អ្នកកំពុងបង្កើតបញ្ហាឲ្យខ្លួនឯងហើយ បើរវល់ផ្គាប់ចិត្តខ្លាចគេមិនចូលចិត្ត

2020-02-17 07:30:00
ចំនួនមតិ 0 | ចំនួនចែករំលែក 0

មែនហើយ មនុស្សជាច្រើនក្នុងលោកនេះចូលចិត្តខ្វល់ខ្វាយពីការគិតរបស់មនុស្សនៅជុំវិញណាស់។ ជាញឹកញាប់ ពួកគេតែងបារម្ភខ្លាចមានអ្នកមិនចូលចិត្ត មិនឲ្យតម្លៃ និងថែមទាំងខ្លាចគេនិយាយដើមខ្លួនទៀតផង។

រូបតំណាង

តែយើងភ្លេចថា ពួកយើងមិនអាចបិទសិទ្ធការគិតរបស់នរណាម្នាក់ឡើយ ព្រោះមនុស្សម្នាក់ៗកើតមកសុទ្ធតែខុសគ្នា ។ មិនថាចិត្តគំនិត ទស្សនៈ ដូច្នេះអ្វីដែលយើងត្រូវធ្វើគឺមើលថែខ្លួនឯងឲ្យបានល្អ ជាជាងរស់នៅដោយភ័យខ្លាចអំពីការគិតរបស់មនុស្សនៅជុំវិញ។

ព្យាយាមតាមចិត្តអ្នកដទៃ មានតែធ្វើឲ្យខ្លួនឯងហត់នឿយនិងកាន់តែបាក់ទឹកចិត្តប៉ុណ្ណោះ។ ដូច្នេះហើយ យើងគួរចងចាំថា "កុំខ្វល់អ្វីដែលអ្នកដទៃនិយាយអំពីអ្នក ព្រោះមានតែអ្នកប៉ុណ្ណោះដែលស្គាល់ពីខ្លួនឯងច្បាស់"។

រូបតំណាង

កុំរស់នៅតាមគេបង្វិល គួរធ្វើជាខ្លួនឯងវិញល្អជាង ។ ស្រលាញ់ខ្លួនឯងគឺជារឿងដែលយើងត្រូវចងចាំ ជាជាងដាក់សំនួរទៅខ្លួនឯងថា ហេតុអ្វីបានជាគេមិនចូលចិត្តខ្ញុំ។ ត្រូវចងចាំថា ជីវិតនេះគឺត្រូវរស់នៅជាមួយមនុស្ស២ប្រភេទ មួយគឺមនុស្សដែលចូលចិត្តយើង និងមួយទៀត គឺអ្នកមិនចូលចិត្តយើង។ សូមកុំរស់នៅរេរាតាមខ្យល់បក់បោក ព្រោះចុងបញ្ចប់អ្នកដែលហត់ជាងគេ គឺយើងខ្លួនឯងនេះហើយ។

រូបតំណាង

ម្ល៉ោះហើយ ជំនួសឲ្យការផ្គាប់ចិត្តអ្នកដទៃ វិធីល្អបំផុតគឺត្រូវហ្វឹកហាត់ចិត្តគំនិតរបស់អ្នក ធ្វើអីដែលសប្បាយៗ កុំចេះតែបន្ទោសខ្លួនឯងព្រោះតែគេ។ នៅពេលដែលអ្នកឈប់យកទស្សនៈអ្នកដទៃធ្វើជាសម្ពាធ អ្នកក៏រស់នៅដោយស្ងប់សុខ ហើយធ្វើឲ្យខ្លួនឯងមានសុភមង្គលកាន់តែខ្លាំងឡើងៗ៕

អានបន្ត៖ ហ៊ានបោះបង់រឿង៣យ៉ាងនេះ ជីវិតអ្នកនឹងជួបតែសុភមង្គល

ប្រភព៖ kenhphunu ប្រែសម្រួល៖ លឹម សុនា