៥ជំហាន ជួយឲ្យ Crush ងាកមកស្រឡាញ់អ្នកវិញទោះភ្លាមៗគេគ្មានចិត្តក៏ដោយ

2019-11-27 10:10:00
ចំនួនមតិ 0 | ចំនួនចែករំលែក 0

អារម្មណ៍ស្រឡាញ់មនុស្សម្នាក់មិនអាចហាមបានឡើយ តែអ្វីដែលពិបាកបំផុតគឺចង់ឲ្យគេមកស្រឡាញ់អ្នកដូចគ្នា។ អ្វីដែលត្រូវដឹងមុនគេនោះគឺតម្លៃ និងភាពសក្តិសមរបស់អ្នកជាមួយគេ ព្រោះបើអ្នកគ្មានចំណុចខ្លាំងដែលទាក់ទាញគេនោះ គឺពិបាកណាស់។ ៥ជំហានខាងក្រោមនេះគឺអាចនាំអ្នកទៅរកចម្លើយដែលអ្នកចង់បានពីគេ ដូច្នេះអ្នកត្រូវតែសាកល្បង ៖

ជំហានទី១. ពិនិត្យមើលពីខ្លួនឯងថាសក្តិសមនឹងគេឬអត់?

យើងមិនអាចហាមចិត្តស្រឡាញ់អ្នកណាម្នាក់បានឡើយ តែមុននឹងចង់ឲ្យគេមកស្រឡាញ់អ្នកវិញអ្នកត្រូវមើពីខ្លួនឯង។ មើលថាតើអ្នកល្អគ្រប់គ្រាន់ក្នុងការឲ្យគេទាក់ចិត្តលើអ្នកឬអត់? អ្នកគិតមើលថាអ្នកមានចំណុចអីខ្លះដែលត្រូវគ្នាជាមួយគេឬអត់? អ្នកមានភាពជឿជាក់លើខ្លួនឯងឬអត់? បើមើលថាខ្លួនឯងសក្តិសមនឹងគេហើយ ត្រូវឈានចូលជំហានទី២ តែបើនៅមិនទាន់ទេត្រូវព្យាយាមធ្វើខ្លួនឲ្យសក្តិសមជាមួយគេសិន។

រូបតំណាង

**ជំហានទី២. ចូលទៅជិតគេ**

បើអ្នកមិនចូលទៅក្បែរគេទេ អ្នកគ្មានថ្ងៃដឹងពីគេឡើយ។ សាកល្បងចូលកៀកគេ ដោយរកលេសនិយាយជាមួយគេ ឬរាប់អានគេ។ ជំហាននេះអ្នកត្រូវក្លាហានជាចាំបាច់ តែមិនមែនក្លាហានចូលទៅរញ៉េរញ៉ៃជីវិតគេឡើយ គឺត្រឹមតែសាកស្គាល់គេបន្តិចម្ដងៗប៉ុណ្ណោះ ព្រោះពេលខ្លះបន្ទាប់ពីស្គាល់គេអ្នកអាចផ្លាស់ប្ដូរអារម្មណ៍ក៏ថាបាន។

ជំហានទី៣. បង្ហាញប្រាប់គេដោយប្រយោល

សាកល្បងបង្ហាញប្រាប់គេដោយប្រយោលខ្លះៗ តែមិនត្រូវបង្ហាញអត្តសញ្ញាណថាគេជាមនុស្សដែលអ្នកស្រឡាញ់ឡើយ។ ចាប់ផ្ដើមដោយការនិយាយបែបលេងៗ ឬនិយាយចោលដើម្បីឲ្យគេដឹងខ្លួន។ ចាំមើលសកម្មភាពរបស់គេថាយ៉ាងម៉េច? បើគេនៅតែបន្តនិយាយជាមួយយើង នោះត្រូវចូលដល់ជំហានទី៤។

រូបតំណាង

ជំហានទី៤. សារភាព

ជំហាននេះគឺមានសារសំខាន់ណាស់ ព្រោះបើអ្នកមិនហ៊ានសារភាពទេ អ្នកគ្មានថ្ងៃដឹងចម្លើយឡើយ។ សារភាពប្រាប់គេទៅថាអ្នកចូលចិត្តគេ ព្រោះនេះមិនមានន័យថាអ្នកអន់ឡើយ តែអ្នកគឺជាមនុស្សដែលក្លាហានស្មោះត្រង់នឹងបេះដូងខ្លួនឯង។ ចាំមើលគេតបថាយ៉ាងម៉េច? បើគេយល់ព្រមនោះមានន័យថាអ្នកជោគជ័យហើយ តែបើគេបដិសេធន៍ក៏កុំពិបាកចិត្ត ត្រូវដើរដល់ជំហានទី៥។

ជំហានទី៥. រឹងមាំ

គ្រាន់តែគេបដិសេធន៍មិនមែនមានន័យថាផែនដីនេះរលាយទេ ដូច្នេះអ្វីដែលអ្នកត្រូវធ្វើបន្តគឺរឹងមាំហើយបង្ហាញឲ្យគេឃើញថាគេខុសខ្លាំងដែលបដិសេធន៍អ្នក។ ធ្វើធម្មតាជាមួយគេ ហើយត្រូវរីករាយជាមួយជីវិតខ្លួនឯងធម្មតា។ រាប់អានគេសាមញ្ញៗ ដោយមិននិយាយពីរឿងហ្នឹងទៀត តែត្រូវបង្ហាញឲ្យគេមានអារម្មណ៍ថាអ្នកជាមនុស្សល្អម្នាក់សម្រាប់គេ។ មិនយូរទេគេនឹងមើលឃើញ ហើយងាកមកពិចារណាលើអ្នកក៏ថាបាន។