សញ្ញានៃភាពឯកាដល់កំពូល គេងមិនលក់ បារម្ភពីរឿងដែលគ្មានហេតុផល
- 2019-11-19 02:55:00
- ចំនួនមតិ 0 | ចំនួនចែករំលែក 0
សញ្ញានៃភាពឯកាដល់កំពូល គេងមិនលក់ បារម្ភពីរឿងដែលគ្មានហេតុផល
រស់នៅម្នាក់ឯងមិនមែនជាបញ្ហា ប៉ុន្តែនៅពេលអារម្មណ៍ចាប់ផ្ដើមតឹងតែងដោយគ្មានហេតុផល យើងដឹងច្បាស់ថា វាមិនមែនជារឿងប្រក្រតីឡើយ។ ប្រសិនបើអ្នកមានមុខសញ្ញាទាំងនេះ មានន័យថាភាពឯការបស់អ្នកគឺស្ថិតនៅខ្ពស់ជាងការឯកាធម្មតាហើយ។
**១. គេងមិនលក់ជាច្រើនយប់**
ការពិសោធន៍បានបង្ហាញឲ្យឃើញថា ការគេងអត់លក់នឹងកើតឡើងនៅពេលអ្នកឯកាខ្លាំងពេក។ វេជ្ជបណ្ឌិត Leana Karena បានឲ្យដឹងថានៅពេលអ្នកឯកា មិនមែនអ្នកគេងតិចជាងមុនឡើយ តែអ្នកនឹងដឹងខ្លួនច្រើនដងនៅពេលគេង ដែលធ្វើឲ្យការគេងរបស់អ្នកបាត់បង់គុណភាព។
២. ភ័យខ្លាចរឿងនឹងអាក្រក់ជាងនេះ
តើអ្នកធ្លាប់ប្រឆាំងនឹងការភ័យខ្លាចដែរឬអត់? នៅពេលអ្នកឯកា អរម៉ូន cortisol នឹងកើនឡើង ដែលជាមូលហេតុធ្វើឲ្យអ្នកគិតច្រើន តែមិនហ៊ាននិយាយចេញមក។ កត្តានេះក៏ធ្វើឲ្យអ្នកមិនស្ងប់អារម្មណ៍ដូចគ្នា ហើយទាំងដែលរឿងមិនមានអ្វីសោះ អ្នកក៏នឹងគិតថាវានឹងប្រែទៅជាអាក្រក់ដូចគ្នា។
៣. អ្នកពិបាកប្រឈមមុខនឹងអ្នកដទៃ
ការពិសោធន៍មួយបានបង្ហាញឲ្យឃើញថា នៅពេលអ្នកឯកាយូរថ្ងៃពេក ជំនាញដែលប្រឈមមុខជាមួយមនុស្សក្នុងសង្គមរបស់អ្នកនឹងធ្លាក់ចុះ។ បណ្ដាញទំនាក់ទំនងរបស់អ្នកក៏ធ្លាក់ចុះដូចគ្នា។ ប្រសិនបើអាការៈនេះកើតឡើងយូរ អ្នកអាចនឹងលែងហ៊ានប្រឈមមុខនឹងមនុស្សចម្លែកក៏ថាបាន។ ដូចនេះ អ្នកគួរចេញក្រៅម្ដងម្កាល ដើម្បីកុំឲ្យខ្លាចមនុស្ស។
៤. អ្នកលែងមានអារម្មណ៍ថារីករាយពេលនៅម្នាក់ឯង
ជាធម្មតា នៅពេលនៅម្នាក់ឯង យើងតែងមានអារម្មណ៍ថាធូរខ្លួនក៏ដូចជាបានលំហែកាយជាដើម ដ្បិតគ្មានអ្នកណាក៏ដូចជាសំឡេងរំខានជាដើម។ យ៉ាងណាក្ដី ប្រសិនបើពេលនៅម្នាក់ឯង ហើយអ្នកគ្មានអារម្មណ៍ថាបានស្ងប់ចិត្ត ផ្ទុយមកវិញ បានត្រឹមតែមិនសប្បាយចិត្តនោះ មានន័យថាអ្នកកំពុងឯកាខ្លាំង ហើយតែងត្រូវការត្រូវការអ្នកកំដរជានិច្ច៕
ចុចអាន៖ ៣ កំហុសដាច់ខាតត្រូវជៀសវាងពេលងូតទឹកក្នុងរដូវរងារ បើមិនចង់គ្រោះថ្នាក់