តិចនិកងាយៗដោះស្រាយបញ្ហាស្បែកក្រិន អុជខ្មៅ គ្រើមដូចស្បែកមាន់
- 2020-01-31 04:55:00
- ចំនួនមតិ 0 | ចំនួនចែករំលែក 0
តិចនិកងាយៗដោះស្រាយបញ្ហាស្បែកក្រិន អុជខ្មៅ គ្រើមដូចស្បែកមាន់
មនុស្សស្រីដែលជួបប្រទះបញ្ហាស្បែកកន្ទួល អុជៗមិនម៉ត់រលោង ដែលគេនិយមហៅថា ស្បែកមាន់ ប្រាកដជាឈឺក្បាល និងអៀនខ្មាសខ្លាំងមិនខាន។ នៅពេលស្បែកស្ងួតខ្លាំង គ្រើម ធ្វើឲ្យឡើងអុជៗ ជួនកាលទៅជាក្រហម និងខ្មៅជុំវិញទៀតផង។ សម្រាប់ស្បែកដៃដែលមានបញ្ហានេះ ច្រើនតែមិនសូវដុះរោម ដែលទាំងអស់នេះបង្កើតក្ដីបារម្ភខ្លាំងដល់នារីទាំងអស់។
**មូលហេតុធ្វើឲ្យស្បែកឡើងកន្ទូលអុជៗដូចស្បែកមាន់**
ហេតុផលចម្បងមួយ ដោយសារប្រតិកម្មអាឡែហ្ស៊ីសារធាតុគីមី ឬអាកាសធាតុពេញដោយធូលីនិងការបំពុលខ្យល់ក្នុងបរិយាកាស ភាពខុសប្រក្រតីរបស់កោសិកាស្បែក ការស្ទះរន្ធញើសដោយមិនបានសម្អាតឲ្យបានស្អាតជាដើម។ អ្នកមានស្បែកក្លៀកមិនម៉ត់ល្អ ឡើងដូចស្បែកមាន់ដែរ នោះមកពីពេលកោរឬដករោមក្លៀកខុសបច្ចេកទេស បណ្ដាលឲ្យស្បែកទៅជារលាក និងមានស្នាមខ្មៅអុជៗកើតឡើង។
ដំណោះស្រាយ
១. កុំងូតទឹកក្ដៅខ្លាំង
ងូតទឹកក្នុងកម្រិតសីតុណ្ហភាពក្ដៅពេក ងាយឲ្យស្បែកស្ងួត កង្វះសំណើម បណ្ដាលឲ្យឡើងជាស្បែកមាន់។ ជាការល្អ គួរងូតទឹកក្ដៅខណ្ឌៗ បានហើយ។ មួយវិញទៀត កុំប្រើសាប៊ូដុំដែលកាត់ខ្លាំង គួរប្រើសាប៊ូទឹកដែលមានកម្រិតជាតិកាត់ស្រាលៗ ដែលជួយជួសជុលស្បែកកុំឲ្យខូតខាតកាន់តែខ្លាំង។
២. ជ្រើសរើសផលិតផលសម្រាប់ស្បែកស្ងួត
គួរទិញផលិតផលណាដែលផ្ដល់សំណើមទន់ដល់ស្បែក ការពារមិនឲ្យរលាករោល និងមានកម្រិតអាស៊ីតស្រាលៗ។ លើសពីនេះ វាក៏ជួយឲ្យស្បែកសម្រាកនិងមិនស្ទះរន្ធញើសផងដែរ ខណៈដែលអ្នកកំពុងជួបបញ្ហាស្បែកមាន់បែបនេះ។
៣. ផ្ដល់សំណើមដល់ស្បែកគ្រប់ពេល
ដូចការបង្ហាញខាងលើ ដោយសារតែស្បែកស្ងួតខ្លាំងនោះងាយធ្វើឲ្យស្បែកឡើងកន្ទួលដូចស្បែកមាន់ណាស់។ ម្ល៉ោះហើយ នារីទាំងអស់ត្រូវយកចិត្តទុកដាក់ដោយផ្ដល់សំណើមគ្រប់ពេលដល់ស្បែក។ ដោយកាប្រើគ្រីមផ្ដល់សំណើមពិសេស ដូចជា ឡេផ្សំពីប្រេងអូលីវ ជាដើម អ្នកគួរលាបឲ្យបានទៀងទាត់។
ដោយគ្រាន់តែអនុវត្តវិធីងាយៗ៣យ៉ាងខាងលើ ស្បែកស្ងួត ក្រិន ឡើងកន្ទួលដូចស្បែកមាន់នឹងចេញឆ្ងាយមិនខាន។ បន្ថែមពីនេះ ស្ត្រីទាំងអស់កុំភ្លេចផ្ដល់ជីវជាតិដល់ស្បែកដោយការផឹកទឹកឲ្យបានច្រើន និងអាហារមានប្រូតេអ៊ីន នោះស្បែកទន់រលោងនឹងត្រលប់មកវិញជាមិនខាន៕
អានបន្ត៖ វិធីព្យាបាលមុនងាយៗដោយប្រើគ្រឿងផ្សំនៅផ្ទះ