របៀបអភិវឌ្ឍខ្លួនឲ្យក្លាយជាមនុស្សរឹងមាំ មើលឃើញពិភពលោកកាន់តែច្បាស់
- 2020-02-27 03:05:00
- ចំនួនមតិ 0 | ចំនួនចែករំលែក 0
របៀបអភិវឌ្ឍខ្លួនឲ្យក្លាយជាមនុស្សរឹងមាំ មើលឃើញពិភពលោកកាន់តែច្បាស់
ពេលខ្លះការមើលឃើញពិភពលោកជាមួយនឹងការពិត ប្រហែលមិនមែនជារឿងអាក្រក់ ឬក៏ធ្វើឲ្យពួកយើងក្លាយជាមនុស្សអវិជ្ជមាននោះទេ។ នៅពេលមនុស្សគិតវិជ្ជមាននិងមើលពិភពលោកដោយការយោគយល់ នោះប្រៀបដូចឲ្យជីវិតកាន់តែរឹងមាំជាងអ្នកដទៃក៏ថាបាន។ ការទទួលស្គាល់និងដឹងពីរបៀបរស់នៅជាមួយគ្នា នោះអាចឲ្យអ្នករកឃើញសុភមង្គលបាន។
**១. ប្ដូរពីពាក្យថារិះគន់ខ្លួនឯងមកជាការលើកទឹកចិត្ត**
មនុស្សជាច្រើននៅពេលលឺពាក្យរិះគន់ ប្រាកដជាមិនសប្បាយចិត្តនោះទេ ហើយអារម្មណ៍វិញក៏វង្វេងវង្វាន់ ស្រងាកចិត្ត និងមិនចង់ធ្វើអ្វីទាំងអស់។ ដូច្នេះដើម្បីផ្លាស់ប្ដូរពាក្យអវិជ្ជមានទាំងនោះ អ្នកត្រូវតែពង្រឹងខ្លួនឯងឲ្យបានល្អប្រសើរ។ វាមិនខុសពី អ្នកត្រូវជួយខ្លួនឯងហើយបង្កើតរបកគំហើញមួយថ្មី ដោះស្រាយជាមួយពាក្យឈឺចាប់ទាំងនោះរហូតដល់អ្នកអាចផ្លាស់ប្ដូរខ្លួនឯងទៅជាមនុស្សផ្សេងទៀតយ៉ាងពិតប្រាកដ។
២. គិតឲ្យបានជ្រុងជ្រោយ តែកុំគិតអីតឹងតែងពេក
គិតនិងមើលគ្រប់យ៉ាងក្នុងផ្លូវកណ្ដាល គឺជាវិធីល្អបំផុតដើម្បីជួយការពារអ្នកពីការខកចិត្តផ្សេងៗ។ ដោយសារតែមនុស្សជាច្រើននៅតែចូលចិត្តកំណត់ ការរំពឹងខ្ពស់ខ្លាំងពេក រហូតអារម្មណ៍ទៅជាអវិជ្ជមាននិងមិនសប្បាយចិត្តក្នុងការប្រើប្រាស់ជីវិត។ ដូច្នេះ សូមក្រឡេកមើលពិភពលោកជាមួយការពិត បើទោះវាប្រហែលជាអាចធ្វើឲ្យអ្នកឈឺចាប់ពេលខ្លះក៏ដោយ។ ប៉ុន្តែយ៉ាងហោចណាស់ វាក៏មិនមែនជាការបញ្ឆោតខ្លួនឯងនិងអាចពង្រឹងខ្លួនឯងឲ្យបានរឹងមាំជាងមុន។
៣. ត្រូវដឹងពីអ្វីដែលកំពុងធ្វើ
មិនថាការបញ្ចេញគំនិត ការថ្លែងសុន្ទរកថា ឬក៏រឿងរ៉ាវមួយចំនួន អ្នកត្រូវដឹងនិងរៀបចំខ្លួនឲ្យបានរៀបរយជាមុនដើម្បីអាចបង្កើតលទ្ធផលបានល្អ មិនឲ្យខ្លួនឯងបាក់មុខជាដើម។ នេះមិនខុសពីអ្នកកំពុងហ្វឹកហាត់ខ្លួនឯងឲ្យនៅទីតាំងវិជ្ជមាន ព្រមទាំងជួសជុលអ្វីដែលខ្វះខាតបានទាន់ពេលនោះឡើយ។ វាជាការបើកទ្វារដ៏ល្អបំផុតនិងយ៉ាងហោចណាស់ក៏បង្រួញគុណវិបត្តិបានតិចបំផុតតាមដែលអាចទៅរួចផងដែរ៕
អានបន្ត៖ រោគសញ្ញាមនុស្សមានជំងឺ "តួឯក" ឬ “ឈ្លក់វង្វេងនឹងខ្លួនឯង” មើលៗត្រូវខ្លួនឯងឬអត់