ជំហានងាយៗផាត់គូល័រភ្នែកបានស្អាត ទោះមិនសូវចេះក៏ដោយ
- 2020-01-22 09:25:00
- ចំនួនមតិ 0 | ចំនួនចែករំលែក 0
ជំហានងាយៗផាត់គូល័រភ្នែកបានស្អាត ទោះមិនសូវចេះក៏ដោយ
ពុំសូវចេះឬពុំធ្លាប់ផាត់គូល័រភ្នែកពីមុនមកក៏មិនមែនជាបញ្ហាចោតដែរ ព្រោះមានវិធីងាយៗជាច្រើន ដែលអ្នកអាចអនុវត្ត តាមដំណាក់កាលនិមួយៗ ដើម្បីទទួលបានពណ៌ភ្នែកស្រស់ស្អាតទាក់ទាញ។
ជំហានទី១៖ ជ្រើសរើសពណ៌ណាមួយដែលអ្នកពេញចិត្តបំផុត បន្ទាប់មកត្រូវផាត់ពីរពណ៌ដែលស្រដៀងគ្នា ដោយធ្វើការផាត់ពណ៌ស្រាលជាមុនទើបដាក់ពណ៌ក្រមៅតាមក្រោយ។ ពណ៌ក្រមៅត្រូវមានទំហំតូចជាងពណ៌ស្រាល ដើម្បីមើលទៅបណ្តេញពណ៌ស្អាតទាក់ទាញ។
ជំហានទី២៖ ប្រសិនបើអ្នកចូលចិត្តតែមួយពណ៌ គួរជ្រើសរើសបែបភ្លឺផ្លេក ហើយអាចប្រើដៃឬជក់ ដើម្បីផាត់ពីលើត្របកភ្នែកក៏បាន។
ជំហានទី៣៖ សម្រាប់អ្នកដែលស្រលាញ់ស្ទីលវាយស្រមោលដិតនៅផ្នែកខាងចុងត្របកភ្នែក អាចផាត់ពណ៌ភ្លឺឲ្យពេញត្របកភ្នែកជាមុនសិន ទើបវាយពណ៌ក្រមៅនៅចុងកន្ទុយជាការស្រេច។
នៅពេលដែលស្ទាត់ដៃហើយ អ្នកក៏អាចផាត់ស្ទីលជាច្រើនទៀត ដើម្បីបង្កើតអ្វីដែលថ្មីនិងស័ក្តិសមជាមួយនឹងទម្រង់មុខនិងចំណង់ចំណូលចិត្តរបស់ខ្លួន៕
ចុចអានបន្ត៖ តិចនិកផាត់មុខស្រស់ស្អាតយកហេង ក្នុងថ្ងៃសែនចូលឆ្នាំចិន