រឿងចាក់ដោត ៩យ៉ាងដែលគ្រប់គ្នាពិបាកនឹងទទួលយកតែវាជាការពិត

2020-03-06 04:45:00
ចំនួនមតិ 0 | ចំនួនចែករំលែក 0

ពាក្យចាស់ពោលថា ទទួលយកការពិតដ៏អាក្រក់ ប្រសើរជាងស្តាប់ពាក្យកុហកដែលល្អ។ ការពិតតែងតែពិបាកទទួលយក តែអ្នកគ្រប់គ្នាត្រូវតែដឹង៖

១. ការចងចាំរបស់យើងភាគច្រើនគឺខុស

ខួរក្បាលរបស់យើងតែងតែផ្លាស់ប្តូរនិងបំភ្លេចការចងចាំខ្លះៗដែលធ្វើឱ្យយើងច្របូកច្របល់។ ឧទាហរណ៍យើងមិនអាចចាំអ្វីដែលកើតឡើងក្នុងថ្ងៃខួបកំណើតឆ្នាំនេះទេ តែបែរជាច្រលំជាមួយខួបកំណើតឆ្នាំមុន។

២. មនុស្សគ្រប់គ្នាជួបប្រទះរឿងខុសៗគ្នា

អ្នកខ្លះរស់នៅវេទនាជាងស្លាប់ រីឯអ្នកខ្លះទៀតកើតមកសោយសុខតែម្តង។ យើងគ្រប់មិនអាចមានវាសនាដូចគ្នានោះទេ ហើយយើងក៏មិនអាចធ្វើអ្វីបានក្រៅពីទទួលយក។

៣. រំពឹងទុកនូវអ្វីដែលមិនអាចកើតឡើង

អ្នកនឹងនៅលីវអស់មួយជីវិត ប្រសិនបើអ្នករង់ចាំទេវបុត្រជិះសេះសមកស្រលាញ់អ្នក។ កុំរំពឹងទុកនូវអ្វីដែលពិបាកនឹងកើត គួរតែធ្វើអ្វីដែលនៅចំពោះមុខ។

៤. គ្មានអ្វីដែលកើតឡើងដោយឯកឯងទេក្រៅពីធម្មជាតិ

ប្រសិនបើអ្នកមានរូបសម្បត្តិល្អ ឆ្លាត ឬមានចំណេះដឹង មិនប្រាកដថាអ្នកនឹងជោគជ័យនោះទេ។ ត្រូវចាំថាឱកាសមិនអាចរត់មករកទេ បើសិនជាអ្នកមិនព្យាយាមបង្កើតវា។

៥. អ្នកមានពេលច្រើនជាងអ្នកគិត

ក្នុងមួយសប្តាហ៍មាន១៦៨ម៉ោង វាពិតជាច្រើនណាស់សម្រាប់អ្នក។ អ្នកមានពេលគ្រប់គ្រាន់សម្រាប់ចំណាយជាមួយគ្រួសារ គ្រាន់តែអ្នកមិនចង់។ ដូច្នេះហើយ កុំនិយាយថាអ្នកមិនមានពេលគ្រប់គ្រាន់ ត្រូវទទួលស្គាល់ថាបើសិនជាអ្នកចង់ធ្វើអ្វីមួយ នោះអ្នកនឹងមានពេលសម្រាប់វា។

៦. ជីវិតអ្នកមិនអាចល្អឥតខ្ចោះរហូតទេ

ឥលូវអ្នកអាចនឹងមានការងារល្អ ជួបមនុស្សល្អៗ តែងមិនប្រាកដថាអ្វីទាំងនេះនឹងនៅជាមួយអ្នកពេញមួយជីវិតនោះទេ វានឹងប្រែប្រួលទៅតាមពេលវេលា។ ធ្វើអ្វីដែលអ្នកចង់ធ្វើឱ្យហើយ ជៀសវៀងស្តាយក្រោយទៅថ្ងៃមុខ។

៧. អ្នកមិនអាចល្អឥតខ្ចោះក្នុងភ្នែកអ្នកគ្រប់គ្នាទេ

មានមនុស្សខ្លះចាំតែរិះគន់អ្នក មានអ្នកខ្លះទៀតពេញចិត្តអ្នកគ្រប់យ៉ាង អីចឹងហើយអ្នកមិនអាចផ្គាប់ចិត្តមនុស្សគ្រប់គ្នាទេ។ ឧទាហរណ៍ មានប្តីប្រពន្ធ២នាក់ជិះលា អ្នកគ្រប់គ្នានឹងគិតថាគាត់ធ្វើបាបលា តែប្រសិនបើគិតចុះដើរទាំង២នាក់ នោះគេនឹងគិតថាគាត់ល្ងង់។

៨ ជីវិតគឺអយុត្តិធម៌

នៅពេលដែលអ្នកស្មោះត្រង់ជាមួយដៃគូអ្នក មិនប្រាកដថាគាត់មិនក្បត់អ្នកទេ។ នៅពេលដែលអ្នកធ្វើល្អចំពោះអ្នកណាម្នាក់ក៏មិនប្រាកដថាគេនិងធ្វើល្អត្រឡប់មកវិញដែរ។ ជីវិតគឺមានរឿងជាច្រើនដែលអយុត្តិធម៌ តែក៏មិនមានន័យថាសុទ្ធតែអាក្រក់រហូតដែរ។