ស្ទីលស្លៀកពាក់ ៦ ប្រភេទ ដែលនារីកូរ៉េមិនដែលមើលរំលង
- 2019-11-05 03:00:00
- ចំនួនមតិ 0 | ចំនួនចែករំលែក 0
ស្ទីលស្លៀកពាក់ ៦ ប្រភេទ ដែលនារីកូរ៉េមិនដែលមើលរំលង
កើតជាមនុស្សស្រី ការស្លៀកពាក់តុបតែងខ្លួន មិនមែនដើម្បីតែបំពេញភ្នែកនិងចិត្តអ្នកដទៃនោះទេ សំខាន់អាចធ្វើឱ្យអារម្មណ៍ខ្លួនឯងស្រស់ស្រាយនិងងាយស្រួល។ សម្រាប់មិត្តៗនារី ដែលស្រលាញ់ចូលចិត្ត ស្ទីលសម្លៀកបំពាក់បែបកូរ៉េ ដែលកំពុងតែទទួលបានការពេញនិយមខ្លាំង ចំពោះមនុស្សទូទៅព្រមទាំងតារាល្បីៗផងដែរ អាចជ្រើសរើសតាម ស្ទីល ៦ប្រភេទ ដូចខាងក្រោមនេះ។
១. អាវស្បែក
វាពិតជាមានភាពស្រស់ស្អាតទាក់ទាញ និងជួយឱ្យការតុបតែងខ្លួន កាន់តែលេចធ្លោមួយកម្រិតទៀត។ លើសពីនេះ អ្នកក៏អាចពាក់វារាល់ពេលត្រូវធ្វើដំណើរទៅកាន់គ្រប់កន្លែងជិតឆ្ងាយទាំងអស់។
២. អាវខោវប៊យ
អាវខោវប៊យមានប្រជាប្រិយភាព តាំងពីយូរណាស់មកហើយ មិនថាបុរសឬនារីទេ។ ថ្វីត្បិតតែមើលទៅសាមញ្ញមែន ប៉ុន្តែអ្នកអាចពាក់អាវប្រភេទនេះ ជាមួយនឹងសម្លៀកបំពាក់ច្រើនម៉ូដផ្សេងៗគ្នា។
៣. អាវរងា
អាវរងាពិតជាមិនអាចខ្វះបាន ជាពិសេសនៅពេលអាកាសធាតុត្រជាក់។ ក្រៅពីជួយបង្កើនភាពកក់ក្តៅ វាក៏ជាស្ទីលកាលីបមួយ ដែលមនុស្សគ្រប់គ្នា តែងពាក់វា ទោះក្នុងរដូវមិនសូវត្រជាក់ក៏ដោយ។
៤. អាវមានក្រឡា
សម្លៀកបំពាក់សាច់លាតៗ ពេលខ្លះមើលទៅដដែលៗនិងគួរឱ្យធុញណាស់ ដូច្នោះហើយនារីកូរ៉េភាគច្រើននិយមពាក់ខោឬអាវ ដែលមានការច្នៃម៉ូដជាក្រឡាតូចៗឬធំជាដើម ដើម្បីផ្លាស់ប្តូរស្ទីល ឱ្យប្លែកភ្នែកម្ដង។
៥. សំពត់វែង
នារីកូរ៉េយ៉ាងហោចណាស់ក៏មានសំពត់វែង ១-២ ដែរនៅក្នុងទូ ព្រោះវាស័ក្ដិសមស្ទើរគ្រប់រដូវទាំងអស់ និងជាជម្រើសដ៏ល្អសម្រាប់ អ្នកដែលស្រលាញ់ស្ទីលបែបសុភាពនារី ស្រស់ស្អាត គួរឱ្យស្រលាញ់។
៦. ស្បែកជើងកវែងកែងទាបល្មម
ចុងក្រោយបង្អស់ជាស្ទីលដែលនារីកូរ៉េ មិនដែលមើលរំលងនោះគឺ ស្បែកជើងកវែងកែងទាបល្មម។ ទោះជាពេលអ្នកស្លៀកសំពត់ ខោ រ៉ូប វែងឬខ្លី ស្បែកជើងកវែង ពិតជាស័ក្ដិសមឥតទាស់ និងកាន់តែធ្វើឱ្យអ្នកទាន់សម័យលេចធ្លោ៕
ចុចអានបន្ត៖ ពេលអត់សម្តែងលើឆាក ក្រុម BlackPinkនិយមពាក់ស្បែកជើង ៥ ម៉ូដនេះ