បំផ្លាញផ្លូវចិត្តមនុស្សស្រីទាំងស្រុង បើប្រុសៗហ៊ាននិយាយពាក្យទាំងនេះដាក់នាង
- 2019-12-04 01:00:00
- ចំនួនមតិ 0 | ចំនួនចែករំលែក 0
បំផ្លាញផ្លូវចិត្តមនុស្សស្រីទាំងស្រុង បើប្រុសៗហ៊ាននិយាយពាក្យទាំងនេះដាក់នាង
មានគូស្នេហ៍គគោកហើយ ដែលទទួលរងភាពឈឺចាប់ខ្លោចផ្សា ដោយសារតែពាក្យពេចន៍ចេញពីមាត់នេះឯង។ មានមាត់ចេះតែហាស្តីមិនគិតក៏មិនកើតដែរ។ ប្រយោគខ្លះមិនត្រឹមតែអាចបំផ្លាញផ្លូវចិត្តរបស់មនុស្សស្រីប៉ុណ្ណោះទេ ថែមទាំងនាំឲ្យស្នេហាឈានដល់ការបែកបាក់ទៀតផង។ ក្នុងនាមជាមនុស្សប្រុសពោរពេញដោយសតិបញ្ញា កុំចេះតែនិយាយពាក្យទាំងនេះចេញមកឲ្យតែរួចៗឲ្យសោះ។
១. បែកគ្នាទៅ
មួយឃ្លានេះ ចាត់ទុកជាពាក្យឃោរឃៅបំផុត។ មនុស្សភាគច្រើនអាចនិយាយវាចេញមក នៅពេលខឹងអន់ចិត្ត បាត់បង់សតិមួយឆាវ។ ទោះជាមានរឿងអ្វីកើតឡើងក៏ដោយ សូមគិតគូឲ្យបានច្បាស់លាស់សិនចាំនិយាយ អាណិតម្ខាងទៀតដែលមិនទាន់ត្រៀមខ្លួនរួចរាល់នឹងឮពាក្យបែបនេះ។
២. ហើយឥឡូវអូនឯងចង់បានស្អីឲ្យប្រាកដ?
បើកំពុងតែនិយាយគ្នាសុខៗ ស្រាប់តែអ្នកមកកាត់ផ្តាច់ដោយសម្តីចាក់ដោតអីចឹង តើមាននរណាដែលថាទប់អារម្មណ៍មិនឲ្យឈឺបាននោះ? គ្រប់យ៉ាងតែងតែមានហេតុផល ដើម្បីវែកញែករកដំណោះស្រាយ មិនមែនត្រូវមកស្រែកតូងតាងខុសរឿងទេ។
៣. អូនឯងមិនដែលធ្វើអីឲ្យល្អស្រួលបួលម្តងណាទេ
ពេលស្គាល់គ្នាដំបូង គ្មានពាក្យបែបនេះសូម្បីមួយម៉ាត់ ប៉ុន្តែនៅពេលមានទំនាក់ទំនងកាន់តែយូរ ហើយហ៊ានប្រើសម្តីដូច្នេះ មនុស្សស្រីច្បាស់ជាបាក់ទឹកចិត្តខ្លាំង និងគិតថាអ្នកឈប់ស្រលាញ់នាងដូចមុនទៀតហើយ។
៤. ចរិតអូនមិនខុសពីម៉ាក់អូនទេ
នរណាក៏ស្រលាញ់ម្តាយឪពុករបស់ខ្លួនឯងដែរ។ មានបញ្ហា ដាច់ខាតកុំយកអ្នកមានគុណទៅពាក់ព័ន្ធ។ មនុស្សពីរនាក់ស្រលាញ់គ្នា គ្រាន់តែមានជម្លោះតិចតួច ហេតុអីចាំបាច់ តិះដៀលដៀមដាមដល់គ្រួសារ? ហាក់បីដូចជាជាន់ឈ្លីកិត្តិយសគេពេកហើយ។
៥. បងខុសមែន ចុះអូនឯង ក៏ធ្លាប់ខុសដូចគ្នាដែរតើ?
ពេលធ្វើខុស យល់ល្អគួរចេះទទួលស្គាល់កំហុស និងនិយាយពាក្យ សុំទោស ប្រសើរជាងការទៅកកាយរឿងពីអតីតកាល ដើម្បីមកផ្ចាញ់ផ្ចាលគ្នា។ កុំយកស្នេហាធ្វើដូចជាសង្វៀនប្រកួតរកអ្នកឈ្នះអ្នកចាញ់។ មានតែការអត់អោន អធ្យាស្រ័យ ព្រមទទួលការពិតប៉ុណ្ណោះ ទើបមិននាំយកបន្លាមកដាក់ក្នុងទ្រូង។
ចុចអានបន្ត៖ ឪពុកផ្តាំកូនស្រីថា កុំធ្វើរឿងទាំងអស់នេះឲ្យសោះពេលកូនមានស្វាមីឬសង្សារ