រឿងមួយចំនួនទាំងនេះ កាន់តែបោះបង់ កាន់តែមានសុភមង្គល

2020-02-25 04:10:00
ចំនួនមតិ 0 | ចំនួនចែករំលែក 0

នៅក្នុងវ័យម្ភៃស្ដើង មនុស្សយើង គួរប្រើរូបមន្តគណិតវិទ្យាផលបូក ប៉ុន្តែដល់វ័យណាមួយ យើងត្រូវប្រើរូបមន្តផលដកវិញ ដើម្បីឲ្យជីវិតមានសុភមង្គល។

រូបតំណាង

**១. បោះបង់ចោលភាពរញ៉េរញ៉ៃ**

យោងតាមការពិសោធន៍មួយរបស់សកលវិទ្យាល័យ Harward បានបង្ហាញឲ្យឃើញថា បុគ្គលដែលជោគជ័យ គឺជាអ្នកដែលចេះរៀបជីវិតឲ្យបានរៀបរយ។ ផ្ទុយមកវិញ បុគ្គលមួយចំនួនដែលមិនជោគជ័យ ហើយគិតថាមកពីខ្លួនជួបរឿងស៊យនោះ ប្រកាន់យកការរស់នៅបែបរាយប៉ាយ គ្មានសណ្ដាប់ធ្នាប់។ មូលហេតុគឺមកពីនៅពេលអ្នកមិនចេះរៀបចំខ្លួននោះទេ នឹងធ្វើឲ្យខ្លួនឆេវឆាវ ធ្វើកិច្ចការអ្វីក៏មិនបាន។

រូបតំណាង

២. កុំឱបក្រសោបគោលដៅច្រើនពេក

មហាសេដ្ឋីលេខ១សហរដ្ឋអាមេរិក Warren Buffett ធ្លាប់ប្រាប់ជំនួយការផ្ទាល់ខ្លួនរបស់លោក Michael Flint ថា ជំនួយការរូបនេះខុសហើយ នៅពេលលោកដាក់គោលដៅឲ្យខ្លួនឯងដល់ទៅ២៥ ដើម្បីសម្រេច។ តាមសម្ដីសេដ្ឋីរូបនេះ ជំនួយការរបស់លោក គួរតែបោះចោលគោលដៅ២០ទៀត ដោយផ្ដោតសម្រេចគោលដៅសំខាន់ឲ្យតែ៥បានហើយ។

រូបតំណាង

៣. កុំរត់តាមសម្ភារៈនិយម

អ្នកដែលរត់តាមសម្ភារៈនិយមគឺគ្មានថ្ងៃ ដល់ត្រើយឡើយ ព្រោះសម្ភារៈគ្មានថ្ងៃអស់ឡើយ។ តាមសម្ដីរបស់កំពូលតារាសម្ដែងហុងកុង Chow Yun Fat មនុស្សយើងកើតមកទទេស្អាត ទៅវិញក៏ទទេស្អាត ដូចនេះហើយ ទ្រព្យសម្បត្តិជាង៥០០លានរបស់លោក នឹងបរិច្ចាគឲ្យអ្នកក្រទាំងអស់ ហើយខ្លួនចាយត្រឹម១០០ដុល្លារប៉ុណ្ណោះក្នុង១ខែ។ លោកថា ធ្វើបែបនេះទើបលោកមានក្ដីសុខ ជាជាងការជះលុយរាប់មិនអស់៕

អានបន្ត៖ ៥ សញ្ញា បញ្ជាក់ច្បាស់ៗថា អ្នកធ្វើអ្វីតាមបញ្ជាបេះដូងច្រើនជាងខួរក្បាល

ប្រភព៖ Guu ប្រែសម្រួល៖ Caramel