ការសិក្សាបង្ហាញថា សម្រកគីឡូលឿនក៏អាចប្រឈមបាត់បង់សង្សារនិងបញ្ហាច្រើនទៀត
- 2019-11-17 02:00:00
- ចំនួនមតិ 0 | ចំនួនចែករំលែក 0
ការសិក្សាបង្ហាញថា សម្រកគីឡូលឿនក៏អាចប្រឈមបាត់បង់សង្សារនិងបញ្ហាច្រើនទៀត
ខណៈមនុស្សជាច្រើនគិតថា ការសម្រកគីឡូមានតែផលប្រយោជន៍នោះ តែតាមការពិត វាក៏ភ្ជាប់មកជាមួយនូវផលអវិជ្ជមានជាច្រើនផងដែរ។ យោងតាមការសិក្សាបានបង្ហាញដូចខាងក្រោម៖
**១. បាត់បង់ស្នេហា**
យោងតាមការពិសោធន៍ថ្មីបំផុតរបស់សាស្ត្រាចារ្យ Tricia Leahey នៃសកលវិទ្យាល័យ Browncho បានឲ្យដឹងថា ការស្រកគីឡូច្រើនក្នុងពេលខ្លីអាចធ្វើឲ្យមនោសញ្ចេតនារបស់គូស្នេហ៍សាបរលាប។ តាមនោះដែរ នៅពេលស្រកគីឡូលឿន រាល់សកម្មភាពប្រចាំថ្ងៃរបស់អ្នកនឹងត្រូវផ្លាស់ប្ដូរ ដែលធ្វើឲ្យដៃគូមិនយល់នូវចំណុចទាំងនេះ ដូចនេះការឈ្លោះប្រកែកនឹងកើតមានឡើង ដែលអាចនាំឲ្យបែកគ្នា។
២. ហានិភ័យបាក់ទឹកចិត្ត
ការពិសោធន៍នៃសកលវិទ្យាល័យឡុងដុង ដែលធ្វើឡើងនៅលើមនុស្សធាត់២០០០នាក់ក្នុងរយៈ៤ឆ្នាំ បានបង្ហាញឲ្យឃើញថា អ្នកដែលលើសគីឡូហើយចង់សម្រកគីឡូគឺមានដល់ទៅ៧៨%ដែលមានទំនោរទៅកាន់ការបាក់ទឹកចិត្ត ចំពោះអ្នកដែលស្រកបានសម្រេចតាមចិត្តខ្លួន។ តួលេខនេះបានធ្វើឲ្យមនុស្សជាច្រើនភ្ញាក់ផ្អើល។
៣. យារស្បែក
បញ្ហាដែលជៀសមិនផុតនៅពេលស្រកគីឡូច្រើន និងលឿននោះគឺស្បែកនេះឯង។ នៅពេលស្រកគីឡូលឿនពេក យើងនឹងបាត់បង់ចំនួនខ្លាញ់លឿន នៅពេលចន្លោះទាំងនេះបាត់ ស្បែករបស់យើងនឹងត្រូវយារធ្លាក់ ហើយពិតជាពិបាកខ្លាំងណាស់ដើម្បីស្ដារឲ្យស្បែកនេះហាប់មកវិញ៕
ចុចអាន៖ អាហារដែលអ្នកម្តាយមិនត្រូវបរិភោគពេលកំពុងមានផ្ទៃពោះ