បវរកញ្ញាកែភេទថៃ កែភេទមកជាមនុស្សប្រុសវិញ ក្រោយគ្រងមកុដ៦ឆ្នាំ

2020-01-28 02:45:00
ចំនួនមតិ 0 | ចំនួនចែករំលែក 0

បវរកញ្ញាកែភេទ Trithinipa Thippaphada បានសម្រេចចិត្តត្រលប់មកជារូបរាងមនុស្សប្រុសវិញ ក្រោយពេលទទួលបានជយលាភីសម្រាប់អ្នកកែភេទជាច្រើន។

កាលពីពេលថ្មី បណ្ដាញក្នុងស្រុករបស់ប្រទេសថៃបានចុះផ្សាយយ៉ាងព្រោងព្រាតនូវព័ត៌មាន បវរកញ្ញា Trithinipa Thippaphada កែភេទ ២ដង ពោលគឺកែភេទពីមនុស្សប្រុស ទៅមនុស្សស្រី និងបន្ទាប់មកក៏កែពីស្រីមកប្រុសវិញ។ តាមនោះដែរ បវរកញ្ញាដែលមានឈ្មោះហៅក្រៅថា Arm នោះបានផ្ញើសារទៅអ្នកគាំទ្ររបស់ខ្លួនថា៖ សួមធ្វើអ្វីដែលល្អបំផុតសម្រាប់ខ្លួនឯង។

ជាក់ស្ដែង ប្រុសស្អាតកើតឆ្នាំ១៩៨៩ មុននោះគឺជាអ្នករាំ និងម៉ូដែលម្នាក់ ដែលធ្វើការក្នុងរង្វង់សិល្បៈថៃ។ ឆ្នាំ២០១៣ លោកបានសម្រេចចិត្តកែភេទមកជាមនុស្សស្រី ហើយនៅឆ្នាំ២០១៩ នាងបានឈ្នះពានរង្វាន់ បវរកញ្ញា Miss Trans World Thailand 2019។ មុននោះដែរ នៅឆ្នាំ២០១៤ នាងបានឈ្នះពាន បវរកញ្ញាលេខ២ Miss Trans Universe Thailand។ យ៉ាងណាក្ដី ក្រោយគ្រងមកុដ បាន៦ឆ្នាំ លោកបានសម្រេចចិត្តកែភេទមកជារូបរាងដើមដែលជាមនុស្សប្រុសវិញ។

និយាយពីមូលហេតុ កែភេទមកជាប្រុសវិញ Arm បានឲ្យដឹងថា៖ ក្រោយ៦ឆ្នាំ ខ្ញុំមានអារម្មណ៍ថាទុកសក់ខ្លី ហើយមានអារម្មណ៍ថាចូលចិត្តរូបរាងជាមនុស្សប្រុសវិញ។ ដើមឡើយ សង្សាររបស់លោក មិនយល់ស្របនឹងការសម្រេចចិត្តនេះឡើយ តែក្រោយមក៏យល់ព្រមឲ្យដៃគូកែមកជាប្រុសវិញ៕