ស្រលាញ់គ្នារាប់ខែ បុរសម្នាក់សន្លប់ឈរពេលឃើញបន្ទប់មិត្តស្រីមិនខុសពីសំបុកជ្រូក
- 2020-01-02 03:00:00
- ចំនួនមតិ 0 | ចំនួនចែករំលែក 0
ស្រលាញ់គ្នារាប់ខែ បុរសម្នាក់សន្លប់ឈរពេលឃើញបន្ទប់មិត្តស្រីមិនខុសពីសំបុកជ្រូក
មនុស្សយើងគ្រប់រូបគ្មានអ្នកណាដែលមិនខ្ជិលឡើយ ព្រោះអាចមកពីកត្តាជាច្រើនដូចជាហត់នឿយ ឬគ្មានពេលវេលាគ្រប់គ្រាន់ជាដើម។ ប៉ុន្តែបើខ្ជិលខ្លាំងពេក ប្រហែលជាជ្រុលពេកហើយ។
បន្ទប់គេងរបស់យើងគ្រប់រូប គឺជាកន្លែងដែលយើងចំណាយពេលច្រើនស្នាក់នៅ ដូចនេះហើយ ការរក្សាអនាម័យគឺជាកត្តាចាំបាច់បំផុត។ ខណៈមនុស្សជាច្រើនតែងគិតថាមនុស្សប្រុសទើបនៅគគ្រិចនោះ ប៉ុន្តែនៅពេលនេះចំនួនមនុស្សស្រីនៅមិនស្អាតបានកើនឡើងគួរឲ្យកត់សម្គាល់។
ជាក់ស្ដែង មុននេះបន្តិច បុរសម្នាក់បានទម្លាយរឿងរ៉ាវមិត្តស្រីខ្លួនឯងក្រោយពេលលោកមិនជឿនឹងភ្នែកចំពោះបន្ទប់របស់នាង។ តាមនោះដែរ បើតាមសម្ដីខាងប្រុស មិត្តស្រីរបស់លោកគឺជាអ្នករៀនសូត្រ ហើយមានចំណេះវិជ្ជាពេញខ្លួន។ មិនត្រឹមតែប៉ុណ្ណោះ រាល់ពេលជួបគ្នាម្ដងៗ នាងតែងខ្លួនយ៉ាងស្អាតបាតជានិច្ច។
ក្រោយស្រលាញ់បាន៣ខែ ខាងស្រីក៏ពឹងលោកជូនទៅផ្ទះព្រោះយប់ពេក។ យ៉ាងណាក្ដី នៅពេលមកដល់បន្ទប់របស់មិត្តស្រី លោកស្ទើរតែសន្លប់ ព្រោះបន្ទប់រាយប៉ាយខ្លាំងពេក។ តាមរូបដែលលោកថតបាន បន្ទប់របស់ស្រីស្អាតនេះគឺមិនខុសពីទ្រុងជ្រូកឡើយ ដោយសំបកនំ ក៏ដូចជាមីកំប៉ុងនៅពាសពេញបន្ទប់ទាំងអស់។ រីឯខោប្រឡាក់វិញ គឺនាងដាក់លើពូកគេងតែម្ដង។ នៅពេលសួរហេតុអ្វីក៏ទុកបែបនេះ នាងក៏បានឆ្លើយវិញយ៉ាងរំភើយថា នៅម្នាក់ឯង រៀបចំធ្វើអី ខ្ជិលសឹងអី។
នៅចុងបញ្ចប់នៃការសរសេរអត្ថបទរបស់ខ្លួន លោកបានសួរថាតើមិត្តស្រីរបស់អ្នកដទៃមានចរិតដូចនេះឬអត់ ឬក៏មិត្តស្រីរបស់លោកជាករណីពិសេស? អ្នកប្រើបណ្ដាញសង្គមជាច្រើនបានឆ្លើយតបថា មនុស្សស្រីមិនតិចឡើយ ដែលចេញក្រៅស្អាតឡើងខ្ញង់តែនៅផ្ទះមិនបានរៀបចំឡើយ៕
អានបន្ត៖ ទៅមើលខនសឺតជាមួយកូន អ្នកម្ដាយត្រូវយល់ច្រឡំថាជាសង្សាររបស់កូនព្រោះក្មេងស្អាតពេក