៤ចំណុចស្រីៗគួរគិត បើមិនចង់មកដល់ដំណាក់កាល អ្នកក្រមិនហ៊ាន អ្នកមានមិនចូល

2020-01-21 02:05:00
ចំនួនមតិ 0 | ចំនួនចែករំលែក 0

ការរៀបការនិងសាងគ្រួសារជារឿងសំខាន់ រៀបការរួចមានសុភមង្គលក៏ជាអ្វីដែលមនុស្សស្រីគ្រប់គ្នា រំពឹងចង់បាន។ តែមានស្ត្រីខ្លះ ទោះមានរូបសម្ផស្សស្រស់ស្អាត និងមានជីវិតការងារជោគជ័យបែបណាក៏ហាក់បីជាមិនសូវកាក់កបក្នុងជីវិតគូ។ ទាំងនេះជាហេតុផលដែលពេលខ្លះនារីជោគជ័យទាំងនោះត្រូវបានគេបោះសំដីមកថា អ្នកក្រមិនហ៊ានអ្នកមានមិនចូល។ បំណងរបស់អត្ថបទនេះគឺ**កញ្ញា**គ្រាន់តែចង់ឲ្យស្រីៗថ្លឹងថ្លែងឡើងវិញនូវការពិតខ្លះហើយទុកជាបទពិសោធន៍ប៉ុណ្ណោះ ។

១. នារីជោគជ័យភាគច្រើនរវល់ខ្លាំង

រូបតំណាង

មនុស្សស្រីដែលជោគជ័យច្រើនផ្ដោតខ្លាំងលើការងារជាងស្នេហា។ នាងអាចភ្លេចពីភាពរ៉ូមេទិក ហើយមិនទោរទន់លើរឿងស្នេហានោះទេ។ ដោយសារតែភាពហ្មត់ចត់នេះនិងភាពម្ចាស់ការបែបនេះ ទើបធ្វើឲ្យបុរសខ្លះគិតថាខ្លួនគ្មានសមត្ថភាពនឹងយកនាងបាននោះទេ។

២. នារីៗចូលចិត្តភាពស៊ីវិល័យ

រូបតំណាង

នេះមិនមែនជាការបន្ទោសបង្អាប់នារីនោះទេ។ សម័យស៊ីវិល័យដូចបច្ចុប្បន្ននេះ អ្នកណាក៏ចូលចិត្តស្លៀកពាក់ឡូយៗ កាន់កាបូបថ្លៃដែរ តែមនុស្សប្រុសខ្លះយល់ថា ពួកគេគ្មានលទ្ធភាពធ្វើឲ្យអ្នករស់នៅមានជីវិតស៊ីវិល័យបែបនេះទេ ទោះបីអ្នកមិនដែលគិតចង់បានអ្វីពីគេសោះក៏ដោយ។

៣. ស្រីៗដាក់កម្រិតនៃគូរស្រករ

រូបតំណាង

ស្រីៗខ្លះកំណត់ថា អ្នកចូលស្ដីដណ្ដឹងប្រភេទបែបណាដែលនាងនឹងទទួល និងបែបណាដែលនាងមិនទទួល។ តែការកំណត់ប្រភេទរបៀបនេះធ្វើឲ្យបែកធ្លាយចេញទៅក្រៅដោយបុរសនាងធ្លាប់បដិសេធ ធ្វើឲ្យបុរសផ្សេងទៀតមិនហ៊ានចូល ព្រោះខ្លាចនាងបដិសេធ ខ្មាសគេដូចគ្នា។

៤. ចាំមួយហើយមួយទៀត

រូបតំណាង

មនុស្សស្រីខ្លះពេលមានគេចូលស្ដីដណ្ដឹងតែងប្រកែក ដោយថាមិនទាន់ត្រៀមខ្លួន ហើយចាំអ្នកក្រោយបន្តបន្ទាប់ ហើយចាំពឹងលើវាសនា បើគូព្រេងពិតនឹងត្រូវគ្នា។ ប៉ុន្តែធ្វើបែបនេះអាចនឹងចាំស្កក ព្រោះអ្នកបន្ទាប់នឹងមកចូលមែន តែមិនមែនសុទ្ធតែល្អជាងអ្នកមុនៗនោះទេ។ ដូច្នេះគួរពិចារណាសិនទៅ បើទទួលយកបានគួរតែទទួលយក៕

ចុចអាន៖ចិត្តទន់ពេកគេធ្វើបាប! ៧វិធីផ្លាស់ប្ដូរខ្លួនពីមនុស្សចិត្តទន់ឲ្យក្លាយជាមានជំហររឹងមាំ

អត្ថបទ៖ Pencharm