អ្នកកើតខែមេសា អាចធ្វើខួបកំណើតឲ្យខ្លួនឯងយ៉ាងរីករាយ ទោះពេលនៅផ្ដាច់ខ្លួនពីគេក៏ដោយ
- 2020-04-03 07:35:47
- ចំនួនមតិ 0 | ចំនួនចែករំលែក 0
អ្នកកើតខែមេសា អាចធ្វើខួបកំណើតឲ្យខ្លួនឯងយ៉ាងរីករាយ ទោះពេលនៅផ្ដាច់ខ្លួនពីគេក៏ដោយ
ថ្ងៃកំណើតជាពិសេសរបស់បុគ្គលម្នាក់ៗ ដែលតែងឃើញគេរៀបចំពិធីរំលឹកថ្ងៃកំណើតរបស់ខ្លួនជាមួយមនុស្សជាទីស្រឡាញ់ គ្រួសារ និងមិត្តភក្ដិជាដើម។ ដោយឡែកក្នុងឆ្នាំនេះ ដើមឆ្នាំ ២០២០ បន្ទាប់ពីមានរីរុសដែលឆ្លងតាមរយៈផ្លូវដង្ហើមបានរីកឡើងស្ទើរតែជុំវិញពិភពលោក មនុស្សម្នាត្រូវផ្អាកភាពសប្បាយរីករាយនៅខាងក្រៅផ្ទះដើម្បីការពារខ្លួនពីរីរុស។ ទោះយ៉ាងណាឆ្នាំនេះ សម្រាប់អ្នកកើតខែមេសា ក៏អាចរៀបចំការរំលឹកថ្ងៃកំណើតឲ្យខ្លួនឯងយ៉ាងរីករាយ ទោះត្រូវផ្ដាច់ខ្លួនពីមិត្តភក្ដិ ឬរស់នៅឆ្ងាយគ្រួសារក៏ដោយ ដែលKanha សូមណែនាំធ្វើនូវរឿងទាំងនេះសម្រាប់ខ្លួនឯង៖
១. ចាប់ផ្ដើមថ្ងៃពិសេសដោយការស្រលាញ់ខ្លួនឯង
នៅពេលភ្ញាក់ពីគេងនៅពេលព្រឹកព្រលឹម កុំទាន់បើកទូរស័ព្ទ កុំព្យូទ័រ ឬប្រព័ន្ធទាក់ទងណាទំាងអស់ តែអ្នកគួរស្ដាប់ពីសូរសម្លេងនៃការដកដង្ហើមរបស់អ្នក រដោះនូវភាពអវិជ្ជមាន និងស្រូបយកនូវភាពវិជ្ជមាន និងក្ដីស្រលាញ់សម្រាប់ខ្លួនឯង។
២. តុបតែងខ្លួនឲ្យស្រស់ស្អាតខុសពីថ្ងៃធម្មតា
អាចចាប់ផ្ដើមពីការកក់សក់ កៀបសក់ ធ្វើម៉ូដសក់ខ្លួនឯងស្រឡាញ់ជាងគេ ហើយផាត់មុខតិចៗបែប Cute Cute ឬតាមចំណូលចិត្ត។ ជ្រើសរើសសំលៀកបំពាក់តាមចិត្តរបស់អ្នកស្រឡាញ់។ និយាយរួមឲ្យធ្វើអ្វីតាមចិត្ត ឲ្យអារម្មណ៍រីករាយ កុំភ្លេចដាក់ចម្រៀងកំដរផង។
៣. នឹកដល់ម៉ាក់
អ្នកខ្លះនៅពេលដែលដល់ថ្ងៃខួបកំណើត គិតតែការសប្បាយផ្ទាល់ខ្លួន មិនបាននឹករលឹកដល់អ្នកមានគុណ ជាពិសេសអ្នកម៉ាក់ដែលបានឆ្លងទន្លេយ៉ាងលំបាកដើម្បីបង្កើតយើងចេញមក។ សម្រាប់អ្នកនៅឆ្ងាយម្ដាយ គួរទំនាក់ទំនងទៅគាត់តាមទូរស័ព្ទ ឬវីដេអូខល ដើម្បីអបអរថ្ងៃកំណើតជាមួយគ្នាក៏បាន។
៤. ទិញកាដូឲ្យខ្លួនឯង
កាដូសម្រាប់ខ្លួនឯង គឺមិនគួរខ្វះឡើយសម្រាប់ថ្ងៃនេះពិសេសនេះ។ ប៉ុន្តែអ្នកមិនអាចទៅក្រៅបានក្នុងស្ថានភាពដែលរដ្ឋាភិបាលណែនាំនៅផ្ដាច់ខ្លួនពីទីប្រជុំជនមួយរយៈសិន ដូច្នេះអ្នកជំពាក់សិន ហើយជំនួសដោយការធ្វើម្ហូបឆ្ងាញ់ខ្លួនឯង។
៥. ធ្វើអំពើសប្បុរស
អំពើសប្បុរសនោះរួមមានការបរិច្ចាគឈាម ឬផ្តល់ជាសម្ភារៈប្រើប្រាស់ទៅជនចាស់ជរា ក្មេងកំព្រា និងជនក្រីក្រ។ តែប្រសិនបើអ្នកពិតចង់ធ្វើចំណុចនេះ គួរប្រុងប្រយ័ត្នឲ្យបានខ្ពស់ក្នុងកាលៈទេសៈនេះ។
ប្រសិនបើប្រិយមិត្តមានអ្វីចង់ធ្វើបន្ថែម សូមបញ្ចេញយោបល់នៅក្រោមនេះ។ រីករាយថ្ងៃកំណើត សម្រាប់អ្នកកើតខែមេសាទាំងអស៉គ្នា៕