អ្នកកើតចំថ្ងៃទាំង ៤ នេះ មានសំណាងខ្លាំង ប៉ងអ្វីនឹងបានដូចចិត្តក្នុងឆ្នាំ២០១៩

2019-10-25 04:25:00
ចំនួនមតិ 0 | ចំនួនចែករំលែក 0

ចាត់ទុកថាជាលាភសំណាងខ្លាំងណាស់ នៅពេលដែលអ្នកអាចទទួលបានអ្វីៗដូចបំណង។ កាន់តែសំណាងមួយកម្រិតទៀត បើអ្នកកើតចំថ្ងៃទាំង ៤នេះ។

រូបតំណាង

**១. ថ្ងៃច័ន្ទ**

សម្រាប់អ្នកកើតថ្ងៃច័ន្ទ មានចរិតរាងឆេវឆាវបន្តិច និងមិនសូវចូលចិត្តភាពមមាញឹករញ៉េរញ៉ៃច្រើន។ អ្នកចេះការពារមិនឲ្យអ្នកដទៃកេងប្រវ័ញ្ចផលប្រយោជន៍បានដោយងាយឡើយ។ ប៉ុន្តែអ្នកមានចិត្តសប្បុរស ចូលចិត្តជួយសង្គ្រោះអ្នកដទៃឲ្យផុតពីក្តីឈឺចាប់។

សម្រាប់អ្នកដែលកើតនៅក្នុងថ្ងៃច័ន្ទនេះដែរ គឺមានលាភសំណាងធំក្នុងអំឡុងចាប់ពីសីហារហូតដល់ចុងឆ្នាំតែម្តងង។បើនិយាយពីការងារវិញ ក៏រីកចម្រើនទៅមុខល្អ គួបផ្សំជាមួយនឹងទេពកោសល្យ និងការខិតខំប្រឹងប្រែង នាំឲ្យអ្នកទទួលបានផ្លែផ្កា គួរឲ្យស្ញប់ស្ញែង។

២. ថ្ងៃសៅរ៍

សម្រាប់អ្នកកើតថ្ងៃសៅរ៍ ជាមនុស្សចូលចិត្តភាពទំនេរសម្រាកលំហែ មិនសូវគិតខ្វល់ខ្វាយច្រើន ទោះមានសមត្ថភាពនិងប្រាជ្ញាខ្ពស់ ក៏មិនចូលចិត្តបញ្ចេញសំញែងឲ្យគេឃើញ។ ភាគច្រើនអ្នកតែងតែធ្វើច្រើនជាងនិយាយ និងមានទំនុកចិត្តលើខ្លួនឯង។ អ្នកមិនសូវចេះកើតទុក្ខយូរ ដូច្នេះហើយនរណាបាននៅជិត ក៏ស្រស់ស្រាយដែរ។ ពេលមានស្នេហា អ្នកមានភាពច្បាស់លាស់ និងប្រើក្តីស្រលាញ់ដោយភាពវៃឆ្លាត។

ចំពោះអ្នកកើតថ្ងៃសៅរ៍ ឲ្យតែប៉ងចង់បានអ្វីមួយហើយ មិនយូរមិនឆាប់ នឹងទទួលបានជោគជ័យដូចប្រាថ្នា។ លុយកាក់នឹងហូរចូលច្រើនៗ ជាពេលវេលាដ៏ល្អប្រសិនបើអ្នកចង់ទិញឡានឬផ្ទះថ្មី។ គួររីករាយទៅ ព្រោះក្នុងឆ្នាំនេះ ជាឆ្នាំសំណាងបំផុតរបស់អ្នក។

រូបតំណាង

៣. ថ្ងៃពុធ

អ្នកកើតថ្ងៃពុធជាមនុស្សដែលមានការប្រុងប្រយ័ត្នខ្ពស់ និងមិនចូលចិត្តឲ្យនរណាម្នាក់កេងប្រវ័ញ្ចផលប្រយោជន៍។ អ្នកមានចិត្តក្តៅបន្តិច ជាពិសេសពេលនិយាយជាមួយមនុស្សដែលគ្មានហេតុផល មិនដឹងខុសត្រូវ។ បើមើលពីសំបកក្រៅ អ្នកមានភាពម៉ឺងម៉ាត់ខ្លាំង ប៉ុន្តែក្នុងចិត្តពោរពេញដោយភាពស្រទន់ មិនចេះច្រណែនព្យាបាទ និងចេះជួយអ្នកដទៃដោយមិនរំពឹងចង់បានអ្វីតបមកវិញ។

ក្នុងឆ្នាំនេះ មានរឿងល្អៗច្រើនណាស់ ដែលបានកើតឡើងមកលើអ្នក។ បើនិយាយពីលុយកាក់ មានតែកើនឡើងគ្មានស្រកចុះ ហើយកិច្ចការងារក៏ជោគជ័យ ឬទទួលបានតំណែងខ្ពស់ជាងមុន។ ចូលរួមអបអរសម្រាប់ដែលកើតថ្ងៃពុធ ព្រោះលាភសំណាង សុភមង្គល នឹងចូលមកក្នុងជីវិតអ្នក។

រូបតំណាង

៤. ថ្ងៃអង្គារ

អ្នកកើតថ្ងៃអង្គារជាមនុស្សស្ងៀមស្ងាត់ ម៉ឺងម៉ាត់ច្បាស់លាស់គ្រប់រឿង មិនចូលចិត្តភាពគ្មានសណ្តាប់ធ្នាប់ និងនិយាយត្រង់ៗ។ អ្នកតែងតែប្រើការគិតដោយភាពឆ្លាតវៃ ចេះស្រលាញ់មើលថែខ្លួនឯងបានល្អ មិនចូលចិត្តពឹងផ្អែកលើអ្នកដទៃ មិនយកអំណាចធ្វើបាបមនុស្សទន់ខ្សោយជាង និងមានទឹកចិត្តល្អ នៅពេលមានគេពឹងឲ្យជួយ។

ក្នុងអំឡុងឆ្នាំនេះ អ្នកនឹងទទួលបានទ្រព្យធំ។ លុយក៏ហូរហៀរ សុភមង្គលក៏មាន។ អ្នកប្រហែលជាហត់នឿយបន្តិច ប៉ុន្តែទទួលបានផ្លែផ្កាលើសពីការរំពឹងទុក។ ត្រៀមខ្លួនចាំទទួលយកលាភសំណាង ដែលនឹងចូលមកប្រដាក់គ្នាឥតឈប់ឈរ៕

ចុចអានបន្ត៖ ជ្រើសរើសត្បូងគជ់មួយគ្រាប់ ដើម្បីដឹងពីតម្រូវការពិតប្រាកដរបស់អ្នក

ប្រភព៖ 108resources ប្រែសម្រួល៖ ដេត ឈុនអ៉ី