ខឹងបបួលកូនដើរលេងអត់ព្រមទៅ ឪពុកម្ដាយដកដុំ Wifi យកតាមមួយឲ្យរាង
- 2020-01-21 02:50:00
- ចំនួនមតិ 0 | ចំនួនចែករំលែក 0
ខឹងបបួលកូនដើរលេងអត់ព្រមទៅ ឪពុកម្ដាយដកដុំ Wifi យកតាមមួយឲ្យរាង
ក្រោយពេលកម្រងរូបភាព ដកដុំ wifi យកតាមខ្លួនពេលដើរលេង ដើម្បីសងសឹកកូនមិនព្រមមកជាមួយនោះ ប្ដីប្រពន្ធអូស្ត្រាលីមួយគូបានទទួលការសរសើរយ៉ាងលើសលប់។
ប្ដីប្រពន្ធឈ្មោះ Cassie និង Chris មកពីប្រទេសអូស្ត្រាលី បានមានបំណងជូនកូនៗ និងខ្លួនឯងទៅលេងទីក្រុង Warranambool រដ្ឋ Victoria ដើម្បីលំហែរកាយថ្ងៃអាទិត្យ។ យ៉ាងណាក្ដី បំណងល្អរបស់ឪពុកម្ដាយមួយគូនេះ ត្រូវបានក្លាយជាផេះផង់ នៅពេលកូនឆ្លើយយ៉ាងខ្លីថា៖ ធុញសឹងអី អត់ទៅទេ។
ហេតុនេះហើយ ប្ដីប្រពន្ធនេះបានចេញដើរលេងដោយគ្មានកូនណាតាមទាំងអស់។ យ៉ាងណាក្ដី ដើម្បីសងសឹកកូនៗដែលហ៊ានបដិសេធខ្លួនយ៉ាងដាច់អហង្ការនោះ ពួកគេបានលេងមួយក្បាច់ធ្វើឲ្យកូនៗនឹកស្មានមិនដល់ នោះគឺដកយកដុំ wifi យកតាមខ្លួនតែម្ដង ដែលធ្វើឲ្យកូនៗស្រែកថា ដើរលេងធុញនោះ នៅផ្ទះរឹតតែធុញជាងមុន។
មិនត្រឹមតែប៉ុណ្ណោះ នៅពេលទៅដើរលេងដល់ណា ប៉ាម៉ាក់មួយគូនេះ បានថតរូប check in បញ្ឈឺកូនៗផងដែរ។ “ជំនួសឲ្យការលួងលោមកូនឲ្យទៅតាមពួកខ្ញុំ ខ្ញុំបានយកអ្នកដែលឧស្សាហ៍ជាងគេនៅក្នុងផ្ទះនោះគឺដុំ wifi ដែលជាក្ដីសុខរបស់កូនៗ”។
ក្រោយពេលឃើញវិធីនេះ របស់ប្ដីប្រពន្ធខាងលើ មនុស្សជាច្រើនបានសរសើរវិធីនេះជាខ្លាំង ដ្បិតធានាថាលើកក្រោយៗ កូនៗប្រាកដជាទៅដើរលេងតាមជាមិនខាន៕
អានបន្ត៖ ឃើញស្រីស្អាតលើអ៊ីនធឺណេត ខំញ៉ែចង់ស្លាប់ តាមការពិតគឺជាប្រុសសោះ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
