ពេលស្រ្តេសចេះតែចង់ញ៉ាំច្រើន អាចមកពីហេតុផលទាំងនេះ

2020-02-24 07:56:00
ចំនួនមតិ 0 | ចំនួនចែករំលែក 0

ដោយសារតែការរៀនសូត្រ ការងារ ស្នេហា វិបត្តិគ្រួសារ និងបញ្ហាជាច្រើនទៀត ធ្វើឲ្យមនុស្សមួយចំនួនស្រ្តេសរហូតទៅជាញ៉ាំច្រើន តែអ្នកខ្លះវិញបែរជាហូបអីមិនចូលរហូតទៅជាស្គមខ្លាំងទៅវិញ។

រូបតំណាង

ការតានតឹងមួយចំនួនបានប៉ះពាល់ដល់ផ្លូវចិត្ត ដែលធ្វើឲ្យប៉ះទង្គិចដល់អារម្មណ៍ខ្លាំង។ នេះដោយសារតែរាងកាយបានបញ្ចេញអ័រម៉ូនចម្លែកមួយហៅថា Cortisol hormones និង អ័រម៉ូនឃ្លាន ឬហៅថា GERLIN ។ ដូច្នេះក៏ធ្វើឲ្យអ្នកមានអារម្មណ៍ចង់បរិភោគអាហារកាន់តែច្រើន។ ពិសេសនារីគឺមានចំនួនច្រើនជាងបុរស។

រូបតំណាង

បន្ថែមពីនេះការសិក្សាបង្ហាញថា ដើម្បីឲ្យអារម្មណ៍ស្រស់ស្រាយ អ្នកមានបញ្ហាស្រ្តេសទាំងនោះតែងចង់ញ៉ាំអាហារដែលឆាប់ឆ្អែតនិងអាចជួយឲ្យពួកគេបាត់ធុញថប់។ ប៉ុន្តែប្រភេទអាហារទាំងនោះច្រើនតែមានជាតិស្ករខ្ពស់ងាយធាត់ដូចជា បង្អែម អាហារបំពង នំប៉័ងអាំង ការ៉េម អាហារផ្សំពីម្សៅនិងស្ករជាដើម។

រូបតំណាង

ភាពតានតឹងអាចជះឥទ្ធិពលដល់ស្ថានភាពផ្លូវចិត្ត និងរាងកាយ ស្ទើរតែស្មានមិនដល់។ អ្នកខ្លះពេលស្រ្តេសខ្លាំងបែរជាមិនចង់ធ្វើអ្វីទេ ក្រៅពីចង់គេងតែមួយមុខ។ នេះជាបញ្ហាដែលមិនគួរមើលរំលង៕