Zhao Li Ying ធ្លាយរូបរាងកាយស្គមស្គាំងខ្លាំង ធ្វើឲ្យអ្នកគាំទ្រព្រួយបារម្ភ

2020-01-13 05:15:00
ចំនួនមតិ 0 | ចំនួនចែករំលែក 0

ទោះបីជាមុនពេលចូលសិល្បៈ កំពូលតារាសម្ដែងស្រីចិន Zhao Li Ying ជាមនុស្សប្រភេទមានសាច់ទ្រលុកទ្រលន់ក៏ពិតមែន តែដោយសារសំពាធពីមជ្ឈដ្ឋានជុំវិញបានធ្វើឲ្យស្រីស្អាតរូបនេះសំរកទំងន់សល់ត្រឹមស្បែកដណ្ដប់ឆ្អឹង។

នៅក្នុងពិភពសិល្បៈចិន តារាស្រីភាគច្រើននិយមការសំរករាងដើម្បីពេលចូលកាមេរ៉ាមើលទៅស្អាតជាងមុន។ តាមអ្នកជំនាញទូរទស្សន៍ ជាមួយនឹងកាមេរ៉េប្រភេទ Full HD ពួកគេនឹងមើលទៅធាត់ជាងនៅក្រៅ៥គីឡូ។ ដូចនេះពាក្យស្លោក “កាន់តែស្គម កាន់តែស្អាត” ត្រូវបានតារាស្រីជាច្រើនប្រកាន់ខ្ជាប់។ នៅក្នុងចំណោមនោះ ក៏មានតារាសម្ដែងស្រីជួរមុខ Zhao Li Ying ផងដែរ។

មុននេះបន្តិច បណ្ដាញព័ត៌មាន Toutiao បានទម្លាយកម្រងរូបភាពថ្មីនៅពេលកំពុងថតរឿងរបស់តួរឿង យុទ្ធសិល្បដាវទេព ដែលអាចសង្កេតឃើញថា នាងស្គមខ្លាំងសល់ត្រឹមស្បែកដណ្ដប់ឆ្អឹង។

តាមប្រភពដដែល Zhao Li Ying មានកំពស់ ១.៦៥ម តែទំងន់នាងមិនដែលលើស៤០គីឡូឡើយ។ បន្ថែមពីនេះ នៅពេលថតរឿង Princess Agents នាងបានសំរកបន្ថែម៤គីឡូដើម្បីត្រូវនឹងសាច់រឿង។ នៅពេលស្រកខ្លាំងពេក ទំហំចង្កេះរបស់តារាវ័យ៣៣ឆ្នាំ កាន់តែតូចដូចចង្កេះអង្ក្រង៕