បើខ្លាចសើមកុំដើរកាត់ពេលភ្លៀង បើរស់ជាមនុស្សមិនត្រូវខ្លាចនឹងពាក្យគេរិះគន់
- 2019-10-18 08:52:04
- ចំនួនមតិ 0 | ចំនួនចែករំលែក 0
បើខ្លាចសើមកុំដើរកាត់ពេលភ្លៀង បើរស់ជាមនុស្សមិនត្រូវខ្លាចនឹងពាក្យគេរិះគន់
តើអ្នកធ្លាប់ត្រូវបានគេសរសើរដែរទេ? ហើយពេលអ្នកជោគជ័យ ភាគច្រើនតែងតែលិចលឺពាក្យគេនិយាយដើមពីក្រោយ មែនដែរទេ?
ចម្លើយប្រាកដជាធ្លាប់ ពិតទេ? នេះជារឿងដែលអ្នកណាក៏ធ្លាប់ជួបប្រទះដែរ ម្ល៉ោះហើយកុំមានអារម្មណ៍ពិបាកចិត្តពេកអី។ ត្រូវរំលឹកខ្លួនឯងថា បើអ្នកកំពុងរស់នៅក្រោមមេឃ សូមកុំខ្លាចទទឹកភ្លៀង ធ្វើជាមនុស្សក៏កុំខ្លាចនឹងពាក្យគេនិយាយដើម។
ជីវិតនៅពេលពេញវ័យមិនដូចកាលនៅតូចឡើយ។ មានពេលខ្លះអ្នកត្រូវធ្វើឆ្កួត ធ្វើឆ្លាតខ្លះ បើកភ្នែកម្ខាងអត់ម្ខាងខ្លះទើបមិនសូវអំពល់ច្រើន។ អ្នកប្រហែលជាត្រូវស៊ូទ្រាំនឹងសម្ដីអ្នកដទៃ ពាក្យរិះគន់របស់គេបើល្អរើសយកមកស្ថាបនាខ្លួនឯង បើស្ដាប់មិនចូលត្រចៀកទេ ក៏ចាត់ទុកថាមិនបានលឺគឺរួចគ្នា។ មានពេលខ្លះ ទោះយើងខំធ្វើល្អទាំងយប់ទាំងថ្ងៃក៏នៅមានអ្នកចាំច្រណែន ទើសយើងមិនឈប់ថាយើងប៉ិនបង្កើតរូបភាពថ្មី ទាក់ទាញចំណាប់អារម្មណ៍។ យើងមិនអាចបិទមាត់អ្នកដទៃទេ តែយើងអាចបិទត្រចៀកខ្លួនឯងមិនឲ្យលឺបាន។ មនុស្សពូកែជេរគេ ឃើញអ្នកណាក៏ទើសដែរ ។
ព្រះអនន្ទដែលធ្លាប់ត្រូវបណ្តាសារ ត្រូវស្ត្រីម្នាក់ចុះមកជេរទ្រង់៧យប់ ៧ថ្ងៃ រហូតទ្រង់ទ្រាំមិនបានទៅទូលព្រះសម្មាសម្ពុទ្ធថា ទ្រង់សុំចាកចេញឆ្ងាយពីទីក្រុងនេះ មិនចង់លឺពាក្យជេរទៀតទេ។ ព្រះសម្មាសម្ពុទ្ធមានបន្ទូលថា ពេលព្រះអនន្ទភៀសខ្លួនទៅទីក្រុងមួយទៀត ហើយនៅតែមានគេជេរ តើពេលនោះព្រះអង្គនៅតែបន្តសុំភៀសខ្លួននៅទីក្រុងមួយទៀតរហូតឬយ៉ាងណា? ព្រះសម្មាសម្ពុទ្ធបានបន្ទូលថា បើព្រះអង្គមិនចង់ទទួលរងពាក្យបណ្តាសារ លុះត្រាព្រះអង្គចុះមកស្ថានមនុស្សលោក ហើយធ្វើជាមនុស្សសាមញ្ញមិនគិតអ្វីច្រើន ទើបលែងលឺពាក្យជេររបស់នរណាម្នាក់ទៀត។
ដូច្នេះ បើអ្នកកើតជាមនុស្សសូមកុំខ្លាច កុំខ្លាច មិនត្រូវខ្លាចនឹងពាក្យអ្នកដទៃឡើយ។ ពេលវេលាចេះតែដើរទៅមុខ មិនជឿថារឿងទាំងអស់នៅដដែរទេ ប្រាកដជាមានការផ្លាស់ប្តូរមិនខាន។ បើអ្នកមិនអាចដោះស្រាយបាន ទុកឲ្យព្រះសម្មាសម្ពុទ្ធជួយដោះស្រាយឲ្យទៅ ហើយធ្វើជាមនុស្សមិនគិតច្រើនល្អជាង។
កុំគិតថាខ្លួនឯងនៅតែជាមនុស្សទន់ខ្សោយនឹងរស់ក្នុងពិភពលោកនេះ គួរបណ្ដែតអារម្មណ៍ឲ្យរសាយតាមជំនោរខ្យល់នាពេលរាត្រី ។ ឆាប់ចូលគេង ហើយញញឹមឡើងនៅថ្ងៃស្អែក៕
ចុចអាន៖ នារីគួរឲ្យចាប់អារម្មណ៍ គឺចេះផ្តល់តម្លៃសម្រាប់ខ្លួនឯងនិងអ្នកដទៃ