១០ច្បាប់សម្រាប់គូស្នេហ៍ បើស្រឡាញ់គ្នាពិត ត្រូវសន្យាធ្វើឲ្យបាន
- 2018-04-03 08:14:06
- ចំនួនមតិ 0 | ចំនួនចែករំលែក 0
១០ច្បាប់សម្រាប់គូស្នេហ៍ បើស្រឡាញ់គ្នាពិត ត្រូវសន្យាធ្វើឲ្យបាន
ច្បាប់ទី១៖ កុំខឹងម្ដងទាំងពីរនាក់ ដូចពាក្យចាស់ពោលថា "បើគេក្ដៅដូចភ្លើង យើងត្រូវត្រជាក់ឲ្យដូចទឹក"។
ច្បាប់ទី២៖ កុំស្រែកដាក់គ្នាដាច់ខាត លើកលែងតែមានភ្លើងឆេះផ្ទះ ឬបញ្ហាទាន់ហន់។
ច្បាប់ទី៣៖ ចាំទុក ថាគ្មានអ្នកណាចូលចិត្តការរិះគន់នោះទេ ហើយបើសិនចង់ឲ្យគេធ្វើនូវអ្វីដែលសូម្បីតែខ្លួនយើងក៏មិនចូលចិត្ត សូមប្រើសម្ដីឲ្យផ្អែមបន្តិច។
ច្បាប់ទី៤៖ សន្យាមិនឆ្កឹះឆ្កៀលរឿងឈឺចាប់ក្នុងអតីតកាលរបស់គ្នាឡើយ បើចង់និយាយរឿងចាស់ៗ គួរលើកយករឿងដែលល្អៗរបស់អ្នកទាំងពីរមកនិយាយល្អជាង។
ច្បាប់ទី៥៖ ធ្វើឲ្យគេមានអារម្មណ៍ថាគេសំខាន់សម្រាប់អ្នកជានិច្ច។
ច្បាប់ទី៦៖ សន្យានឹងគ្នាថាកុំចូលគេងទាំងឈ្លោះគ្នា ព្រោះវានឹងធ្វើឲ្យអ្នកគេងមិនលក់។ និយាយគ្នាឲ្យយល់គ្នាសិនសឹមគេង ល្អជាងគេងបែរខ្នងដាក់គ្នា។
ច្បាប់ទី៧៖ និយាយគ្នាឲ្យបានច្រើនបន្តិច នឹងជួយឲ្យស្នេហារបស់អ្នកទាំងពីរកាន់តែមានការយល់ចិត្តគ្នា អាចជារឿងអ្វីក៏បានដែលអ្នកជួបប្រទះ រឿងការងារ សៀវភៅដែលទើបតែអានចប់ អាចនិយាយឲ្យគ្នាស្ដាប់។ សាកធ្វើដូច្នេះអ្នកនឹងមានអារម្មណ៍កាន់តែល្អូកល្អិននឹងគ្នា។
ច្បាប់ទី៨៖ បើដឹងខ្លួនថាធ្វើខុស ត្រូវសុំទោស មិនបាច់ខ្លាចថាបាក់មុខអ្វីនោះទេ។
ច្បាប់ទី៩៖ កុំយល់ច្រឡំថា ការនៅជាមួយគ្នារហូត មានន័យថាជាការយកចិត្តទុកដាក់នឹងគ្នាពិតប្រាកដ ព្រោះការយកចិត្តទុកដាក់ គឺជាការផ្ដល់ចំណាប់អារម្មណ៍ឲ្យគ្នាទាំងស្រុងពេលនៅជាមួយគ្នា មិនមែនគ្រាន់តែអង្គុយស្ងៀមស្ដាប់គេនិយាយ ឬមើលទូរទស្សន៍ជាមួយគ្នានោះទេ។
ច្បាប់ទី១០៖ កុំភ្លេចធ្វើឲ្យគេដឹង និងមានអារម្មណ៍ថា អ្នកនៅស្រឡាញ់គេជានិច្ច។
ចំណុចពិសេស៖
ការដែលបានស្រឡាញ់នរណាម្នាក់ គឺជារឿងដ៏ពិសេស ដូច្នេះកុំបណ្ដោយឲ្យរឿងតូចតាច កំហឹងមួយនាទីពីរនាទី មកសម្រេចផ្ដាច់ទំនាក់ទំនងដែលខំកសាងនេះ ប៉ុន្តែគួរនិយាយសុំទោស និងកែខ្លួនសម្របគ្នាជាថ្មី នោះអ្វីៗនឹងប្រសើរឡើងវិញ។
បញ្ហាកើតឡើងព្រោះមិននិយាយគ្នា
បញ្ហាកើតឡើងព្រោះមិនដោះស្រាយ
បញ្ហាកើតឡើងព្រោះការគិតអត្តនោម័ត
បញ្ហាកើតឡើងព្រោះនឹកឃើញតែខ្លួនឯង គិតថាធ្វើយ៉ាងនេះល្អបំផុតហើយ តែមិនខ្វល់អ្នកម្ខាងទៀតគិតដូចគ្នាជាមួយយើងឬអត់ ចុងក្រោយក៏មានតែពាក្យថាខូចចិត្ត។
អ្នកត្រូវជ្រើសរើសរវាង ការព្រមទទួលយកទង្វើដែលគេធ្វើ ហើយរក្សាអ្វីដែលល្អៗបន្តទៀត ឬសុខចិត្តបំផ្លាញទំនាក់ទំនងចោល ទាំងធ្វើបែបនេះក៏មិនបានអ្វីដែលអ្នកត្រូវការដដែល ៕
ចុចអាន៖