កើតមកជាមនុស្សស្រី មានមេរៀនជីវិតសំខាន់ៗអ្វីខ្លះគួរយល់ដឹង?
- 2020-03-30 06:45:00
- ចំនួនមតិ 0 | ចំនួនចែករំលែក 0
កើតមកជាមនុស្សស្រី មានមេរៀនជីវិតសំខាន់ៗអ្វីខ្លះគួរយល់ដឹង?
នៅក្នុងពិភពលោកមួយដែលមិនសូវផ្ដល់នូវតម្លៃឲ្យមនុស្សស្រី អ្នកដាច់ខាតត្រូវចេះជួយលើក ទឹកចិត្តស្រ្ដីដូចគ្នា និង ការពារតម្លៃគ្នាទៅវិញទៅមកតាមលទ្ធភាពដែលអាចធ្វើទៅបាន។ ចំណុចសំខាន់ៗខាងក្រោម គឺជាមេរៀនជីវិតដែលខ្ញុំបានយល់ដឹងក្នុងនាមជាមនុស្សស្រី៖
- ព្យាយាមបើកស្មារតី និង បេះដូងឲ្យទូលាយ៖ កុំបណ្ដោយឲ្យនរណាម្នាក់មកផ្លាស់ប្ដូរចិត្ត គំនិតអ្នកឲ្យសោះ
រៀនរស់នៅ និង ដកបទពិសោធន៍ថ្មីៗដោយខ្លួនឯង៖ បើទោះជាគ្មានអ្នកណាកំដរ ឬគាំទ្រអ្វីដែលអ្នកស្រឡាញ់ អ្នកគួរតែធ្វើតាមបេះដូងរបស់ខ្លួនឯង ព្រោះគ្មានអ្នកណាអាចមកចំណាយពេលកំដរអ្នករហូតបានទេ
ត្រូវមានចិត្តទូលាយ៖ កុំប្រើពាក្យសម្ដីដែលធ្វើឲ្យអ្នកដទៃឈឺចាប់ហើយ ក៏កុំនិយាយអ្វីដែលខ្លួន មិនចង់និយាយ ជាពិសេសទៅកាន់ខ្លួនអ្នក
កុំកំណត់តម្លៃខ្លួនឯង ឬ នារីដទៃ៖ អ្នកត្រូវចាំថាតម្លៃរបស់ខ្លួន មិនស្ថិតនៅលើវាយតម្លៃ ឬ នៅលើមាត់របស់អ្នកដទៃឡើយ។ ដូច្នេះ អ្នកត្រូវស្គាល់ពីតម្លៃរបស់ខ្លួនជានិច្ច
កុំព្យាយាមបញ្ឈឺនរណាម្នាក់ដោយចេតនា
ត្រូវចងចាំថាអ្នកគឺល្អគ្រប់គ្រាន់សម្រាប់ខ្លួនឯង។ អ្នកជាមនុស្សស្រីដែលឆ្លាត អ្នករឹងមាំ អ្នកស្រស់ស្អាត ហើយ អ្នកគឺសំខាន់
រាល់ពេលដួល អ្នកត្រូវក្រោកឈរឡើងវិញ ហើយ កុំបោះបង់ចោល! ព្យាយាមបន្តទៅមុខ ព្រោះអ្នកនឹងអាចសម្រេចនូវអ្វីគ្រប់យ៉ាងដែលអ្នកប្រាថ្នា
មើលថែខ្លួនឯងឲ្យបានល្អ និង ញញឹមឲ្យបានច្រើន
គួរបញ្ជាក់ថា រឿងសំខាន់ជាងគេ ក្នុងនាមជាមនុស្សស្រី គឺមិនមែនរូបរាងខាងក្រៅរបស់អ្នកឡើយ ហើយក៏មិនមែនទស្សនៈរបស់អ្នកដទៃទៅកាន់អ្នកដែរ! អ្វីដែលសំខាន់ជាងគេនោះគឺ ភាពជឿជាក់ និង ផ្ដល់តម្លៃឲ្យខ្លួនឯង។ មនុស្សស្រីក្លាហាន រឹងមាំ និង អស្ចារ្យ គឺផ្ដើមចេញពីការតាំងចិត្តរបស់អ្នក៕
ចុចអានបន្ត៖ ជូនចំពោះមនុស្សស្រីដែលតែងតែគិតថាខ្លួនមិនល្អគ្រប់គ្រាន់