ស្រីៗឱ្យតែមានចរិតទាំងនេះ ប្រយ័ត្នគេឆក់សង្សារបាត់ទើបដឹងស្ដាយ
- 2020-02-13 07:45:00
- ចំនួនមតិ 0 | ចំនួនចែករំលែក 0
ស្រីៗឱ្យតែមានចរិតទាំងនេះ ប្រយ័ត្នគេឆក់សង្សារបាត់ទើបដឹងស្ដាយ
មនុស្សភាគច្រើនតែងយំសោក ត្អូញត្អែរថាហេតុអ្វីស្នេហាមិនជោគជ័យសោះ? មានកំហុសឆ្គងមួយចំនួនដែលភាគីបានធ្វើ តែប៉ះពាល់មនោសញ្ចេតនាស្នេហាដោយមិនដឹងខ្លួន។ ជាពិសេសនារីៗ បើមានអត្តចរិតដូចខាងក្រោមញឹកញាប់ពេក ច្បាស់ណាស់ ស្នេហារបស់អ្នកនឹងមិនបានគង់វង្សយូរឡើយ ហើយមិនបាច់ឆ្ងល់ទៀតទេ គួរពិនិត្យមើលខ្លួនឯងវិញទើបត្រូវ។
១- ងរង៉ក់ច្រើន៖
ពេលមានស្នេហា ស្រីៗអាចមានចរិតដូចកូនក្មេងខ្លះ ជារឿងធម្មតា ព្រោះត្រូវការការយកចិត្តទុកដាក់ មើលថែពីមនុស្សដែលនាងស្រលាញ់។ ប៉ុន្តែបើយើងចេះតែងរង៉ក់សូម្បីរឿងកំប៉ិកកំប៉ុកក៏ខឹង ក៏ឱ្យគេលួងដែរនោះ គេគង់នឹងអស់អារម្មណ៍ហើយធុញទ្រាន់មិនខាន។ ចង់មិនចង់ បើមាននារីណាដែលមើលស្រគត់ស្រគំ ចាស់ទុំជាងយើង គេអាចនឹងងាកទៅរកអ្នកនោះវិញក៏ថាបាន។
២- និយាយស្ដីមិនពីរោះពិសា៖
កុំអាងតែស្រលាញ់ដឹងចិត្តគ្នា ការប្រើប្រាស់ពាក្យសម្ដីចេះតែនិយាយៗឱ្យតែរួចពីមាត់នោះ។ មនុស្សស្រលាញ់គ្នា ត្រូវការណាស់ពាក្យពេចន៍ផ្អែមល្ហែម អូន-បង តែបើស្រាប់តែសង្សារនិយាយពាក្យចម្អេះចំអាសនៅមុខគេឯង គ្នាជាប្រុសមានមុខឯណាទៅរីករាយនោះ។
៣- មិនដែលលើកទឹកចិត្ត ចេះតែរឿងបន្ទោស៖
បុរសទោះបីរឹងមាំយ៉ាងណា ក៏គង់ត្រូវការកម្លាំងចិត្តពីនារីដែលគេស្រលាញ់។ មានបញ្ហា គួរពិភាក្សាគ្នារកដើមហេតុ និងផ្ដល់ការលើកទឹកចិត្ត ជាជាងចាំតែអង្គុយចាំកំហុស ស៊ុតម៉ារយៗ។ បើសង្សារបន្ទោសញឹកញយ មនុស្សប្រុសនឹងបាក់ទឹកចិត្ត និងមានអារម្មណ៍ថា ស្នេហារបស់គេកំពុងគ្មានអ្នកយល់ចិត្ត ហើយអាចដើរចេញនៅថ្ងៃណាមួយ ព្រោះវាបង្ហាញថា អ្នកទាំងពីរមិនអាចរស់នៅជាមួយគ្នាបានដោយសុភមង្គលឡើយ។
៤- ហួងហែងដល់កម្រិតកំពូល៖
ប្រចណ្ឌ! អ្នកណាក៏ប្រចណ្ឌ ហួងហែងមនុស្សដែលខ្លួនស្រលាញ់ដែរ តែកុំឱ្យហួសហេតុពេក។ ទាំងខាងគេនិងខាងយើងត្រូវការពេលវេលាផ្ទាល់ខ្លួនខ្លះ មិនមែនត្រូវតែជួបមុខគ្នា២៤ម៉ោងទេ ព្រោះពេលនេះត្រឹមស្ថិតក្នុងស្ថានភាពជាគូស្នេហ៍ មិនទាន់រៀបការឯណា។ ម្យ៉ាងទៀត បើទៅណាមួយជំហានក៏ត្រូវជូនដំណឹង ឬគ្មានសិទ្ធិសូម្បីនិយាយស្ដីជាមួយមិត្តភ័ក្ដិ វាបង្ហាញថា ស្នេហាមួយនេះមានគំនាបខ្លាំងសម្បើមណាស់។
៥- ចេះតែទារ មិនចេះផ្ដល់ឱ្យវិញ៖
នារីមួយចំនួនតែងតែទាមទារនេះទាមទារនោះពីសង្សារ តែមិនដែលផ្ដល់ឱ្យគេវិញទេ សូម្បីតែរឿងតូចតាច។ មនុស្សប្រុសក៏ចង់បានការផ្ដល់មកវិញពីមនុស្សដែលគេស្រលាញ់ដូចគ្នា។ ដូច្នេះត្រូវចេះថ្លឹងថ្លែងថា គួរផ្ដល់អ្វីដល់គេដើម្បីបង្ហាញក្ដីស្រលាញ់ដូចជា ធ្វើឱ្យគេភ្ញាក់ផ្អើលសម្រាប់ថ្ងៃកំណើតគេ ឬធ្វើម្ហូបដែលគេចូលចិត្តឱ្យគេញ៉ាំក៏បាន៕
ចុចអាន៖
ស្រីៗគួរធ្វើយ៉ាងម៉េចទៅ បើមានអ្នកដទៃចង់មកទាក់ទងសង្សារយើង?
៥មូលហេតុធ្វើឲ្យមនុស្សស្រីចង់បែកគ្នា បើទោះបីចិត្តនៅស្រលាញ់យ៉ាងណា