ហៅសិស្សស្រីឡើងក្ដារខៀនសូត្រមេរៀន លោកគ្រូនៅក្រោមលួចដាក់ទូរសព្ទថតខោក្នុង

2019-11-21 03:30:00
ចំនួនមតិ 0 | ចំនួនចែករំលែក 0

ស្មានតែសកម្មភាពរបស់ខ្លួនគ្មានអ្នកណាចាប់អារម្មណ៍ តែទង្វើទាំងអស់របស់លោកគ្រូនេះត្រូវបានសិស្សប្រុសម្នាក់ទៀតថតបានទាំងអស់។

មុននេះបន្តិច វីដេអូឃ្លីបថតសកម្មភាព លោកគ្រូម្នាក់ព្យាយាមថតខោក្នុងរបស់សិស្សស្រីពេលនាងឡើងសូត្រមេរៀន លើក្ដារខៀនបានធ្វើឲ្យមនុស្សជាច្រើនក្ដៅស្លឹកត្រចៀក។ តាមនោះដែរ ហេតុការណ៍ខាងលើបានកើតឡើងនៅវិទ្យាល័យមួយនៅខេត្ត Los Rios ប្រទេស Ecuador។ ភ្លាមៗនោះ វីដេអូឃ្លីបនេះត្រូវបានគេចែករំលែកយ៉ាងទូលាយលើបណ្ដាញសង្គម។

យោងតាមវីដេអូដដែរ លោកគ្រូវ័យកណ្ដាលរូបនេះ បានបើកទូរសព្ទស្រាប់ នៅពេលហៅសិស្សស្រីឡើងក្ដារខៀនសូត្រមេរៀន លោកក៏ចាប់ផ្ដើមថតយកខោក្នុងរបស់សិស្សស្រីនេះតែម្ដង។

យ៉ាងណាក្ដី សកម្មភាពទាំងស្រុងរបស់លោកគ្រូរូបនេះ ត្រូវបានសិស្សប្រុសម្នាក់ទៀតនៅក្នុងថ្នាក់ថតជាប់ទាំងអស់ ហើយប្រគល់ជូនក្រួសួងអប់រំប្រទេសនេះចាត់វិធានការ។ នៅពេលនេះ លោកគ្រូខាងលើត្រូវបានគេផ្អាកការងារជាបណ្ដោះអាសន្នដើម្បីស៊ើបថា តើមានជនរងគ្រោះប៉ុន្មាននាក់ហើយ ដែលត្រូវបានលោកថតបែបនេះ។ យោងតាមក្រសួងអប់រំខេត្ត Los Rios នៅក្នុងឆ្នាំ២០១៨ ក្រសួងបានបញ្ឈប់លោកគ្រូ អ្នកគ្រូចំនួន៩រូបពីបទបៀតបៀនផ្លូវភេទរបស់សិស្សហើយ៕

ចុចអាន៖ វេរលុយឲ្យមិត្តស្រីអនឡាញ១ម៉ឺន៥ពាន់ដុល្លារ ដល់ជួបខាងក្រៅ បុរសម្នាក់ស្ដាយក្រោយលែងទាន់

ប្រភព៖ Eva ប្រែសម្រួល៖ Caramel