៣ តិចនិចសម្រាប់នារីមានសាច់ស្លៀករ៉ូបឲ្យឃើញខ្លួនតូចស្រឡូនស្អាត
- 2020-04-08 03:50:00
- ចំនួនមតិ 0 | ចំនួនចែករំលែក 0
៣ តិចនិចសម្រាប់នារីមានសាច់ស្លៀករ៉ូបឲ្យឃើញខ្លួនតូចស្រឡូនស្អាត
មនុស្សម្នាក់ៗកើតមកមានរូបសម្បត្តិខុសៗគ្នា ពណ៌សម្បុរ រូបរាង មិនអាចដូចគ្នាទាំងអស់បានទេ។ អ្នកខ្លះស្គម អ្នកខ្លះទៀតមានមាឌធាត់មានសាច់ទ្រលុកទ្រលុនគួរឲ្យស្រឡាញ់ តែអ្វីដែលសំខាន់អ្នកទាំងនោះត្រូវចេះលើកទឹកចិត្តខ្លួនឯងនិងពេញចិត្តនូវអ្វីដែលខ្លួនមានទើបជាការប្រសើរ។ សម្រាប់មិត្តនារីមានរាងម៉ាប់ៗឈប់បារម្ភទៀតទៅ ថ្ងៃនេះ កញ្ញា នឹងចែករំលែក ៣ គន្លឹះស្លៀកពាក់ឲ្យមើលឃើញស្គមជាងមុន។ ចំណុចទាំងនោះរួមមាន៖
១. អាវចាក់សាច់ក្រណាត់ + សំពត់
អ្នកនឹងមើលមកឃើញស្គមរាងស្រឡូនជាងមុន ប្រសិនបើអ្នកប្តូរស្ទីលនៃការស្លៀកពាក់ប្រចាំថ្ងៃដូចជា អាវចាក់សាច់ក្រណាត់ជាមួយនឹងសំពត់វែងស្ទើរជើងបន្តិច។ អ្នកអាចស្លៀកឈុតបែបនេះទៅធ្វើការក៏បាន នៅផ្ទះក៏បានអាស្រ័យទៅតាមចំណង់ចំណូលចិត្តរបស់ខ្លូន។
២. អាវដៃវែងរឹប + អៀមខាងក្រៅ
វាជាការប្រសើរបើអ្នកស្លៀកពាក់ឲ្យរឹបផ្នែកខាងក្នុង តែបើអ្នកស្លៀកពាក់ខាងក្នុងរាងធំៗបូកជាមួយនឹងអៀមខាងក្រៅនោះអ្នកនឹងមើលមកធាត់ខ្លាំងតែម្តង។ នៅពេលស្លៀកអៀមក្រៅវានឹងជួយរង្វង់ខ្សែចង្កេះអ្នកបានមួយកម្រិត។ អ្នកអាចជ្រើសរើសអាវដៃវែងរឹបជាមួយនឹងអៀមសាច់ក្រណាត់ក្រៅទៅតាមពណ៌ដែលអ្នកចូលចិត្តបាន។
សក់ខ្លីឬវែងមិនសំខាន់ សំខាន់ចេះប្រើបូរសក់ឲ្យសមនឹងម៉ូដសក់ដឹងតែស្អាតប្លែកម៉ង
៣. រ៉ូប
ប្រសិនបើអ្នករាងខ្ជិលបន្តិចក្នុងការស្លៀកពាក់ មិនចូលចិត្តចំណាយពេលយូរក្នុងការជ្រើសរើសម្លៀកបំពាក់ច្រើននោះ អ្នកអាចប្តូរមកស្លៀករ៉ូបវិញតែម្តងព្រោះថានៅពេលស្លៀករ៉ូបវែងអ្នកនឹងមើលឃើញខ្ពស់និងស្រឡូនតាមដងខ្លួន៕
រូបភាព៖ Pinteres
ចុចអានបន្ត៖
នៅផ្ទះបានយ៉ាងស្រួលចិត្ត ជាមួយម៉ូដខោអាវសាច់ទន់ៗទាំងនេះ