ការភ័យខ្លាចជ្រុល មិនអាចជួយអ្វីបានទេ មកដឹងពីការវិវត្តនៃការឆ្លងមេរោគ Covid-19
- 2020-03-24 08:15:00
- ចំនួនមតិ 0 | ចំនួនចែករំលែក 0
ការភ័យខ្លាចជ្រុល មិនអាចជួយអ្វីបានទេ មកដឹងពីការវិវត្តនៃការឆ្លងមេរោគ Covid-19
មេរោគកូវីដ១៩ ដែលត្រូវបានគេដឹងថា គឺជាជំងឺឆ្លងបណ្តាលមកពីវីរុសដែលរកឃើញថ្មីបំផុត។ វីរុសថ្មីនេះមិនទាន់ត្រូវបានគេដឹងនៅឡើយតាំងពីមុនពេលការផ្ទុះបានចាប់ផ្តើមនៅទីក្រុង Wuhan ប្រទេសចិនកាលពីខែធ្នូ ឆ្នាំ ២០១៩ ។ មនុស្សមួយចំនួនមានការភ័យខ្លាចហួសប្រមាណជាហេតុធ្វើឲ្យមានការរើសអើងគ្នាទៅវិញទៅមក ទិញទំនិញស្តុកទុកជាដើម។ ហេតុដូចនេះ អ្នកគប្បីដឹងពីការវិវត្តឆ្លងនៃវីរុសកូវីដ១៩ ដើម្បីកាត់បន្ថយការព្រួយបារម្ភហួសប្រមាណ។
នរណាៗក៏អាចឆ្លងវីរុសប្រភេទនេះបានដែរគឺឆ្លងតាមរយៈអ្នកដែលផ្ទុកមេរោគនេះផ្ទាល់តែម្តង។ ជំងឺនេះអាចឆ្លងពីមនុស្សម្នាក់ទៅមនុស្សម្នាក់តាមរយៈដំណក់ទឹកតូចៗពីច្រមុះឬមាត់ដែលត្រូវបានរីករាលដាលនៅពេលមនុស្សម្នាក់មានការក្អកឬខ្យល់ដង្ហើម។
នៅពេលដំណក់ទឹកទាំងនេះជាប់នៅលើវត្ថុនិងលើរាងកាយមនុស្ស្ស អ្នកផ្សេងទៀតដែលចាប់ឬប៉ះផ្ទាល់វត្ថុឬផ្ទៃខាងលើដោយមកប៉ះភ្នែកច្រមុះឬមាត់ មនុស្សទាំងនោះក៏អាចឆ្លង COVID-19 បានយ៉ាងងាយ។ បន្ថែមពីនេះ អ្នកក៏អាចនឹងងាយឆ្លងវីរុសថ្មីនេះបានយ៉ាងងាយដែរតាមរយៈខ្យល់ដង្ហើមរបស់មនុស្សដែលបានផ្ទុកវីរុសនេះនៅក្នុងខ្លួនដូច្នោះជាការប្រសើរអ្នកគប្បីនៅឲ្យបានឆ្ងាយយ៉ាងតិចមួយម៉ែត្រពីគ្នា។
យ៉ាងណាមិញ អង្គការសុខភាពពិភពលោកនាពេលបច្ចុប្បន្នក៏បាននឹងកំពុងស្រាវជ្រាវពីការវិវត្តបន្ថែមទៀតរបស់វីរុសកូរ៉ូណា។
បន្ថែមពីការរក្សាអនាម័យរបស់ខ្លួនអ្នក អ្នកគប្បីបរិភោគអាហារបំប៉នសុខភាព ទទួលទានទឹកក្តៅ គេងឲ្យបានគ្រប់គ្រាន់ និងហាត់ប្រាណឲ្យបានជាប្រចាំ៕
រូបភាព៖ Occupation Health & Safety, TechCrunch
ចុចអានបន្ត៖
ថែទាំសុខភាពផ្លូវចិត្តឲ្យល្អ នោះអ្នកនឹងមិនជួបការភ័យខ្លាចហួសហេតុអំឡុង Covid-19កំពុងផ្ទុះ