកាល។ រឿងដែលគេដឹងកំហុសហើយ មិនគួរជីកកកាយឡើងសារជាថ្មីនោះទេណាស្រីៗ។

រូបតំណាង

**២. ចូលចិត្តត្រួតត្រា**

ត្រួតត្រាសង្សារគឺជាទម្លាប់ដែលមិនងាយកែរបស់ស្រី ទោះបីជាបែកគ្នាដោយសារវាច្រើនដងក៏មិនចាំដែរ។ នេះក៏ជាមូលហេតុធ្វើឲ្យចំណងស្នេហ៍ពិបាកស្ថិតស្ថេរដែរ។ ស្រីៗពេលខ្លះ ស្ទើរតែតម្រូវឲ្យមិត្តប្រុសខ្លួនធ្វើរបាយការណ៍ប្រចាំថ្ងៃធ្វើអីខ្លះឲ្យនាងទៅហើយ។

៣. ទម្លាយរឿងសម្ងាត់របស់សង្សារឲ្យគេដឹង

ស្រីៗតែងជួបជុំជាមួយមិត្តភ័ក្ដិដើម្បីញ៉ាំត្រាវ ទោះបីជាចាប់ផ្ដើមដោយប្រធានបទអ្វីក៏ដោយ ក៏មិនអាចខ្វះរឿងស្នេហាបានឡើយ។ ពេលជក់ចិត្តហើយ តែងយករឿងរបស់ខ្លួននឹងសង្សារមកជជែកគ្នាឲ្យគេបានដឹង។ ពេលខ្លះក៏ដើរហួសដែនកំណត់ លែងដឹងថារឿងណាគួរទម្លាយ រឿងណាមិនគួរទម្លាយ អាចធ្វើឲ្យដៃគូអាម៉ាស់មុខបាន។

៤. មិនចង់ឯករាជ្យ

បើប្រការនេះកើតឡើងតែក្នុងរយៈពេលដំបូងនៃការស្រលាញ់គ្នា ក៏គ្មានអ្វីត្រូវក្រែងរអែងដែរ តែបើវានៅតែបន្តកើតឡើងក្នុងរយៈពេលយូរនោះ សួរថាអ្នកណាអាចទ្រាំបាន? សូម្បីតែរឿងតូចបំផុតក៏ពឹងឲ្យគេជួយ តើគេនឹងគិតបែបណាជាមួយយើង? ធំដឹងក្ដីអស់ហើយ រឿងណាអាចធ្វើបាន គួរធ្វើខ្លួនឯង កុំឲ្យគេមើលងាយ។

រូបតំណាង

៥. ស្អប់ចំណង់ចំណូលចិត្តរបស់គេ

មនុស្សគ្រប់គ្នាសុទ្ធតែមានការចូលចិត្តរៀងៗខ្លួន យើងមិនអាចបង្ខំគេឲ្យចូលចិត្តអ្វីដូចយើងបានឡើយ។ ដូចស្រីៗចូលចិត្តដើរទិញអីវ៉ាន់ ឯប្រុសៗចូលចិត្តកីឡាអីចឹងដែរ។ បើមិនគាំទ្រចំណង់ចំណូលចិត្តគេទេ ក៏កុំហាមឃាត់គេអី។ អ្នកអាចរិះគន់វាបាន នៅពេលដែលចំណង់ចំណូលចិត្តនោះហួសហេតុពេក ដូចលេងហ្គេមមួយថ្ងៃ១០ម៉ោងជាដើម៕

ចុចអាន៖

ប្រភព៖ Spiceee ប្រែសម្រួល៖ Caramel