សុំលុយប្ដី២០ដុល្លារធ្វើសក់ ប្ដីថាថ្លៃពេក យកកន្ត្រៃចាក់ចូលក្បាលប្រពន្ធ៤ដង
- 2020-01-21 03:00:00
- ចំនួនមតិ 0 | ចំនួនចែករំលែក 0
សុំលុយប្ដី២០ដុល្លារធ្វើសក់ ប្ដីថាថ្លៃពេក យកកន្ត្រៃចាក់ចូលក្បាលប្រពន្ធ៤ដង
នៅពេលឃើញប្រពន្ធសុំលុយប្រហែល២០ដុល្លារដើម្បីធ្វើសក់ត្រៀមចូលឆ្នាំចិននោះ ប្ដីក៏ស្រែកថាថ្លៃ ហើយចាប់មកផ្ទះវិញ បន្ទាប់មកក៏ធ្វើអំពើហិង្សាលើនាង។
ហេតុការណ៍ដ៏រន្ធត់ខាងលើ បានកើតឡើងនៅខេត្ត Long An ប្រទេសវៀតណាម ។ តាមនោះដែរ ដោយសារតែកៀកចូលឆ្នាំប្រពៃណីជាតិខ្លួននោះ នារីធ្វើការរោងចក្រម្នាក់ឈ្មោះ Bao Anh បានសុំលុយប្ដីចំនួន៥០ម៉ឺនដុង (ប្រមាណ២០ដុល្លារ) ដើម្បីធ្វើសក់ត្រៀមចូលឆ្នាំថ្មី។
យ៉ាងណាក្ដី ខុសពីការគិតរបស់ខ្លួន ប្ដីរបស់នាង មិនត្រឹមតែមិនឲ្យលុយនាងធ្វើនោះទេ ដោយស្រែកថាថ្លៃនោះ ថែមទាំងអូសនាងមកផ្ទះវិញទៀតផង។ ស្មានតែរឿងចប់ត្រឹមនេះហើយ ប៉ុន្តែនៅពេលមកដល់ផ្ទះ ប្ដីអប្រិយបានទាញកន្ត្រៃមកចាក់លើក្បាលនាងជាប្រពន្ធចំនួន៤កន្ត្រៃ ធ្វើឲ្យនាងរបកស្បែកក្បាល ហូរឈាមជាច្រើន។
ដោយសារតែឮសំឡេងយំស្រែកខ្លាំងពេក អ្នកជិតខាងក៏ចូលមកមើល ទើបដឹងសភាពការណ៍បែបនេះ ហើយមករុំរបួសឲ្យនាង ព្រមទាំងថតរូបជាភស្តុតាងដើម្បីបង្ហោះបកអាក្រាតមុខមាត់ពិតរបស់ប្ដីសាហាវឃោឃៅនេះផងដែរ។
ក្រោយពេលរូបភាពទាំងនេះត្រូវបានបង្ហោះលើបណ្ដាញសង្គម មនុស្សជាច្រើនបានផ្ដល់ដំបូន្មានទៅនារីរូបអភ័ព្វខាងលើ បើប្ដីកាចយ៉ាងនេះ គួរតែលែងចោលទៅដ្បិតថ្ងៃក្រោយអាចត្រូវធ្ងន់ជាងនេះ៕
អានបន្ត៖ យកកូន៧ខែចេញក្រៅស្រូបខ្យល់អាកាស អ្នកម្ដាយភ្លេចខ្លួនដូចសម្លាប់កូនតែម្ដង