ពេលស្រឡាញ់គ្នាមនុស្សប្រុសមិនចង់ឲ្យមនុស្សស្រីធ្វើរឿង៧ យ៉ាងនេះទេ

2017-08-31 02:59:27
ចំនួនមតិ 0 | ចំនួនចែករំលែក 0

មនុស្សមានចរិតខុសគ្នា ដូច្នេះពេលខ្លះយើងមិនអាចផ្គាប់ចិត្តគេត្រូវរហូតឡើយ។ ប៉ុន្តែស្នេហាអ្វីដែលសំខាន់គឺការស្វែងយល់ពីគ្នា ដឹងថាថាគាត់មិនចូលចិត្តហើយ អ្នកក៏មិនគួរព្យាយាមធ្វើវាបន្តទៀតដែរ។ សម្រាប់រឿង ៧ យ៉ាងខាងក្រោមគឺជារឿងដែលមនុស្សសឹងតែទាំងអស់មិនចូលចិត្ត ៖

១. ធ្វើជាម៉ែទីពីរ ៖ មនុស្សប្រុសមានម៉ែម្នាក់រួចទៅហើយ ដូច្នេះគាត់មិនចង់បានម៉ែម្នាក់ទៀតនោះទេ។ បើសិនជាអ្នកគ្រាន់តែជាសង្សារហើយប្រកាន់ចរិតដូចម្ដាយគាត់នោះ មិនយូរទេគាត់នឹងដើរចេញពីតែម្ដង។

រូបតំណាង

**២. ព្យាយាមចង់គ្រប់គ្រងជីវិតគាត់ ៖** បើអ្នកជាគាត់វិញមានអារម្មណ៍យ៉ាងណាដែរ បើមានមនុស្សមកគ្រប់គ្រងជីវិត? គ្មានអ្នកណាចង់ឲ្យគេមកបញ្ជា មករៀបចំជីវិតឲ្យយើងឡើយ ជាពិសេសមនុស្សប្រុសតែម្ដងព្រោះគេជាមនុស្សដែលមានភាពឯករាជ្យខ្លាំង។

៣. សួរសំណួរដដែលៗ ៖ អ្នកណាក៏ធុញដែរបើនៅតែសួរដដែលៗនោះ ម្យ៉ាងទៀតមនុស្សធំៗអស់ទៅហើយ បើគេចង់និយាយគេនិយាយហើយ មិនបាចសួរនាំច្រំដែលៗឡើយ។ បើអាចគួរតែព្យាយាមធ្វើខ្លួនឲ្យរឹងមាំ ជាជាងនិយាយច្រើនហើយគេនៅតែមិនស្ដាប់។

៤. និយាយបំបាក់មុខ ឬធ្វើឲ្យគាត់ខ្មាសគេ ៖ មនុស្សប្រុសស្រឡាញ់កិត្តិយសណាស់ ដូច្នេះអ្នកគួរតែប្រយ័ត្ន កុំព្យាយាមបំបាក់មុខគាត់ ឬធ្វើអីឲ្យគាត់ខ្មាសគេ ទោះមានរឿងអីក៏ដោយក៏គួរតែទុកមុខឲ្យគាត់ ហើយដោះស្រាយជាមួយគ្នាវិញ។

៥. អ្នកដើរលេងយប់ជាមួយមនុស្សប្រុសផ្សេង ៖ ពេលខ្លះទោះបីជាម្នាក់នោះជាមិត្តភក្តិស្និទ្ធស្នាលអ្នកក៏ដោយក៏គាត់នៅតែបារម្ភ ហើយ មិនចង់ឲ្យអ្នកទៅនោះទេ ព្រោះគាត់ជាមមនុស្សប្រុសគាត់ដឹងថាមានរឿងអីអាចកើតឡើងនៅពេលដែលស្រាចូលខ្លួន។

រូបតំណាង

៦. គិតច្រើនទាំងគ្មានរឿងអីសោះ ៖ ពេលខ្លះរឿងនោះគឺជារឿងធម្មតា តែអ្នកបែរជាគិតច្រើនរហូតក្លាយជារឿងធំ ហើយ ជួនកាលឈ្លោះគ្នាអត់អំពើទាំងគាត់អត់ដឹងអីសោះ។ បើអាចអ្នកគួរតែព្យាយាមកាត់បន្ថយរឿងនេះ កុំឲ្យស្នេហាមានបញ្ហាទាំងអត់ដឹងហេតុផល។

៧. ទន់ខ្សោយ និងពូកែ Drama ៖ មនុស្សស្រីបើទន់ខ្សោយហើយ នោះតម្លៃអ្នកក៏កាន់តែខ្សោយតាមនោះដែរ បើអ្នកជាមនុស្សស្រីដែលរឹងមាំ មិនចាំបាច់មានគាត់ក៏បាន នោះគាត់នឹងមិនអាចលែងអ្នកឲ្យទៅមនុស្សប្រុសផ្សេងឡើយ តែបើអ្នកមានរឿងអីតិចក៏ Drama មានរឿងអីតិចធ្វើបានខ្លួនឯង នោះគាត់គ្មានហេតុផលក្នុងការចាប់អ្នកឲ្យជាប់ឡើយ។

៨.ប្រចណ្ឌខុសរឿង ៖ ពេលខ្លះភ្លើងប្រចណ្ឌអាចឲ្យអ្នកដើរផ្លូវខុសបាន ដូច្នេះបើមិនបានឃើញមិនបានឮផ្ទាល់ភ្នែក ផ្ទាល់ត្រចៀកទេកុំជឿតាមគេប្រាប់ ហើយមនុស្សគាត់អាចមានការរាប់អានច្រើនដូច្នេះកុំប្រចណ្ឌខកលាំងពេក ព្រោះវាងាចឲ្យមនុស្សប្រុសធុញទ្រាន់។